حل مشكلة التفتفة والأنطفاء في الجمسات والشفرات وتوابعها من الأمريكي بالصور

[كبسولة 2]

بسم الله الرحمن الرحيم

أخواني السلام عليكم ورحمة الله وبركاته وبعد

ليس من المعقول أن يشتكي كل أصحاب الجمسات والشفرات من الطرمبة كل يوم فالمشكلة بنسبة 80 %

ليست منها من أشياء أخرى وبعض أصحاب الورش يعرفها

ولكنهم يقولون طرمبة بنزين ويقول لك خلي السيارة عندنا

وتعال بكرة خذه أو بعد 4 ساعات تحتاج شغل كثير

ويقومون بإصلاح وترجع السيارة أحسن من أول وهاااااات

فلوس والشفلة بسيطة جداً

حصلت مشكلة لأحد زملائي معه يوكن 2002 يتفتف

ويقل عزمه ويطفي أثناء مشي السيارة

في خط طويل والمشكلة أنه يطفي المفتاح ويشغل وتشتغل عااااادي وتمشيه 15 كيلو

يقول صاحبنا ماخلى محل فحص كمبوتر الا وذهب له ولا خلى ولا ورشه الا وذهب لها

وبعضهم يقولون طرمبة بنزين 1400 ريال !!!

والبعض الآخر يقولون حساس الكام والكرنك الحساس 150 ريال

وشغل اليد 300 ريال !!!

وأخر يقول الثلاجة تهرب هواء يبغالها وجه جديد فك وتركيب 400 ريال !!!

وأخر يقول الكويلات والبواجي يبيلها تغير !!!

وأستشارني قلت كلهم خرااااااااطين ولا عندهم سالفة ولم أقتنع بكلامهم

الطرمبة إذا خربت تطفي السيارة ولا تشتغل الا إذا أخذت نصف ساعة تبريد

أو طقيتها برجلك أسفل التانكي وأحياناً ماتشتغل وتحتاج سطحة لنقلها

والكويلات والبواجي والثلاجة وحساسات الكرنك إذا خرب أحدها تفتف على طوووول

ولا تنتهي التفتفة الا نادراً لكن سرعان ماتعود بسرعة

قلت أسمع كلامي ونبدأ بالرخيص قبل الغالي

أول شئ قسنا ضغط الطرمبة لقيته ضعيف غيرنا الصفاية صار ضغطها ممتااااز

قلت عطني كتالوج السيارة حق بلدها بالأنقليزي طبعاً أستخدام أمريكي

تصفحته بالأستراحة على رواقه أنا وهو لقيت مكتوب

فيه بعض محركات الفورتك 5300 وليس كلها فيه محركات 5300 تختلف

الي يجي في وسط أرقامها الهيكلية حرف z نوع البنزين

الموصى به للمحركات هذه بالذات أوكتين 85 وإذا فيه أعلى منه مايضر

إلى أوكتين 87 مافيه مشكلة !!!!! باقي المحركات عادي تقبل أي شئ

قلت وش تعبي سياراتك قال 95 قلت الكتالوج يقول من 85 إلى 87

يعني الله لا يهينك حول إلى 91 التعبئة القادمة وهو أقرب شئ للموصى به

حول الرجال للبنزين 91 قلت هاه بشر وش صار

قال المشكلة لازالت بس أخف من أول

بعد البنزين 91 صارت تطفي مرة أو مرتين أول

تطفي 5 إلى 6 مرات في

المشوار الواحد !!!

قلنا حلو طيب هاتها لي الليلة في

الأستراحة وهات معك

معك منظف أيسي ديلكو بإذن الله إني لأطلع

علتها غصب وراها وراها حتى تضبط

ونظفت له الثروتل بفكه كاااامل خارج المحرك وهذه صورته


http://www.7rkt.at/uploader/uploads/58fbd7a2d1.jpg

قلت جربها وبإذن الله راح تضبط

جربها قال لي السيارة

فيها تحسن بسيط عن أول قبل التنظيف تتفتف وتطفي

الآن تفتف ولا تطفي !!!

قلنا حلو أنا وراها والزمن طويل

فكينا الحساس العلوي للثروتل ولقيناه منتهي حركته ثقيلة

والجديد حركته خفيفة غيرناه وهذه صورته

http://www.mekshat.com/pix/upload01/prof003/mk17809_kapsoolah%20%287%29.jpg

قلت له جرب السيارة ورد لي خبر

جربها يومين يقول

تحسنت عن أول صارت تتفتف وتطفي أحياناً بعد يومين 3

أيام أول تطفي كل مشوار !!!

قلنا حلو والله أني وراها

حتى أجيب علتها بإذن الله هاتها الليلة وهات معها بخاخ

تنظيف الألكترونيات خاص بها مثل هذا الي بالصورة

http://www.mekshat.com/pix/upload01/prof003/mk17809_kapsoolah%20%285%29.jpg

قبل فك الحساس يجب فصل أصبع البطارية السالب وهذه صورة الحساس

http://www.mekshat.com/pix/upload01/prof003/mk17809_kapsoolah%20%286%29.jpg

فكيناه فوجدنا في الفيش حقه كربون لونه أبيض مع زرقه

زي البودرة في فتحات الفيش والأسنان التي يشبك فيها في

نفس الحساس قمت بتنظيف الفيش ببخاخ التنظيف وتركته

حتى يجف وقمت بتنظيف أسنان الحساس نفسها زي

المشط بورق صنفرة العادي وحكيته حتى تخلصت من

طبقة الكربون الي تغطيه وأيضاً بخيت عليه من البخاخ

حق تنظيف الالكترونيات حتى جف على مكان شبك الفيش

وأيضاً في بطنه تجد 3 أسلاك صغيييييييرة جداً

زي فتيلة اللمبة الغازية لا تلمسها بيدك وبالراحة عليها

أثناء بخ البخاخ هذه صورة تقريبيه للأسلاك الصغيرة

طبعاً الحساس لسيارة أخرى

http://www.4x4wire.com/toyota/maintenance/tacoma_4runner_30k/wires_dirty.jpg

قلت له جربها ورد لي خبر

راح الرجال وغاب عني 3 أيام

قلت خلني أدق عليه وأشوف علومه هاااه ياولد وينك

وكيف الموتر قال الله يجزاك بالخير الموتر ضبط كنها

وكالة ماشاء الله تبارك الله

وصرفية البنزين خفت

وأنا الآن أكلمك من طريق المدينة المنورة القصيم رايح

زيارة للمدينة قلت تاصل بالسلامة إن شاء الله

ومع السلامة

أخواني تذكروا عند مواجهة مشكلة في سياراتكم

أن تبدوا بالرخيص قبل الغالي ولا تسلمون لحاكم للورش

تدرون ليه لأن 99 % منهم عمالة سايبة وغير مؤهلة

لصيانة السيارات وماشية معهم بالبركة أهم شئ كم يطلع

من وراك يالسعودي

واحد مرة يقولي تغير القماش 70 ريال قلت ليييييه

قال أنتا سعودي حكومة زيادة راتب أنتا 10 %

لا أريد منكم غير الدعاء لوالدي والسلام عليكم ورحمة الله وبركاته

كبسولة2 هو مقاطع للشراء

[نسكافيه]

الله يجزاك خير اخوي كبسولة وينفع بك الاسلام والمسلمين

وبصراحة اول مره اسمع ان بنزين ٩١ في بعض السيارات احسن من ٩٥

بالعادة يقولون اللي تعبا ٩١ تعبيها ٩٥ بدون مشاكل

لكن هذي اول مره اسمع بها !!!

[عاشق z71]

مشالله زين انك جيت يالغالي هنا
كنت ناوي بصراحه اقدملك دعوه بس زين انك جيت يالغالي

الله يجزاك خير

[chevy c10 85]

ماشاء الله عليك شرح وصور بيض الله وجهك اخوي كبسوله2 اتمني ان بعض الشباب يحاول يحل الشغله اذا تعطلت معه لكن مشكلتهم يسلمون لحيتهم للعماله الوصخه اللي مايهمها الا اخذ الفلوس والشغل اللي اي كلام مش حالك لو تسئله ابسط الامور يقول ماعرف قواك الله واتمني من الشباب انهم يعتمدون علي انفسهم والغالبيه منهم كذلك تحياتي

[بن غييثات]

موضوع رائع .. متميز .. ممتاز

يستاهل تقييم والله

يعطيك العافية ياوخيي ولا يحرمك الاجر

باطبقها على الانفوي ابن آخي الجمس

[ابو نايف]

كثر الله خيرك
يعلم الله انه عندي موتر مبهذلني با التفتفاه
والتقطيع بس بعد التقرير الحلو ابا شيك على
حساس الهوا لعلا يطلع منه العيب
ماقصرت :43683.imgcache[1]:

[بندر]

موضوع رائع

[شقران]

ماشاء الله عليك ياكبسولة صراحة انك بحر من المعرفة ماشاء الله عليك وراعي بال طويل ..


كل الشكر لك ياغالي على جهودك ومقدرين لك تواصلك ..

[كبسولة 2]

هلا بالشباب

وأتمنى لكم الفائدة مما أطرحه

ولقد جذبني هذا المنتدى لأنه مخصص لسيارات جنرال موتورز

التي أعشقها عشق جنوني ولو خيروني بجيب لكزس 2009

أو أنبالا 80 لأخترت الأمبالا عليه

وأنا تحت أمركم في أي شئ يتعلق بالسيارات الأمريكية

تقبلوا تحيات أخوكم كبسولة 2

[حمرين]

الله يعطيك العافيه عز الله انك ماقصرت
الله يجعل واللديك في الجنه

[راعي وشيقر]

بيض الله وجهك يالذيب .. شرحك وووافي ..

معلووومااات قيمه ورائعه ..


الله لايحرمناا من ابداعااتك اخوي كبسووله ..

مشكوووور ولا قصرت ..

والله يجعله في موازين حسناااتك ..

ويرحم والديك ..

[ولد وايل]

والله انك مجرم ياكبسوله2 <<< مدح ناس زااااحفين

جعل عمرك طويل ورحم الله والديك.

[عاشق z71]

مشالله تبارك الله

يتثبت لفائدته للجميع

[كبسولة 2]

هلا بالجمييييييييييع وأتمنى لكم الفائدة

ودمتم بود

[فيصل الخالدي]

ماشاءالله الله يعطيك الف عافيه عالشغل الزين اتوقع على شغلكم ذا كله ماكلف ولا 50 ريال مع فرشة اسنان مستعمله لتنظيف الثروتل

[هشام الملا]

السلام عليكم

ما قصرت اخوي كبسوله وفيت وكفيت

عندي تعليق على موضوعك لو تسمح لي ....

الورش الي انت تتكلم عنها موجوده في كل مكان .. والمشكله اننا نتهم العماله الي عمرهم ما شافو سياره امريكيه بعيونهم ؟؟؟
ونطالبهم بتصليح السياره بالشكل الصحيح ؟؟؟؟ ما يصير يا الغالي ..

انا احط الملامه كلها على صاحب الورشه السعودي الي يسمح لناس جهله يتدربون في سيارات الخلق .. ولا انا غلطان ؟

انا اشوف الي انت سويته صحيح وتابعت المشكله بس اخذت وقت زياده لحلها ؟

فيه كمبيوتر اسمه tech2 مخصص لسيارات الجنرال موتر والهولدن وقيمته 23 الف ريال ومع وصله الكاندي يطلع عليك قريب ال 28 الف ريال وقتها تقدر تفحص السيارات ال 2007 وما فوق

والكمبيوتر راح يحل المشكله ب 5 دقايق وتراه اقوى جهاز الى الان في الامريكي

كل الي عليك انك تختار الورشه الصحيحه للقيام بصيانه سيارتك وحل مشاكلها

تحياتي لك

[فيصل الخالدي]

السلام عليكم

ما قصرت اخوي كبسوله وفيت وكفيت

عندي تعليق على موضوعك لو تسمح لي ....

الورش الي انت تتكلم عنها موجوده في كل مكان .. والمشكله اننا نتهم العماله الي عمرهم ما شافو سياره امريكيه بعيونهم ؟؟؟
ونطالبهم بتصليح السياره بالشكل الصحيح ؟؟؟؟ ما يصير يا الغالي ..

انا احط الملامه كلها على صاحب الورشه السعودي الي يسمح لناس جهله يتدربون في سيارات الخلق .. ولا انا غلطان ؟

انا اشوف الي انت سويته صحيح وتابعت المشكله بس اخذت وقت زياده لحلها ؟

فيه كمبيوتر اسمه tech2 مخصص لسيارات الجنرال موتر والهولدن وقيمته 23 الف ريال ومع وصله الكاندي يطلع عليك قريب ال 28 الف ريال وقتها تقدر تفحص السيارات ال 2007 وما فوق

والكمبيوتر راح يحل المشكله ب 5 دقايق وتراه اقوى جهاز الى الان في الامريكي

كل الي عليك انك تختار الورشه الصحيحه للقيام بصيانه سيارتك وحل مشاكلها

تحياتي لك

طيب ياكبتن هل ممكن ان اجهزة البرمجه الكفيه الي فيها دايجنوستيك انها تحل المشكله؟

مثل الدايابلو والتربل دوج ومايخفا عليك الباقي

[نسكافيه]

السلام عليكم

ما قصرت اخوي كبسوله وفيت وكفيت

عندي تعليق على موضوعك لو تسمح لي ....

الورش الي انت تتكلم عنها موجوده في كل مكان .. والمشكله اننا نتهم العماله الي عمرهم ما شافو سياره امريكيه بعيونهم ؟؟؟
ونطالبهم بتصليح السياره بالشكل الصحيح ؟؟؟؟ ما يصير يا الغالي ..

انا احط الملامه كلها على صاحب الورشه السعودي الي يسمح لناس جهله يتدربون في سيارات الخلق .. ولا انا غلطان ؟

انا اشوف الي انت سويته صحيح وتابعت المشكله بس اخذت وقت زياده لحلها ؟

فيه كمبيوتر اسمه tech2 مخصص لسيارات الجنرال موتر والهولدن وقيمته 23 الف ريال ومع وصله الكاندي يطلع عليك قريب ال 28 الف ريال وقتها تقدر تفحص السيارات ال 2007 وما فوق

والكمبيوتر راح يحل المشكله ب 5 دقايق وتراه اقوى جهاز الى الان في الامريكي

كل الي عليك انك تختار الورشه الصحيحه للقيام بصيانه سيارتك وحل مشاكلها

تحياتي لك

مشكور كابتن على مداخلتك

بس هل الجهاز هذا يطلعها بالشكل الدقيق مررررررررره

يعني الحساس وسخ والا المكان اللي ينشبك فيه مكربن ووووووو ؟؟؟






شكلنا بنقط من 1000 ياشباب ونشتريه :d

[chevy c10 85]

كبسوله والله انك تستاهل الامبالا ابشر بموديل 80 كحلي واحلالاه من ارتز وكشخ عليه موضوعك بطل ولو اني ماافهم بالجديد لكن تستاهل هالاموره


http://www.cars-club.com/up/sp/carsclub_26710938.jpg

[كبسولة 2]

هههههههههههههههههههه

أمبالا مرة وحدة مقبووولة منك ومشكورررر على الهدية

وهلا بالجميع

[123789]

جزاك الله خير.

[المركاز]

جزاك الله خير الجزاء خوي كبسوله على الايضاح

[كبسولة 2]

هلا بالجميع وحياكم الله

[سعد الليالي]

جزاك الله خير واسكن والديك الجنة

سويتها وضبطت معي .. كانت لمبة المكينة والعة وبعد ما نظفت حساس الهواء طفت..وقصة هاللمبة طويلة لا يسع المقام لذكرها

وجزاك الله خير

[كبسولة 2]

جزاك الله خير واسكن والديك الجنة

سويتها وضبطت معي .. كانت لمبة المكينة والعة وبعد ما نظفت حساس الهواء طفت..وقصة هاللمبة طويلة لا يسع المقام لذكرها

وجزاك الله خير

الحمد لله أن موترك ضبط

وجزاك الله خير على دعوتك أخوي سعد الليالي

[كبسولة 2]

يرررررفع للفائدة

[mazenk15]

اشكرك على موضيعك المميزة
* هل الاوكتان له علاقة بالتفتفه حسب معرفتي البسيطة ان الاوكتان يؤثر فقط ب الصرقعه (knock)
هل من الممكن تجربة 95 على نفس السياره
وشكراً
لي عوده

[خويي الجمس]

مشكور على المعلومات القيمه
والى الأمام
تقبل مروري

[الهبس]

والله معتووووووووووووب عليه شغل مضبوووووووووووووط

[الجمس فتنه]

(وسئلوا اهل الذكر ان كنتم لا تعلمون) جزاك الله خير يا كبسولة انا عندي همر جنني وجابلي الصمرقع يتفتف ويقطع ويطفي واذا طفى ما اشتغل واذا اشتغل ما صفا واذا وصل البنزين الربع صار يطفى تتوقع يكون نفس المشكلة ؟؟؟؟

[كبسولة 2]

اشكرك على موضيعك المميزة
* هل الاوكتان له علاقة بالتفتفه حسب معرفتي البسيطة ان الاوكتان يؤثر فقط ب الصرقعه (knock)
هل من الممكن تجربة 95 على نفس السياره
وشكراً
لي عوده

حياك الله أخوي

جرب 95 وعطني خبر ممكن يضبط

مع العلم بأن البنزين المناسب له 91

[كبسولة 2]

(وسئلوا اهل الذكر ان كنتم لا تعلمون) جزاك الله خير يا كبسولة انا عندي همر جنني وجابلي الصمرقع يتفتف ويقطع ويطفي واذا طفى ما اشتغل واذا اشتغل ما صفا واذا وصل البنزين الربع صار يطفى تتوقع يكون نفس المشكلة ؟؟؟؟

طبق الخطوات الي سويتها في الموضوع

وبإذن الله أمورك تضبط

يعني سويله تصفيه شاملة صفاية بواجي أسلاك بواجي تنظيف الثروتل

تنظيف الحساسات

[صياد النسور]

كانت عندي حركة ان السيارة اذا كانت حارة واجي بانطلق
تطفي واشغلها وتمشي بدون مشاكل
وبعد كم كيلو أوقف ونفس السالفة
لكن بعد ما غيرت حساس tps
ماعاد طفت والتعشيق حقها صار تمام عن أول
يعطيك ألف عافية أ. كبسولة:)

[SILVERADO]

يعطيك العافيه ياخوي وما قصرت

عندي الوانيت 2006 كنت الاحظه من كم يوم وانا ادعس بالبانزين اللقاه كانه بيطفي ويرجع طبيعي لكن من يومين كنت واقف تقريبا 10 دقايق

ويوم مشيت لقيت الموتر يقطع والعزم تقرياب اختفى لكن سمعت صوت نفس صوت لي خلص البانزين رغم إنه فيه بانزين وطفيت الموتر وحاولت اشغله وليلحين ما رضى يشتغل ما رضى أبدا وحاولت ثاني يوم بالصبح وابد مافيه فايده ووتتوقع الطرمبه اخربت رغم اني عملت تصفيه والموديل اللي عندي ما يجي فلتر للبانزين .. رايك الطرمبه خربت ؟؟

[راعي ال 2005]

بصراحه موضووع جيد والله يعطيك العافيه

[خاص سعد]

بيض الله وجهك

[لي C متى M قلبي G اسيرك]

الله يجزاك خير وبيض الله وجهك على الموضوع الاكثر من رائع تحياتي

[ميكانيكي383]

الله يجزاك الف خير وفعلا العمال ذبحو هالناس ومسويين فاهمين بعد عزتي والله لأخواننا اللي مستغلينهم اهل الورش

[كبسولة 2]

حياكم الله اخواني

[مشاري12]

بارك الله فيك وفي عملك اخ كبسولة

[العنزي]

مشكوووووووووووووووور

[مخاوي المطاليق]

مشكور ورحم الله والديك والمشكله انك ماتعرف ان فيه الحساسا الفلاني والا القطعه الفلانيه اللى تسبب الخراب واذا تعرفها وتعرف موقعها يمكن طريقت الصيانه او الفك تجهلك والا انا من الناس اللي مابي الصناعيه ولااحب اشتغل موتري الا بيدي قدر المستطاع ولاكن تنصنا الخبره اللي نستقيها من مثلك وشرواك جزاك الله كل خير

[كبسولة 2]

هلا بكم واتمنى لكم الفائدة

[نياف]

الله يجزاك خير استفدت كثيرررررررررر

[كبسولة 2]

حياكم الله جميعاً

[ذيبان 78]

الف شكر ياكبسوله :n200695[1]:

[كبسولة 2]

لا وغلا بالجميييييييييع

[يحي القاضي]

شكرا لك على المعلومات القيمة وأتمنى للجميع الفائدة والأستفادة مما يطرح

[كبسولة 2]

هلا بالجمييييييييييييع