عـاجــل جــداً طـبـلـون جـمـس 78م !!

[الهااجري]

السلام عليكم ورحمة الله وبركاته

يالربع طول الله اعماركم جميع عندي جمس 78م وكاله بدي ومكينه زرقا وكاله اذكرو الله
ولاكن العيب فالطبلون
1_عداد البنزين مايشتغل ماتدري هو فل ولا فاضي واتمنى دلالتي عند فني وخبره ؟
2_توانك البنزين اليمين شغال واليسار مايشتغل والقسام خربان ؟
3_دباب القزوز الاصليه نزلتها وركبت دباب فارغه صوتها يطرب البدوي كنه صوت ام سالم هل الدبه تضر المكينه ؟
وباقي الموتر ماعليه كلام
و4_ لاهنتو على كل حال وبيض الله وجيهكم واتمنى الردود عاجله ؟

تحياتي لكم
الهااجري

[مطلق السلمان]

هلا أخوي الهاجري في البداية ركب قسام جديد ثم شيك على تسليك أهواز البنزين من تحت شفها مشبوكة صح أو لا وأفضل طريقة تجيب موتر ما فيه مشكله في التوانكي يعني شغال عشان اللي بسلك لك الأهواز يشيك على الموتر الصاحي ويرجع على موترك لأن بعض الأحيان يركب هوز محل هوز ثاني مثل هوز الهوا وهوز البنزين.

بعدين شيك على التانكي الثاني إذا صار شغال نرجع للعداد تأكد أن واير العوامة مشبوك طبعاً كل تانكي بنزين فيه عوامة والعوامة فيها واير بعض الإحيان يكون مفصول إذا كان مشبوك ولا تغير العداد يعني ما يشتغل جب لك عداد ثاني وركبه يمكن عدادك خربان إذا ما تغير شي العوامات وأنا ما أعتقد أن العوامات خربانه.

أخوي بنسبة لدباب الوكالة أفضل شي ويقال أن دباب الصوت تضغط على المكينة وتصير فيها صرفية بسيطة والله أعلم كلام يقال.

وتقبل تحياتي ،،،

[الهااجري]

مطلق السلمان بيض الله وجهك على كل حرف قلته وكلامك في محله وبالنسبه للعداد احيان يعلم بالصحيح واحيان يطيح عالفل وهو خربان
ولاكن اين الفني اللي في حراوي صناعية الخضريه الدمام ؟

ولكم مني جزيل الشكر

[نسيم الجنوب]

حياك الله اخوي الهاجري
بالنسبة للامبير حق البنزين اذا يعطيك قراءة صحيحة اوقات ثم يطلغ للفل هذا ممكن عندك سلك الغوامة مجروح ويلمس بالبودي وامرة سهل شيك علي الاسلاك من العوامات واتبع السلك لين توصل المفتاح اللي بالطبلون وامر الخزان اليسار شيك غلى القسام ممكن الكهربا ماتاصل لة وامرة هين بس شوف لك كهربائي كويس
بالنسبةللدبات المفرغة اغلب الشعب مركبينها ولا احد يشكي منها وان شالله مالها ضرر وان شالله تنحل مشكلتك

[الهااجري]

نسيم الجنوب بيض الله وجهك عالمعلومات المذهبه وتسلم عالمرور الطيب

أخوك/الهااجري