المساعد الشخصي الرقمي

مشاهدة النسخة كاملة : قصيدة ضيدان بن قضعان بالجمس ..


شقران
06-07-2009, 04:24 PM
شفت كم بيت من هالقصيدة بتوقيع اخونا رفرف سدير ورحت اسمعها وبصراحة عجبني فيها وصف الجمس اللي جابه ضيدان مثل عادته بأحلا صورة وبغيتكم تشاركوني اياها ..

http://www.youtube.com/watch?v=PSe0WeSCCFQ
بـلـيـهـان 1
06-07-2009, 06:16 PM
قصيده مجرمه .. هذا أقل شي أقوله
khattab
06-07-2009, 08:12 PM
لاهنت ياخوي عالنقل

فعلا قصيدة جميلة

والجمس يستاهل.. وياكثر ما اقصدوا فيه
رفرـف سديرـر
06-07-2009, 10:42 PM
راكـب الـي ماتجيبـه وكالـة بالبيـد
ولايجيبه بهبهاني ولا وضيحـي قطـر
ادهم وسم الجميـح علـى جنبـه جديـد
مهبل الي يوم عـرض يحسبنـه شفـر
جمس شكمانيـن وملقبينـه بـا الوليـد
من سرابه ما يغبـط القصيبـي والجبـر
كاتبين فـي ضمانـه حديـده مـا يبيـد
تمـرةٍ قـاري عليهـا حفيـد ابوبـكـر
كن وجهه لانطحته تشعشـع يـوم عيـد
وانقفيتـه كنـه السيـل لاسـال وحـدر
وان عرض لك في مزاياه من عنق الفريد
وان ركبته تحسب انك على سطح القمـر
دقته نغمـة عبـادي علـى سلـم فريـد
لا عزف الاول وجـاوب عاشـر وتـر
لاشتغل قالت شكامينه اركـد يـا حديـد
والقزوز تقـول للقـاع روح يـا فقـر
كن في الشكمان الايمن صدا عبد المجيـد
وكن في الشكمان الايسر صدا نايف صقر
والبلوف تقول للكهربه هـل مـن مزيـد
والسيور تقـول للمروحـه ايـن المفـر
كل اغانيهم علىدرب واصل يـا عنيـد
لين تلفي قصر شيخ علـى العليـا شهـر
سايقه من صلب ربعي وله بـاس شديـد
ما يخاف البعد والليل والمـوت الحمـر
من صناديد ال عرجا هل العلـم الوكيـد
لابة من جن تمشـي علـى هيئـة بشـر


اخوي سييرا دينالي .. مشكوور ع المقطع ياطويل العمر < كيف الرسم معك :)
متعب المعاميل
06-09-2009, 04:29 AM
والله اني سويت سواتك يالذيب

شفت الابيات في توقيع رفرف سدير ورحت ابحث عنها .. :)

لاهنت على النقل

ننتضر جديدك