استفسارات

[ابو الجدين]

السلام عليكم كيف حالكم جميعا يطول اعماركم انا عضو جديد عندكم في المنتدى بس كنت من الناس المتابعين لكم وعاجبني ترابطكم القوي مع بعض واستجاباتكم لبعض وافادة الأعضاء لبعض والله لا يفرق بينكم ويجعلني اخولكم في هذة الرابطة وأفيد واستفيد مع اعضاء الرابطة.
عندي استفسار وادري اني بطول عليكم بس وسعو صدوركم معاي شوي.
عندي سييرا2001 حجم 1500 دبل قير عادي وارد امريكا وصارلة شهر عندي الموتر مافية مشاكل والحمدلله بس اعيب علية فية ثقل شوي في القومة يعني ماهو خفيف مادري هل من التواير لأني مركبلة بالون 900 انا عندي يوكون 2002 اخف منة في القومة ما أدري ايش المشكلة كل الورش يقولون مافية شي مادري شراي اهل الخبرة في هل المشكلة.
واسف على الأطالة والله لا يهينكم.

[ابو خطاب]

السلام عليكم كيف حالكم جميعا يطول اعماركم انا عضو جديد عندكم في المنتدى بس كنت من الناس المتابعين لكم وعاجبني ترابطكم القوي مع بعض واستجاباتكم لبعض وافادة الأعضاء لبعض والله لا يفرق بينكم ويجعلني اخولكم في هذة الرابطة وأفيد واستفيد مع اعضاء الرابطة.
عندي استفسار وادري اني بطول عليكم بس وسعو صدوركم معاي شوي.
عندي سييرا2001 حجم 1500 دبل قير عادي وارد امريكا وصارلة شهر عندي الموتر مافية مشاكل والحمدلله بس اعيب علية فية ثقل شوي في القومة يعني ماهو خفيف مادري هل من التواير لأني مركبلة بالون 900 انا عندي يوكون 2002 اخف منة في القومة ما أدري ايش المشكلة كل الورش يقولون مافية شي مادري شراي اهل الخبرة في هل المشكلة.
واسف على الأطالة والله لا يهينكم.
عليكم السلام
وياهلابك . . وهاذي الساعة المباركة اللي انضميت لنا وصرت واحد منى وفينا.
البالون 900 مهب ثقيلة .
بس باقي تعلمنى وش جنوطه ؟؟ او هي شد بلد المونيوم.
كم حجم مكينته ؟
بما ان الموتر استعمال امريكي . . فحبذا تزودنا برقم الشاصي . لانه قد يكون مخصص للجر فقط.
وياليتك تصف وصف كامل لكيف ثقله بالممشى مقارنة بماذا؟؟ وشلون ممشاه و120 على ار بي ام كم؟
بحكم انه استعمال امريكي . احرص على تشييك جميع زيوته عقب رطوبة الباخرة وتجنب لوجود ماء مختلط بالزيت خاصة بالدفرنسات . واذا غيرت وما انصحك تغير غير زيت اصلي + مانع الاحتكاك اسي دلكو.
وتقبل وافر التحايا.

[ابو الجدين]

الله لا يهينك يابو خطاب على هالرد السريع
الموتر جنوطة المنيوم بس مو حقت الوكالة مركبها انا علية حقت 2005 شاريها من السوق وثقلة مقارنة باليوكون اليوكن اخف منة يعني لوتدعس علية مع اليوكون بروح اليوكن ديرة وهولين الحين ماوصل وفي الخط الين 140 كم مرتاح بس لين 160كم يبيلك تردة رابع وترص علية يا اللة يجيبها وان ريحتة بالخامس رجع مرة ثانية 150 كم.وانا خابر السييرا اخف من كذا المفروض.اما سالفة ار بي ام على 120كم والله ما انتبهت علية اشوفة وارد عليك وارسلك رقم الشاصي وحجم المكينة.
والله لايهينك مرة ثانية يابو خطاب.

[ابو خطاب]

من شرحك كنه تبين لي شي .. لكن ما نستعجل . ونحتري رقم الشاص . وليت الاخوان اللي مجربين الجدد يشاركونا الموضوع. كني بحداهم يبي يقول دبة بيئه!! ليش لا جايز.
الا انت من شريت الموتر استعمال امريكي وهذا ممشاه ولا تغير عليك بعد فتره؟

[نسكافيه]

السلام عليكم

اخوي ابو خطاب مهوب كان الكلتش مخلص مره؟؟؟

خبري بالكلتش لين خلص يحن الموتر شوي ؟؟

او انه ٦ سلندر !!!!!!!

اخوي كم مكينته ٦ والا ٨ ؟؟

وكم حجمها بالظبط؟؟

[عاشق z71]

اخوي عندك احتمالات واجد وبسردها عليك وابدا بالاسهل لك

اولا : الكلتش احتمال كبير انه رياح
2 : احتمال مكينته 4.8 وهذي نزلت على الرفرف كثير << عطنا رقم الشاص نتاكد
3: تصفية مكينه وهذي مهمه الجمس الجديد حتى لو اسلاك بواجي تطيح عزمه وعن تجربه
4: بحكم انه امريكي بعض الامريكيات تجي عليها دبات او كناديس وكذا مره صادفتنا انه مركب عليه دبه رياضيه صغيره جدا << تلاقي هالدبه مخصصه لسته سلند او اربعه

وقلت هالاحتمال يوم قلت انت انه يرجع الى الثالث يوم تدعسله وكذا
5 : حساس الهوا مع الفلتر نظفها وفي بخاخ خاص بتنظيف الحساس
6 : البخاخات ترا مره تلعب بالعزم وعلى ماعتقد ان كل 160 الف كيلو لازم تغيرها
7 : صفاية البنزين شيك عليها عند اي كهربائي وذالك بفحص ظغطها << وحبذا لو تغيرها ترا سعرها 30 ريال او اقل
8 :تنظيف الثروتل او المنظم حق الهوا الي ببداية الثلاجه


هذا الي يحظرني يالغالي

داري ان الاحتمالات كثيره لاكن الوصف ماكان واظح وعشان كذا توقعت هالاشيء

بس ياليت اذا لقيت الحل على طول تذكره لنا الله لايهينك

وحياك الله معنا

[ابو الجدين]

السلام عليكم
ماشاالله عليكم عيني عليكم باردة
الموتر مكينتة 4,8 وفعلا طلع علية دبة صغيرة كنها بيب زي دبة الصوت كذا واذا مشيت 120 كم الأر بي ام على 2 وشرطتين وبالنسبة لصفاية البنزين والهوا غيرتها اول ماخذيتة وانا من شريتة كانت فية هذي المشكلة والكلج حقة اعتقد انة مافية مشكلة بس بسوي الأشياء الي قلتو عنها وان شا الله يتغير وبعطيكم المستجدات .
رقم الشاصي 1gtek14v3yz280936
ودبت البيئة برضو موجودة على الموتر.
وماشاالله عليكم مرة ثانية...والله لايهينكم جميعا....

[ابو خطاب]

عذراً لتأخر الرد. .
رقم الشاص لم يبين اي شي يتعلق باختلاف في السيارة او انها مخصصة للسحب.
يبدو ان هناك امر قد يكشفه فحص الكمبيوتر . وعلى قولت اخونا ( كبسلوة 2) نظف الثروتل اللهات.
وقد تجد عند اخونا كبسولة ما يحل المشكلة.

[عاشق z71]

اخوي وظحت المكشله او بالاحرى مافي مشكله انشالله

الونيت حقك مكينته 4.8 يعني العزم لك عليه شوي سويله تصفيه وانشالله يرجع عزمه طبيعي

[شقران]

شف وانا اخوك بما ان مكينته 4.8 من رأيي تبرمجة افضل لك عند هشام الملا ويبي يضبط موترك ويصير اخف وللعلم البرمجة ماتضر السيارة ابداً ..


المشكلة عندك وانا اخوك من الكفرات لان دورتها كبيره واكيد كوارينك صغار عموماً تقدر تفك كفرات اليوكون اللي عندك وتركبها عليها وتشوف انه صار اخف مع اني اتوقع ان اليوكون 5.3 وبين المكينتين فرق كبير ..


واذا تبي حل جذري وكامل ويقوي موترك ويصير ينشد به الظهر غير كوارين الى 4.10 وبرمج الموتر وبيضبط ان شاء الله موفق ياغالي ..

[ونيت جمس]

الله يبارك فيكم يا شباب بيض الله وجهوكم على تفاعلكم مع اخونا

[متعب المعاميل]

من التوآير

والا من دبه البيئه

انا عندي فورد 2003 فكتوريا امريكي

وانا جاي ذاك اليوم من النعيريه امشي 170

ضعف عزم الموتر و وصل تحت الميه وانا داعس الابنص كله

والله اني خسرت عليه حول ألف ريال من تنضيف بخاخات ومن تصفيه مكينه ومن بوآجي واسلآك وفحص

وآخر شي طلعت دبه البيئه

مسدوده ب بلا مدري وشهو اسود

فكيتها وركبت ماصوره

سو مثل ما سويت

وما تشوف بآس