لاتبخلون على أخوكم المكشاتي تكفون قبل ما أشترية

[المكشاتي]

أخواني الاعضاء السلام عليكم ورحمة الله وبركاته

لقيت في شركة ارامكوا بليزر موديل 77 جيمي جمس / السيارة مخزنه على 15 سنه وثاني رجل يمتلكها من سنتها 77
ل شي فيه وكاله قير عادي مكينه زرقاء 350 , ومسوي لها صيانه كامله والسيارة مكيفه وكفراتها جديده وتنجيدها جديد ارضيه ومراتب وسقف , الشي الاهم هو هل اتوكل على الله واخذها وهل 77 قوي مثل موديلات الثمانينات وهل قطعه احصلها بسهوله


افيدوني الله لايحرمكم الاجر ولكم مني الدعاء بارك الله فيكم وفي حلالكم


اخوكم المكشاتي ,,,,,,

[بن غييثات]

مايفرق عن غيره وانا اخوك

تاكد من سلامة الشاصي ومن الدبل .. هلو واقف ولا منسدح

ربما تدلك هالشيئين على ان الموتر معفول او لا .. يعني فحص مبدئي وتكوين انطباع

[شاهين]

توكل على الله وخذه بس تأكد من الشاصي زي ما قال اخوي بن غييثات

[بوظاهر]

لو تحط لنا صوره له
او رقم صاحبه
او عنوانه ممكن نفيدك بالنصيحه اقصد
ممكن نلقفه منك نشتريه :43476.imgcache[1]:

[GMC-CLASSIC]

توكل على الله
هل ايام ما تلقا واحد بنظافته والمكينه الزرقا قويه وسمعت انها اقوى من السودا
وقطع الغيار الظاهر نفس قطع غيار 78
تقبل مروري
gmc-classic

[عبدالله 98]

توكل على الله واشتره والله يعطيك خيره ويكفيك شره

[راعي الفورتك]

توكل على الله يارجال

دام هذه مواصفاته

اجل الموتر نظيف

[المكشاتي]

اخواين الاعضاء اسأل الله الكريم رب العرش العظيم

أن يرزقكم من حيث لاتحتسبون , وان يوفقكم والله ثم والله انكم اثلجتوا صدري

واني ان شاء الله خلاص يمكن على وشك اخذ الموتر بإذن واحدٍ أحد

بن غييثات , شاهين , بوظاهر , GMC-CLASSIC , عبدالله 98 , caprice-615

بارك الله فيكم وتقبلوا خالص تحياتي

[najm]

الله يطعمك من خيره ويكفيك شره ,,,

والموتر يستاهل ولاتنسانا بالصورة

[chevy c10 85]

خذ الموتر وانت مطمن ومغمض بعد ما يبيلها كلام مثل هالموديل والنظافه ما اخليه

[أبو صقر]

الله يعطيك خيره ويكفيك شره
ترى البليزر ما فيه خساره لو توقفه قدام البيت . منظره يشرح النفس حتى لو ما يمشي
الله يوفقك

[gmc للقوة هيبتها]

توكل على الله

وخذ الموتر قبل مايرووح لانه نادر وبهاذي النظافة خذه وانت مغمض

[نسيم الجنوب]

اشتر ولا تفكر اهم شي الشاص سليم بعدها كل شي يهون انا درت لين قلت بس وانا ادر بليزر او جيمي وماكنت ابي الا 78 وتحت ودلني واحد على واحد على يد صاحبة وكالة جيمي 77 ومن زمان واقف بس ياحسافة طلع الموتر يوم رحت القي النظرة الشرعية علية سنقل مو دبل باقي اشاور اخذة او لا بس بالمناسبة اخوي المكشاااتي خذ الجيمى وبع المصفح وانا شرااااااااااي..................>امزح معك الله يبارك لك فيهم وان شاالله ان الجيمى يكون من نصيبك

[المكشاتي]

اشتر ولا تفكر اهم شي الشاص سليم بعدها كل شي يهون انا درت لين قلت بس وانا ادر بليزر او جيمي وماكنت ابي الا 78 وتحت ودلني واحد على واحد على يد صاحبة وكالة جيمي 77 ومن زمان واقف بس ياحسافة طلع الموتر يوم رحت القي النظرة الشرعية علية سنقل مو دبل باقي اشاور اخذة او لا بس بالمناسبة اخوي المكشاااتي خذ الجيمى وبع المصفح وانا شرااااااااااي..................>امزح معك الله يبارك لك فيهم وان شاالله ان الجيمى يكون من نصيبك



اقول يابعدي هذا قبل ما اشتري المصفح
والمصفح وانا اخوك والله صار خيره لي لان سالفته سالفه اشكرك يالغالي

وبعدين رح اعلمك سالفة المصفح


تقبل تحياتي