رايك يهمني يا بعد حيي

[شمالي]

السلام عليكم ورحمة الله وبركاته

اتمنى ان يكون الجميع بأتم الصحة والعافية

وكل اللي ابيه منكم المشوره ولكم الاجر ان شاء الله

يا جماعة الخير الحمد الله انا نويت اشتري جمس حوض رفرف موديل 2000 او 2001 او 2002
اللي يجي حوضه قصير طبعا السياره من نوع جمس وليس شفر

ابي منكم المشوره في بعض الشغلات اللي هي
وش الافضل من من ناحية المكينه وهل 5.3 زينه وكم سلندر هي
والقير وش الي ادائه اقوى وافضل من ناحية التحمل عادي ولا الاتو ماتيك علما بأني ماني راعي مقاومات والتطعيس نقول مره كل شهر ولا شهرين
علما بأني بمدينة جدة وتعرفون الزحمه وخايف اخذ العادي واتوهق
وانا ابيه للاستخدام اليومي

الشغله الثانيه بكم احصل النظيف منها

علما بأنه انعرض علي موديل 2001 رفرف نظيف قير اوتو بدون دبل ماشي 110 الالاف ب 45 الف وقلت غالي

ومانستغني عن رايكم الله يكتب لنا ولكم الخير

[بـلـيـهـان 1]

السلام عليكم و رحمه الله وبركاته

انصحك اخوي بالقير التوماتيك .. أريح و أروق .. و نصيحتي خذ دبل و بالنسبه لسعر خويك غالي جدا
حاليا فيه 2002 قير عادي دبل ارضي سعره حول أو دون 45 الف

نصيحتي خذ دبل أفضل

[شمالي]

با بعدي والله يا بليهان1

دايما اول واحد ما شاء الله تبارك الله

ويعطيك العافيه على هالمشوره وبالنسبه للدبل اكيد مابه كلام لازم دبل

والله لا يحرمنا من خبراتكم

[متعب المعاميل]

انصحك باللقير العادي تلقاها بقطر اذا ما لقيت هنا

وخذ دنقل لا تاخذ دبل نصيحه لوجه الله

الدبل ثقيل ومروح وخراباته واجد

وبالتوفيق

/