أبي مشورتكم يالربع بلون داخلي !!

[nagem999]

السلام عليكم

شلونكم اخوياي حقين البليزر :43524.imgcache[1]:

يالربع انا مانيب مطول عليكم بس قلت باخذ مشورتهم هالذيابة بما أن اكثركم يملكون بليزر فقلت بسألهم

والمسألة مسألة ذوق صرااحه وجعلكم تسلمون لي كلكم:43765.imgcache[1]:

انا يالربع معي بليزر 82 ولونه بوني وتحت البيبان ابيض وطبعا لونه بلد ورايحن وطي ورايح فيها بعد

وبرش الموتر والصراحه جايزن لي الأسود الكامل اللي في أحمر في النص تعرفونه طبعا ؟؟ بس المشكلة أن هاللون الظاهر بالوكالة يجي داخلي الموتر أحمر وانا ما جاز لي داخلية أحمر

فا قلت بحط داخليه بوني غامق بالنسبة للفرش الاراضي والمراتب والطبلون والبيبان قلت بحطه افتح من الارضية شووي

بس برضو محتار والله وش رايكم أنتم ؟؟

وياليت تقترحون علي ألوان ثانيه خارجية ووش يناسبها داخلي

وشاكر ومقدر لكم يالربع والله لا يهينكم :43367.imgcache[1]:

[GMC454]

الاسود المطفيحلو بس انتشر واجد و انا اقول خربها خله نيكل اتوقع في الخبر فيه محل بس معليه ناسي اسمه

[nagem999]

الله يرجك ياخيي وووين نيكل تبي يشرهون علينا الرياجيل هههههههههههههههههه


هو اللوون الخارجي خلااص مقرر بس المشكلة بالداخلي

يعني وش يناسب اسود واحمر من برا عشان اسويه داخل غير الاحمر

[راعي الفورتك]

اصبغه بني

وبالوسط حليبي

اشوفه لون حلو ورايق وكلاسيك بعد

مثل ذا

http://up4.m5zn.com/9bjndthcm6y53q1w0kvpz47xgs82rf/2009/12/13/05/2ot9mbybe.jpg


وهذا بعد اشوفه رايق

http://up4.m5zn.com/9bjndthcm6y53q1w0kvpz47xgs82rf/2009/12/13/05/bx7sdt0vb.jpg



وهذا الاحمر يجي منه

http://up4.m5zn.com/9bjndthcm6y53q1w0kvpz47xgs82rf/2009/12/13/05/cbgk9a79i.jpg



هذا
اسود مدري بيذنجاني

الزبده انه دلععععععععععععععع

http://up4.m5zn.com/9bjndthcm6y53q1w0kvpz47xgs82rf/2009/12/13/05/9ivg6ym22.jpg


واسمح لنا على القصور

[عاشق z71]

حط المراتب لوون اسود وطرزها بكتابات حمرا

او خل الخياطه حمرا او فيها اي شي احمر

اهم شي حكل المرتبه باحمر لاتخليها كلها اسود

وبكذا يكون في تناسق مع اللون الخارجي

وبنفس الوقت يعطيك طابع رياضي

[nagem999]

الله لا يهينكم يالربع ما قصرتوا وافكاركم روعه صراحه وفعلا لون البليزر راايق جدا ودلع بالنسبة لأخوي اللي حط صورته الله يعافية

وبالسبة للي يقول المراتب تطريز أحمر بعد فكرك حلوه وخيااال صراحه

بس مشكلتي انا ودي اخليه شد بلد بس بدون الاحمر اللي جوا لانه من جد سخيف وقبيييييييييييييييييييييييييييييييييييح هههههههههههه


الله لا يهينكم يالربع مشكوووووووووووووورين

[nagem999]

وين شباب المنتدى وراهم طافين تكفون عطونا أرائكم الموتر واقف ونبي نزبط داخليه مع العلم أنه من برا احمر واسود

[ALGHAZL]

السلام عليك

بالنسبه للون الداخلي أحمر وأما الخارجي أسود نفس موتري من الوكاله

[nagem999]

هلا أخوي الغازل الله لا يهينك على الرد

بس الاحمر شووي شييين وما اعجبني وغير كذا مدري وين بلقااه فيه من ناحية ديكورات البيبان وباقي الديكوور ؟؟ يعني صعب القااه صرااحه

[chevy c10 85]

نصيحتي لك اخوي اقلب الداخليه رمادي او تسمونه فيراني مثل لون السوبربان موديلات 89و90 و91 من احلي الالوان للداخليه والاسود الخارجي لو تبدله بنفس اللون او تبدل الاحمر للرمادي يطلع لون قوي
جدا مع الاسود ومتناسق واحلي من الاحمر
http://www.lebanonoffroad.com/tempantho/BlazerK5.jpg

[الحربي 79]

حلوو لون الرمادي مثل ما تفضل الاخ

اذا انتا ما تبي لون احمر ولا درجات العنابي


والله يوفقك فى اختيار اللون المناسب

[nagem999]

الله لا يهينكم بس الخارجي صراحه ودي يصير اسود وخط احمر بالوسط بس الداخلي أحمر زي الوكالة ما اعجبني ابد ولو بسويه ما اتوقع اني بلقى ديكوراات بسهولله للأبواب خاصة

[تيتشر]

شوف يالحبيب أكبر غلطه انك ترشه من برا اسود واحمر


اللون هذا كان حلو على السوبربان فقط


اما البليزر فبتروح هيبته لو صبغته بهاللون


تقدر تصبغه بني كامل مثل بليزر الأخ ابن غييثات


وعلى فكره كنت وما زلت متابع للبليزرات القديمه ولو تبي تقابلني بالرياض مستعد اوريك صور كثيره عندي بالهارديسك للبليزرات ويمكن تستفيد من الالوان


من خلال كلامك تبي تصبغه لون شد بلد وهالكلام حلو وما عليه خلاف


لكن بصراحه اللون حق موترك مش ولا بد وبنفس الوقت بيكون غامق وتعرف الالوان الغامقه ومشاكلها المعروفه وخصوصا الخدوش الصغيره اللي تقهر


فيه الوان رائعه وجميله عندك الفيراني وعندك الرمادي ( لون كامل ) هاللونين بصراحه تعطي البليزر هيبه وفيه الابيض اللي يجي بالنص سماوي عندنا واحد بالحاره حلو مره وفيه احمر وبالنص ابيض برضو حلو وفيه احمر كامل والفيبر ابيض برضو حلو .


بالنسبه للداخل ودي اعرف وش اللون عندك انت ؟؟


العنابي مناسب مع الالوان اللي تقولها انت ( الاسود والاحمر ) << مع اني ضد هاللون
الرمادي كويس


عندك هاللونين العنابي او الرمادي لاتتعداهم . بس تكفى فكنا من اللون حقك اللي برا ولا بعد من زين الطبايع تقول مقرر خلاص ( امزح ) لا جد ياخي لون نايم لا تصبغ موترك بهاللون

وهذا رابط موضوع لي فيه صور بليزرات بمكشات بامكانك تشوف بعض الألوان ( بعد اذن الاداره )

http://www.mekshat.com/vb/showthread.php?t=71395 (http://www.mekshat.com/vb/showthread.php?t=71395)

[ALGHAZL]

السلام عليكم ورحمة الله وبركاته

نجم 999 الواحد على ما يهوى

بس أنا مع الأخ تيتشر

وشكرا