يوجد قزوزات شكامين جمس 454 اصلي جديد

[البهبهاني المغترب]

بسم الله الرحمن الرحيم

الحمد لله وصلت لدي طلبيه القزوزات الخلفيه والخاصه للجمس 454 من موديل 76 الى موديل 86 اصلي وكاله جي ام وموجود النوعين بشخال وبدون شخال والى يحب يشتري يراسلني على الخاص
1- سعر الطقم يمين ويسار بدون شخال ريــــ(2000)ـــال0
2- سعر الطقم يمين ويسار شخال ريـــــ(3000)ـــــــــــال0
واتركم مع الصور 0

هذا وتقبلوا تحياتي




http://up3.up-images.com/up/uploads/images/images-1de6538c2b.jpg





http://up3.up-images.com/up/uploads/images/images-2b09a1888a.jpg





http://up3.up-images.com/up/uploads/images/images-77581ecf23.jpg





http://up3.up-images.com/up/uploads/images/images-2494efe14d.jpg





http://up3.up-images.com/up/uploads/images/images-1de6538c2b.jpg



معليش يوجد صور شد قديم ابو قلوب على الجمس الاحمر وكذلك شد قديم على الجمس التفاحي حسب مايتضح لكم في الصوره


http://up3.up-images.com/up/uploads/images/images-d0bc3d65e7.jpg


الله يحييكم ارحبوا فنجال وعلوم ارجال


http://up3.up-images.com/up/uploads/images/images-729fee9a9f.jpg

[مطلق السلمان]

الله يرزقك البيعة الطيبة والحقيقة بدون مجاملات السعر منافس جداً يعني منت طماع الله يرزقك ومن يوم شفت الرقم الخاص بالشكمان عرفته على طول اليمين يجي رقم 10 واليسار يجي رقم 09 ومعروفة الأرقام ما يحتاج وأنا أعتبرها أندر وأفضل قطعة غيار تم عرضها في هذا النادي واللي يبي شكامين لا يفوت الفرصة بس على موتر شيخ ما هو أي موتر وما زلنا ننتضر منك الجديد في عرض قطع غيار أخرى نادرة الوجود.

[بـلـيـهـان 1]

ماشاء الله تبارك الله .. سعر منافس جداً .. و ماشاء الله لمعتها روعه .. هاذي الي تنصب الموتر صح .. الله يرزقك الشراي الصامل ..

[شيخ الشرقية]

السلام عليكم

الله يرزقك البيعة الطيبة

ما تتفوت بصراحة للي عنده نفس الموديل

[تناهيت]

الله يرزقك يا بو عبد العزيز

[فديقش]

الله يرزقك ياابا عبد العزيز والله لو كان عندي المبلغ ماافرط فيها الله يوفق البائع والمشترى
ماالمقصود بالشخال ؟ ربما تختلف المسميات في مناطقنا

[الهبس]

السلام عليكم
ابوعبدالعزيز في مجال نسوم الي بالشخالات والا لا

[78 سنايدي 79]

الزين غالي .... لكن الأزين اغلى
ولكل شراي بضاعة وسوقي

والله سعر منافس لا والازين انهن جديدات ماشاء الله تبارك الله

انا اللي على موتري اللي بالتوقيع يسامن الف ولاني بايعهن لكنهن مستعملات ومكدودات يعني المعروضات سعرهن مناسب للي يبخص بهن

وكل اللي اقوله الله يرزقك يابو عبد العزيز بالبيعة الطيبة

وتقبل مروري

مع تحياتي ...

[بليهيد]

موفق خير ان شاء الله والسلعه تستاهل
واخ فديقش الشخالات ان ما خاب ظني الشبك الي يجي بفتحه الشكمان وهذا والله اعلم

[مطلق السلمان]

موفق خير ان شاء الله والسلعه تستاهل
واخ فديقش الشخالات ان ما خاب ظني الشبك الي يجي بفتحه الشكمان وهذا والله اعلم

أخوي العزيز بليهد كلامك سليم 100 % ويعطيك العافية على المشاركة.

[فديقش]

اخ بليهد & مطلق السلمان شكرا على معلومتكم اللي استفدت منها والله يوفق ابو عبدالعزيز

[عاسف الأصايل]

تم حذف الرد من الاشراف

ارجو من الاخ العضو مراجعة الفقرة العاشرة من شروط البيع والشراء

http://www.gmctruckclub.com/vb/showthread.php?t=2604 (http://www.gmctruckclub.com/vb/showthread.php?t=2604)

[عاسف الأصايل]

اخي البهبهاني المغترب صبحك بالخير والله يرزقك ويبارك لك بحلالك

اخواننا الادراه حذفوا ردي جايز يمكن فيه مخالفه في قوانين البيع والمشترى حصلت من اخوك عن غير قصد

فأتمنى منك يالامير لا يروح فكرك بعيد عن الي كتبته وحذفوه الاداره الموقره

موفق وتمنياتي لك بالبيعه الطيبه وان شاء الله لي زياره خاصه لك في محلك وموتري معي

موفق

[سعدون]

السلام كم طقم عندك وبشريها كلها ورسلي ردك على الخاص سعر الجمله

[فوازراشد]

الله عليك منين جبت هاذه النوعيه انكرضت بذات ابو شخال__
طيب ماعدك شد عقربه ابغا واحد وكم حدك به والله يرزقك..

[bjear]

وجودها من عدمه يفرق ويعطي للموتر هيبه اذا شفته مقفي من عندك وسعرها أشوفه مناسب للي يحب يميز موتره

[البهبهاني المغترب]

اخي البهبهاني المغترب صبحك بالخير والله يرزقك ويبارك لك بحلالك

اخواننا الادراه حذفوا ردي جايز يمكن فيه مخالفه في قوانين البيع والمشترى حصلت من اخوك عن غير قصد

فأتمنى منك يالامير لا يروح فكرك بعيد عن الي كتبته وحذفوه الاداره الموقره

موفق وتمنياتي لك بالبيعه الطيبه وان شاء الله لي زياره خاصه لك في محلك وموتري معي

موفق



وعليكم السلام ورحمة الله وبركاته

ياهلا ومرحبا ياخوي عساف الاصايل اولاً اقول الرجال ما يصيبه شك في نفسه وهذا ما يختلف عليه اثنين والي مثلك وشرواك لنا الفخر برفقتهم ومعرفته ولا عليك من احد وانا أخوك عقلي معي واتكلم عن نفسي ولا عليك من الردود الي انحذفت يمكن تكون انحذفت بالغلط ولا شي تعرف الشيوخ ابخص ولكن المفروض انه ما ينحذف اي رد الا بعد اشعار العضو صاحب الموضوع حتى ولو برساله خاصه حتى لا تثير الفتنه بين الاعضاء (وان الفتنه هي اشد من القتل) المهم ما علينا من احد انا في انتظارك والله يحييك في اي وقت عند اخوك الصغير البهبهاني المغترب وللمعلوميه ارسلتلك رقم جوالي برساله خاصه ان شاء الله تحصلها هذا وتقبل خالص احترامي وتقديري

[بن غييثات]

وعليكم السلام ورحمة الله وبركاته



ياهلا ومرحبا ياخوي عساف الاصايل اولاً اقول الرجال ما يصيبه شك في نفسه وهذا ما يختلف عليه اثنين والي مثلك وشرواك لنا الفخر برفقتهم ومعرفته ولا عليك من احد وانا أخوك عقلي معي واتكلم عن نفسي ولا عليك من الردود الي انحذفت يمكن تكون انحذفت بالغلط ولا شي تعرف الشيوخ ابخص ولكن المفروض انه ما ينحذف اي رد الا بعد اشعار العضو صاحب الموضوع حتى ولو برساله خاصه حتى لا تثير الفتنه بين الاعضاء(وان الفتنه هي اشد من القتل) المهم ما علينا من احد انا في انتظارك والله يحييك في اي وقت عند اخوك الصغير البهبهاني المغترب وللمعلوميه ارسلتلك رقم جوالي برساله خاصه ان شاء الله تحصلها هذا وتقبل خالص احترامي وتقديري


الأخوين عاسف الاصايل والبهبهاني المغترب ..

بالنسبة للرد رقم 12 وهو رد للاخ عساف الاصايل فهو رد جرى تعديله من اخوكم لانه رد مخالف للفقرة العاشرة من قوانين السوق بالنادي وتم ايضاح ذلك بالتعديل على المشاركة ..

القانون يقول :

اذا كان هناك اي ملاحظة على السلعة لا يتم طرحها بالموضوع وانما مراسلة البائع عن طريق الرسائل الخاصة مع نسخة من الرسالة لمشرف السوق.

فاذا كان عند عساف الاصايل اي ملاحظة على السلعة فالمطلوب منه مشكوراً انه يراسل المشرف على السوق وصاحب الموضوع ..

الرد لم يحذف لاثارة فتنة ولا حذف اعتباطاً او بالخطاء ..

وبالنسبة لماذكرت يابوعبدالعزيز بانه المفروض انه ما ينحذف اي رد الا بعد اشعار العضو صاحب الموضوع حتى ولو برساله خاصه حتى لا تثير الفتنه بين الاعضاء ..

كلامك على عيني وراسي .. هذا اذا الامر مو واضح وتبغى تستفسر عنه .. ولكن بما ان ارد من عساف الاصايل تم تعديله وذكر السبب بوضوع فمو من المعقول ايضاً اني اتم اراسل كل صاحب موضوع واقول تراي حذفت الرد الفلاني بموضوعك وانه فلان قال عنك ولا عن سلعتك كذا وكذا ..

اتوقع هذي هي الفتنة بعينها ..

احب اوضح للاخوان .. انه هالقوانين تم مناقشتها ودراستها دراسة مستفيضة مع اعضاء ادارة المنتدى وايضاً مع مشرفي واداريي منتديات اخرى عريقة بالمجال وكل حرصنا ان ينعم اخواننا بمنتدانا الغالي بعرض سلعهم بكل مصداقية والقلب داعي لهم بالرزق الحلال ..

نحميهم من الاستغلال وبيع الغرر ..

وايضاً ننقح كل رد قد يعكر صفو الود والوئام والاحترام بين البائع والمستفيد ..

وبالاخير اعتذر على الرد المتاخر ولكن قدر الله وماشاء فعل .. ضروفي يعرفها البعض وانت شخصياً يابوعبدالعزيز تعرف انه انا منقطع عن النادي لسفري خارج المملكة وتحية خالصة للجميع ..

[البهبهاني المغترب]

ايه الله الله صح السانك اعوذ بالله من شر الفتن والنوايا الشينه ،
اقول يعساف الاصايل الله ياخذ عمر من زعلك على النادي وكرهك فيه صبرً جميل والله المستعان
اخوعساف وينك اشتقنالك حسبي الله على من حس خاطرك انت وغيرك

[البهبهاني المغترب]

على فكرة ياشباب القزوزات المذكوره تم بيعها زمان عام 1431هـ ولا باقي منها شي وللتنويه تم تحديث الموضوع للإطلاع ولاجل اشتياقنا لخونا عساف الاصايل وذلك لمعزتي الخاصه لهذا العضو فقط واشكر الجميع على المرور

[شقران]

صح لسانك يابوعبدالعزيز واخونا عساف الاصايل له فقده ..

[تسعاوي سدير]

ماشاء الله ع القطع النادره الله يرزقك يابوعبدالعزيز دايم ماتقدم الا الشي النادر الطيب تحيااتي لك يالبهبهاني