تقرير تركيب leveling kit من 2000 الى 2006 الخاصه بترفيع السياره .

[عاشق z71]

بسم الله الرحمن الرحيم
والصلاة والسلام على اشرف الانبياء والمرسلين نبينا محمد وعلى اله وصحبه اجمعين


السلام عليكم ورحمة الله وبركاته


احبتى اعضاء نادي ملاك وعشاق الجمس والشفر الحوض


حبيت انقل لكم تجربتي عن قطعه قمت بتركيبها مؤخرا .
عملها رفع مقدمة السياره


بداية احب اتكلم عن المعاناه الي اغلبنا يواجهها مثلي


بعد ماشريت سيارتي التاهو لاحظت انها نازله شوي وبالبر اواجه صعوبات احيانا بسبب خلوصها الارضي
طبعا ومثل ماهو معروف في مسمار تحت السياره يقوم بشد عامود الالتواء بحيث ترتفع السياره مقدار معين ليس بكثر وفعلا رفعت المسمار لاخر حد . وقمت باظافة كعكه لليايات الخلفيه مقاس الكعكه 3 سنتي



ولاكن لاسف ماطلع بالشكل المطلوب . خصوصا اني ناوي اركب كفرات كبيره مقاس 33
من هنا بدت عملية البحث عن قطع ترفع السياره


وادور على الورش وجميعهم ماشين على طريق واحد وتدور المحادثه كتالي :

محدثكم : لو سمحت ابي ارفع سيارتي ؟
العامل : في طريقه بشد المسمار الي تحت .
محدثكم : بس المسار مشدود على اخر شي
العامل : ممكن نقلب العواميد
محدثكم : لا هذي خطيره . مافي طريقه غيرها
العامل : يهز راسه طبعا لا مافي غير كذا

<< لان بعد البحث اكتشفت ان طريقة تقليب العواميد خطيره خصوصا لاهل البر احتمال انكسارها كبير


مالقيت قدامي الا قطعها وجدتها باحد المواقع الامريكيه المتخصصه بقطع السيارات
اسمها : ليفيلنج كت (Leveling Kit )
الشركه المصنعه : سوميت (summit)
عملها : ترفع مقدمة السياره بمقدار 2.5 انش ويوجد منها مايرفع بمقدار 3. انش < << الانش = 2.5 سم
مكانها : يتم استبدالها بالقطعه القديمه التي تتواجد داخل الكمر (cross member ) وتركيب طرف عامود الالتواء
(torsion bar) بنفس هذه القطعه
سعرها : يتراوح من 119 دولار الى 350 دولار على حسب الصناعه والجوده << النوع المشروح عنه بهذا التقرير بقيمة 119دولار يعني بـــ 446


ومع الشحن وصلتني القطعه الى الرياض بــ 550 ريال تقريبا او اكثر شوي ماني متاكد لاننا طالبين معها قطع كثيره .
نوعها : هي قطعه حديد (forged) أي حديد ملحم بالضغط بدون حراره يعني مكبوس .ذو جوده عاليه


سعر تركيبها : من 150 ريال الى 200 ريال


وقت التركيب : ساعتين ونصف تقريبا << هذا مع العقبات التي واجهتني ساشرحها لاحقا


حاجتها : لمن يريد الرفع بمقدار 3 انش وما دون . فاكثر من 3 انش يتطلب لفت كت كامل .


الموديلات التي يمكن تركيب هذي القطعه لها : جميع الجموس من موديلات 93 الى 2006
اما الموديلات من 2008 وطالع فتتوفر في فئة 2500 فقط . لان نظام التعليق في فئة 1500 هو ياي
وللمعلوميه لكل موديل قطعه خاصه وليس القطعه الموظحه بهذا الموظوع تركب على جميع الموديلات


انما القصد ان جميع الموديلات المذكوره اعلاه . هي بنظام عامود التواء



والان ساقوم الشرح عليها بالصور


هذا رابط القطه ذاتها بالموقع وموظح فيه معلومات عن القطعه ورقمها للطلب وسعرها


http://store.summitracing.com/partdetail.asp?autofilter=1&part=SUM%2D7897353&N=700+4294846476+4294908216+4294907940+4294925130+ 115&autoview=sku

وهذا رابط اخر فيديو من اليوتيوب يوظح طريقة عملها وتركيبها :
http://www.youtube.com/watch?v=5mnjkURpTLI

اولا احب ان اظع صوره لنفس سيارتي قبل الرفع أي على رفع الوكاله . عشان يتظح الفرق



http://www.cars-club.com/up/8-2-1/carsclub_40687019.jpg



بعد كذا قمت برفعه بشد المسمار ليظهر بالشكل التالي :

http://www.cars-club.com/up/8-2-1/carsclub_57031966.jpg

وهذي صوره للكفر الامامي لمقارنته فيما بعد . بعد تركيب القطعه

http://www.cars-club.com/up/8-2-1/carsclub_68559592.jpg

بعد كذا طلبت القطعه ووصلت الحمدلله وهذي صوره لها اثناء وصولها


http://www.cars-club.com/up/8-2-1/carsclub_65375711.jpg



وهذي صوره اخرى لها . ويظهر بالورقه خلفها رقم كود القطعه
http://www.cars-club.com/up/8-2-1/carsclub_77464785.jpg

وديت السياره الورشه . واول مشكله واجهتني هي عدم خروج القطعه القديمه من نفس عامود الالتواء بسبب الصدا

فظطرينا الى فك الكمر كامل مع العواميد عشان نحاول نفكه خارج السياره . وهذي بعد فك الكمر .
http://www.cars-club.com/up/8-2-1/carsclub_69024765.jpg



حاولنا حاولنا . مافي فايده القطعه مصديه بقوه . قلنا المخرطه

واول اسلوب للمحاوله هو الطرق :
ويظهر بالصوره الكمر المتدلي لاسفل وعامود الالتواء الممتد للملزمه .
والان نقوم بمحاولة فك القطعه القديمه من العامود لاستبدالها بالجديده ولكن الصداء كان عائق كبير .

http://www.cars-club.com/up/8-2-1/carsclub_60903637.jpg


لاسف طريقه غير مجديه . وماكان امامنا الا التسخين .

http://www.cars-club.com/up/8-2-1/carsclub_26477603.jpg



وفعلا كان التسخين الحل المناسب . وهذه القطعه القديمه بالارض
ويظهر الصداء عليها .


http://www.cars-club.com/up/8-2-1/carsclub_22776975.jpg




بعد كذا ركبنا القطعه الجديده على عامود الالتواء كما بالصوره التاليه .

http://www.cars-club.com/up/8-2-1/carsclub_63131296.jpg


بعدها رجع طيق الكمر وعامود الالتواء كما كان دون أي اظافات او تغيير
لتظهر السياره بالشكل التالي



http://www.cars-club.com/up/8-2-1/carsclub_24149378.jpg


http://www.cars-club.com/up/8-2-1/carsclub_73887118.jpg

صوره اماميه توظح المسافه بين الارض وبداية الصدام . وهذا هو المطلوب
http://www.cars-club.com/up/8-2-1/carsclub_27488771.JPG


انطباعي عن القطعه : رهيبه بمعنى الكلمه واعطتني ماريد من الارتفاع
لاكن بعد تركيبها اتظحلي ان يلزم السياره مساعدات اما اظافيه او تغير المساعد الاصلي بواحد اطول منه
لان السياره ارتفعت . والمساعد الان قصير مايفي بالغرض .


وفي نقطه احب اختم فيها وهو شكر وعرفان لصديقي وحبيبي العضو فيصل الخالدي
على مساعدته لي في اختيار القطعه . وتايدها لي في وقت كنت متردد بين مثيلاتها .
فالشكر الجزيل له



في الختام اتمنى ان يكون تقريري نال على رظاكم واستحسانكم
ودمتم بحفظ الله ورعايته


مع تحياتي وتقديري
عاشق z71

[فيصل الخالدي]

ماشاءالله ايه الموتر فرق بالقطعه كثير ومن اهم التعديلات لاصحاب البر بالذات

عفوا يا صقيقي وماسوينا شي كان ودي اهديك اياها لكن خيرها بغيرها

تم تقييم العضو والموضوع

[ونيت جمس]

ما شاء الله تبارك الله الله يعطيك خيره ويكفيك شره

الموتر شكله ضبط بعد ما ركبت القطعه

والشكر لاخونا فصيل الخالدي الله يعطيه العافيه

[بن غييثات]

خبير وتبقى خبير يابوغازي

انا مسميك حلال العقد

عقبال ماتحل عقدتي وتطلب لي لفت كت كامل لموتري وتلقا من يركبه صح

[عاشق z71]

خبير وتبقى خبير يابوغازي

انا مسميك حلال العقد

عقبال ماتحل عقدتي وتطلب لي لفت كت كامل لموتري وتلقا من يركبه صح


انا اموت واعرف انت ليش متعقد من اللفت كت

شف صدقني بدون مبالغه لو تجيبه اقدر اركبه انه وانت
لو من الموديلات الجديده كان قلتلك ماعليه صعب بس القدام سهله بالبيت تركب

ولو موتري قديم وعندي لفت كت والله ماركبه الا بالبيت

وللمعلوميه ترراي ادورلك لفت مستعمل لي فتره

[فيصل الخالدي]

ما شاء الله تبارك الله الله يعطيك خيره ويكفيك شره

الموتر شكله ضبط بعد ما ركبت القطعه

والشكر لاخونا فصيل الخالدي الله يعطيه العافيه



مقبوله:43721.imgcache[1]:

[شقران]

ابوغازي ..


تقرير روعة ومتكامل تسلم لي ياغالي على المشاركات الرائعة ..

[متعب المعاميل]

ماشاء الله

اشهد انك مدهر ياولد

بالتوفيق

وتو مازان مضهر الموتر

[بن غييثات]

بيض الله وجهك يابوغازي

اذا حصلت فباذن الله راكب راكب على موتري

خل الانجاز يصير ملموس ومحسوس

بس ترى موتري الحين مرفوع 10 سم عن شد البلد

[بـلـيـهـان 1]

السلام عليكم و رحمه الله وبركاته ، اشكرك أخوي أبو غازي على التقرير الوافي الكافي ، وشرح ممتع مدعم بالصور ، شكرا لك
ولا هنت

[chevy c10 85]

ماشاء الله علي الموتر ورفعته ايه هذا الشغل النظيف تقرير وصور وشرح كامل عسي الله يعطيك من خيره ويكفيك شره اما كذا الشغل ولا بلاش شتان مابين 3 ومابين 10 والخالدي الله يبيض وجهه اللي لزم عليك باختيار هالقطعه والشباب الحين اللي بيرفعون مواترهم اتضحت الصوره لهم الله يعطيك العافيه علي هالشغل الحلو

[عاشق z71]

ماشاءالله ايه الموتر فرق بالقطعه كثير ومن اهم التعديلات لاصحاب البر بالذات

عفوا يا صقيقي وماسوينا شي كان ودي اهديك اياها لكن خيرها بغيرها

تم تقييم العضو والموضوع


يسلموو فصيل وماقصرت يالغالي وجهز عمرك بنطلب سيرفو


ما شاء الله تبارك الله الله يعطيك خيره ويكفيك شره

الموتر شكله ضبط بعد ما ركبت القطعه

والشكر لاخونا فصيل الخالدي الله يعطيه العافيه


مشكور يالغالي لاطرائك الرائع

ابوغازي ..


تقرير روعة ومتكامل تسلم لي ياغالي على المشاركات الرائعة ..

مرورك الاروع يابو سليمان

ماشاء الله

اشهد انك مدهر ياولد

بالتوفيق

وتو مازان مضهر الموتر

تسلم يابعدي هذا من ذوقك


بيض الله وجهك يابوغازي

اذا حصلت فباذن الله راكب راكب على موتري

خل الانجاز يصير ملموس ومحسوس

بس ترى موتري الحين مرفوع 10 سم عن شد البلد


امممممم 10 سنتي يعني اربعه انش باقيلك 2 انش وتحصل على ارتفاع اللفت كت

وباذن الله بنوصله


السلام عليكم و رحمه الله وبركاته ، اشكرك أخوي أبو غازي على التقرير الوافي الكافي ، وشرح ممتع مدعم بالصور ، شكرا لك
ولا هنت
هلابك ابو عبدالله توني اليوم ناوي اعطيك الرابط لاني اذكر انك سالتني و
قلتلك بتلاقي الرد الوافي بالتقرير

شاكر لمروك الرائع يابو عبدالله واطرائك الاروع

ماشاء الله علي الموتر ورفعته ايه هذا الشغل النظيف تقرير وصور وشرح كامل عسي الله يعطيك من خيره ويكفيك شره اما كذا الشغل ولا بلاش شتان مابين 3 ومابين 10 والخالدي الله يبيض وجهه اللي لزم عليك باختيار هالقطعه والشباب الحين اللي بيرفعون مواترهم اتضحت الصوره لهم الله يعطيك العافيه علي هالشغل الحلو


تسلم يالغالي وفعلا رفعت معنوياتي

الف شكر لك ولطلتك الحلوه

دمتم بود جميعا

[ابو نايف]

[QUOTE=بن غييثات;4450]خبير وتبقى خبير يابوغازي

انا مسميك حلال العقد

عقبال ماتحل عقدتي وتطلب لي لفت كت كامل لموتري وتلقا من يركبه صح[/QUOTE
مشا الله عليك يا بن غييثات
موترك ارفع موتر وتبي ترفعه زود :43653.imgcache[1]:

[شفر 454]

تقريــــــــر جميـــــــل من شخص أجمـــل

[ابوعقل]

ماشاء الله

تقرير ممتاز الله يجزاك خير

وشلون المطب معك؟؟

[عاشق z71]

ماشاء الله

تقرير ممتاز الله يجزاك خير

وشلون المطب معك؟؟


والله قوى صار اقوى شوي بس يمكن السبب المساعد لاني ذكرت بالتقرير انه يحتاج مساعدات اطول

ومشكور لمرورك يالغالي






تقريــــــــر جميـــــــل من شخص أجمـــل



تسلملي يالغالي

[تناهيت]

ابو غازي ........> وش ناوي عليه تكفى بترقى الجدارن :43430.imgcache[1]:

شغل حلو ومرتب وفعلا عكس العمود لا يفضله الكثير لخطورتة و ما اقتنعت فيه

ليتك صورت الأرتفاع بالمتر زي العيال قبل وبعد اوضح

هل تغير الموتر عليك من ناحية الرساوة وقوة الفرامل ويلتك تشوف لك حل بالصداء فية مواد ترنش وتساعد على ازالة الصداء في بطن الموتر أأمن لك بسم الله عليك :43237.imgcache[1]:

شاكر لك هالتقرير المفــــــــــــــــــــيد




همسه ينقل الموضوع لقسم التاهو

[عاشق z71]

ابو غازي ........> وش ناوي عليه تكفى بترقى الجدارن :43430.imgcache[1]:
لايابعدي بس بصراحه ماحب الموتر الطامن


شغل حلو ومرتب وفعلا عكس العمود لا يفضله الكثير لخطورتة و ما اقتنعت فيه
ابد لاتنصح احد فيه خطر جدا

واكبر مثال حقين التحليه اغلب الي مقلبين عوامديهم تلاقي كفراتهم الاماميه متربعه << مفوحجه << مر التحليه وشفهم فيذاك خصوصا شجرة الاثل الي بوسط الموتر :icq_online[1]:
ليتك صورت الأرتفاع بالمتر زي العيال قبل وبعد اوضح
اي عيال قصدك ؟ ثاني شي الفكره جت على بالي بس المشكله قبل الرفعه لاسف ماقسته


هل تغير الموتر عليك من ناحية الرساوة وقوة الفرامل ويلتك تشوف لك حل بالصداء فية مواد ترنش وتساعد على ازالة الصداء في بطن الموتر أأمن لك بسم الله عليك :43237.imgcache[1]:
بالنسبه للرساوه اكيد فرقت الا الاسواؤ ولاكن موب للدرجه الي ببالك

وهذي يبيلها امود توازن طلبناه وهو تقريري القادم باذن الله

والصدا والله مشكله لعلي اشوف احد يظبطه
شاكر لك هالتقرير المفــــــــــــــــــــيد

هلابك يابعدي وشاكر لمرورك اكثر


همسه ينقل الموضوع لقسم التاهو
الزين يفرض نفسه



ودمتم بود

[نسكافيه]

ماشاء الله تبارك الله

شغل ولا احلى

الله يعطيك خيره ويكفيك شره ان شاء الله

[بن مرضاح]

شغل اكثر من رائع وتسلم على التقرير لكن عندي توضيح لبعض طرق الرفع بلنسبه للجموس عمو الرفع ما ينقلب ابد الي ينقلب عموده الهايلكس والدتسن وبعض من السيارات 0 واذا كان تبغا الرفع اكثر بأمكانك تبدل مساميرالرفع باطول منها وراح تحصل على ما يفارب 3سم زياده في الرفع0 اوتقص من الكمر للزياده اكثر من5سم0

[رفرـف سديرـر]

ماشاء الله


الله لا يضره :)

وبنتظار تقارير جديده بعد تركيب مواد الموازنه اللي تقول عنها ،،

< قاهرته السله ههههه

[عاشق z71]

هلابك اخوي بن مرضاح وبالنسبه لتقليب العمدان فاكيد سلمك الله انها تتقلب

وشاكر طلتك على الموظوع يالغالي


رفرف سدير

هلابك والله

ابشر بالتقرير السنع انشالله

[bo joud]

مشكو و تقري تشك عليه بس لو تضيف فضلا و ليس امرا التكاليف ا لتقديريه للقطع و الشغل و هل فيه مشاكل غير تغيير المساعدات و شنهو نوعيه المساعدات الي توصي فيها..؟؟


غريبه بانكر ما علق على الموضوع؟؟
وسلامتكم

[عاشق z71]

هلابك ابو جووود

بالنسبه للتكاليف حطيتها كلها يالغالي بالموظوع

شكلك شاطف تمشي الف خخخخخخخخ

وبانكر هين اوريك فيه مامر على الموظوع

[عاشق الجمس 77]

ماشاء الله تبارك الله
الله يعطيك خيرة ويكفيك شره
وبصراحة شغل مرتب وجميل جداً
والاجمل التعليق على الموضوع المدعوم بالصور
وهذا اللي يعطي الموضوع جمالية
اشكرك على التقرير الجميل
وعلى إبدعاتك اللامحدودة

تقبل مروري

[عاشق z71]

حياك اخوي عاشق 77

[ولد وايل]

ماشاء الله ... الموتر وقفته تكحل الحين

بس ما طلعة عندك حره بالعامود

[عاشق z71]

ماشاء الله ... الموتر وقفته تكحل الحين

بس ما طلعة عندك حره بالعامود

مافهمت عليك اخوي وشي حره .؟ علمنا وشي خلني اشيك عليها






وشاكر مرورك يالغالي

[ابوعلوش]

ما شاء الله موضوع شيق وصراحة بعد ماقريت الموضوع زادت عندي الرغبة في رفع الجمس ..

اخوي عاشق لك رسالة على الخاص

وشكراً على الموضوع

[عاشق z71]

هلابك اخوي ابو علوش








الرفع زين ولا تتردد تراها قطعه تعجبك



وتم الرد عليك يالغالي








انتظر ردك

[معطان 2002]

الله يعطيك العافيه
موضوع مميز

في حل بسيط بخصوص المعاونيات (المساعدات)وهو ان تطولهن..كيف؟:004[1]:
طول بالك ياشيخ... :cool:

تروح لحداد او مخرطة ممتازه يقص راس المعاوني من فوق(البوش) ويلحم وصلة بايب حديد (غير مفرغ)حسب الطول اللي تبيه
وثمن يلحم البوش فوقه .(الطريقة مجربه في موتري على المعاونيات الخلفية)..لاتنساني في دعائك

ملاحظه : مهمه جدا جدا جدا
عند التلحيم لازم يكون جسم المعاوني غير حار بسبب اللحام وذلك عن طريق صب الماء باستمرار اثناء التلحيم.

تحياتي للجميع

[عاشق z71]

هلابك معطان

اول شي الله يجزاك خير ويخليك لعين ترجيك
ثانيا : الحركه هذي اعرفها ولكن ماحب اسويها . احس اني تمشية حال

ولكن انت موترك يوكون . كم انش رافعه . وكيف الطريقه الي رفعته فيها ؟

[معطان 2002]

هلابك معطان

اول شي الله يجزاك خير ويخليك لعين ترجيك
ثانيا : الحركه هذي اعرفها ولكن ماحب اسويها . احس اني تمشية حال

ولكن انت موترك يوكون . كم انش رافعه . وكيف الطريقه الي رفعته فيها ؟

هلا وغلا اخوي ..عاشق ..وآسف على التأخير

الطريقة اللي قلت لك وانا اخوك مجربه مني ومن كثير من الربع..والحين مجرب هالطريقة صار لها سنه(من المطامر والتحميل والاسفار) ولاتأذيت منها ابد بل بالعكس حبيت موتري مررره :43356.imgcache[1]: ولا افكر اغيره (مالك امل لاتحاول رجاء) :43629.imgcache[1]:

طال عمرك سالفتي طويلة مع هالمعاونيات والترفيع..
اما المعاونيات فسالفتها سالفه..جربت انواع كثيرة منها..اللي طلبتها من امريكا..واللي من المملكه وغير اللي من الكويت
ولا صلح لي الا شد بلادة ( الوكالة)..بعد تعديل الخلفي (تطويلة بالطريقة سالفة الذكر)..والاماميات شد بلادة مع التدبيل نوع ايسي ديلكو (قصير)>>>> لزوم الطرد :43370.imgcache[1]:

والترفيع طال عمرك (الامامي) عن طريق شد البراغي للاخر..و (الخلفي) كنت مرفعة عن طريق الكعكات ولكن كان عيبها عدم الثبات بالطريق..والحين والحمدلله ركبت سبرنجات(يايات) اطول واجبر >>>> لزوم تحميل العزب والعفش:43452.imgcache[1]:

يعني طال عمرك الحين صار شغلي كله100% ..ولا افكر اركب تواير بوالين



آسف على الاطالة....تحياتي الخاصــــــه

[عاشق z71]

اها مااشلله تبارك الله

طيب سؤال اخير يالغالي

اليايات الي ركبتها من وين جبتها وبكم حصلتها وهلي هي مخصصه لموتر ثاني ؟

[اسد 8100]

ماشاءالله ماشاءالله شغل حلو ونضيف
صراحة اهنيك على ذوقك الموتر طالع رزة بعد الكفرات الجنوط والرفعة
بس يبيلك تشيل الشبك حق التحميل اللي فوق الموتر ويطلع تمااااااام

[معطان 2002]

هلا والله باخوي عاشق
مبارك عليك الشهر...وعلى جميع اخواني الاعضاء ..وعلى جميع المسلمين

اما بخصوص اليايات ..انا ركبتها عند احد الكراجات..والميكانيكي يقول انها لنفس موتري(يوكن)..واللي شفته انها مثل حقات الوكالة..بس الفرق انها اطول واجبر بشوي..

[عاشق z71]

هلا والله باخوي عاشق
مبارك عليك الشهر...وعلى جميع اخواني الاعضاء ..وعلى جميع المسلمين

اما بخصوص اليايات ..انا ركبتها عند احد الكراجات..والميكانيكي يقول انها لنفس موتري(يوكن)..واللي شفته انها مثل حقات الوكالة..بس الفرق انها اطول واجبر بشوي..

غريبه شلون يعني انها لنفس الموتر لكنها ارفع ؟؟

انا تعبت ونا ادور ياي اطول مالقيت

عموما لاهنت يالذيب

والله يعطيك العافيه

[سعد الليالي]

السلام عليكم .. والشهر عليكم مباركـ وعلى جميع المسلمين
والله يعطيك خير هالرفعة ويكفيك شرها.. وبصراحة طالعة توب ..ماشاء الله عليك وعليها..

اخوي عاشق واخوي معطان .. ولا يهونون باقي الربع..

عندي سؤالين .. الاول انا ابي ارتفاع بسيط..و هل اذا شديت المسامير على الاخر .. تنكسر؟؟؟ لاني رحت لكم ورشة ..اقوله ابي اشد المسامير ..يقولي يمكن تنكسر عليك اذا شديتها وعادي لو تبينا نشدها لك نشدها ..بس مصلحتك خلها.. انا استغبرت كلامة ..من مصلحته انه يسوي اللي ابيه لانه رزقة.. لكنه حذرني !!!!

والثاني .. اذا ابي انزل السيارة من الخلف .. ما العمل..؟؟؟؟ رحت لورشات(ن) عدهـ وقالوا لي نقص لك الياي .. قلت لا والله ماتهبون.. قلت لهم ابي حل ثاني قالوا ما نعرف.. ورحت لأي سي دلكو قلت ابي يايات دينالي ..(قلت يمكن انها اقصر) وقالوا اذا ركبت يايات دينالي لازم تركب مساعادات دينالي..؟؟؟؟؟ انا بصراحة استغبرت ..وهالكلام مادخل مزاجي..المشكله هو مهندس سيارات..الا ان كلمه في خطأ

ما الحل..؟

[بندر]

تقرير رائع يعطيك العافيه

[عاشق z71]

السلام عليكم .. والشهر عليكم مباركـ وعلى جميع المسلمين
والله يعطيك خير هالرفعة ويكفيك شرها.. وبصراحة طالعة توب ..ماشاء الله عليك وعليها..

اخوي عاشق واخوي معطان .. ولا يهونون باقي الربع..

عندي سؤالين .. الاول انا ابي ارتفاع بسيط..و هل اذا شديت المسامير على الاخر .. تنكسر؟؟؟ لاني رحت لكم ورشة ..اقوله ابي اشد المسامير ..يقولي يمكن تنكسر عليك اذا شديتها وعادي لو تبينا نشدها لك نشدها ..بس مصلحتك خلها.. انا استغبرت كلامة ..من مصلحته انه يسوي اللي ابيه لانه رزقة.. لكنه حذرني !!!!

والثاني .. اذا ابي انزل السيارة من الخلف .. ما العمل..؟؟؟؟ رحت لورشات(ن) عدهـ وقالوا لي نقص لك الياي .. قلت لا والله ماتهبون.. قلت لهم ابي حل ثاني قالوا ما نعرف.. ورحت لأي سي دلكو قلت ابي يايات دينالي ..(قلت يمكن انها اقصر) وقالوا اذا ركبت يايات دينالي لازم تركب مساعادات دينالي..؟؟؟؟؟ انا بصراحة استغبرت ..وهالكلام مادخل مزاجي..المشكله هو مهندس سيارات..الا ان كلمه في خطأ

ما الحل..؟

بالنسبه لشد المسمار لا مافيه مشكله ابد ولكن :

قله يشده على اخر شي واذا شد معه قله ارجع ارخه سنه وحده فقط << يعني شي بسيط


انا جلس معي الموتر 3 سنين ومطامر ماعقبه مطامر ومافيه اي مشكله

الي فيها مكشله هو قلب العواميد . هذي الي خطره



بالنسبه لليايات

<< مدري بالظبط مالي بالتنزيل ولا احبه

بس مالك الا تشتري ياي من التشليح وخله يقصه

وبالنسبه لتغيير المساعد معه فهو بحاله وحده

ااذ انت بتنزل السياره بشكل قوي او كثير وقتها المساعد حق البلد طويل جدا وانت نزلت السياره بيصير عندك المطب قوي او بيصير يقامز

عشان كذا قالك غيره


لكن اذا انت بتنزل شي بسيط ماله داعي تغيره ابد

[معطان 2002]

اقتباس من اخوي...عاشق z71




بالنسبه لشد المسمار لا مافيه مشكله ابد ولكن :

قله يشده على اخر شي واذا شد معه قله ارجع ارخه سنه وحده فقط << يعني شي بسيط


انا جلس معي الموتر 3 سنين ومطامر ماعقبه مطامر ومافيه اي مشكله

الي فيها مكشله هو قلب العواميد . هذي الي خطره



بالنسبه لليايات

<< مدري بالظبط مالي بالتنزيل ولا احبه

بس مالك الا تشتري ياي من التشليح وخله يقصه

وبالنسبه لتغيير المساعد معه فهو بحاله وحده

ااذ انت بتنزل السياره بشكل قوي او كثير وقتها المساعد حق البلد طويل جدا وانت نزلت السياره بيصير عندك المطب قوي او بيصير يقامز

عشان كذا قالك غيره


لكن اذا انت بتنزل شي بسيط ماله داعي تغيره ابد

هلا بخوي (سعد الليالي)

انا اتفق مع اخوي ...(عاشق z71 )...

واذا كنت حاب ترفعه ممكن تطلب من النت (امريكا)..طقم خاص لتنزيل الموتر (يايات ومساعدات)..بس انا ما انصح بها تصلح فقط للكشخه فقط لاغير ..طبعا على حساب الراحة!!

تقبل تحياتي

[سعد الليالي]

مشكورين اخواني على التجاوب .. ورحابتكم..

انا محتار .. مرة ابي انزل السيارة من ورى واخليها للتكشخ ..ومرة ابي ارفعة من قدام عشان التكشخ اكثر..
لكن بارفعة من قدام .. وبشد على المسامير .. بس على مسؤليه اخوي عاشق !!خخخخخ
اخاف انها تنكسر ..

وجزاكم الله خير

[عاشق z71]

مشكورين اخواني على التجاوب .. ورحابتكم..

انا محتار .. مرة ابي انزل السيارة من ورى واخليها للتكشخ ..ومرة ابي ارفعة من قدام عشان التكشخ اكثر..
لكن بارفعة من قدام .. وبشد على المسامير .. بس على مسؤليه اخوي عاشق !!خخخخخ
اخاف انها تنكسر ..

وجزاكم الله خير


زي ماقلتلك شده على اخر شي ثم ارجع نزله سنه او سنه وشوي وماجاك عندي

[GMC79]

ما شا الله هذا الشغل السنع

تكفا الرابط حقها باسرع وقت

[تيتشر]

ابو غازي
ياخي انت كذا :43583.imgcache[1]:

[ابو مساعد]

ابو غازي ابدعت ماشاء الله عليك

والله الفكره تراودني ان شاء الله بطلبها وربك يسهل ان شاء الله

[عاشق z71]

مشكورين ياشباب لمروركم العطر

ابو مساعد الله يوفقك ويكتب الي فيه الخير

[ALGHAZL]

ماشاء الله تبارك الله

شغل ولا احلى

الله يعطيك خيره ويكفيك شره ان شاء الله


والله حمستني أسويه على تاهو 2008

تقبل مروري

[عاشق z71]

ماشاء الله تبارك الله

شغل ولا احلى

الله يعطيك خيره ويكفيك شره ان شاء الله


والله حمستني أسويه على تاهو 2008

تقبل مروري


اخوي تاهو 2008 يختلف نظام تعليقه عن موديل موتري
الي عندك جا ياي بوسطه مساعد


يعني مالك الا ترفعه بكعكه

ونورت يالغالي

[بو فياض]

ما عندكم فكرة في ترفيع لتريل البليزر 2006

[Xx_عاشق الوحش_xX]

الله يرحم والديك

ياخي هذي هي اللي ادورلها من زمان

بيض الله وجهك وجزاك الله كل خير

والصلاة على النبي ... ماشاء الله تبارك الله

طلع الموتر بررررررررزة إجراااااااااااااام ... الله يعطيك خيره ويكفيك شره

[مشداد 2500]

الموضوع جدا ممتاز ومشكور ياعاشق

[راعي السوبر]

ماهو معروف في مسمار تحت السياره يقوم بشد عامود الالتواء بحيث ترتفع السياره مقدار معين ليس بكثر وفعلا رفعت المسمار لاخر حد

هلا والله

لاهنت ياليت توصفلي ذا المسمار

لان ودي اشده

سوبربان 2005

ولاهنت ع التقرير المنتاز

[عاشق z71]

هلا والله

لاهنت ياليت توصفلي ذا المسمار

لان ودي اشده

سوبربان 2005

ولاهنت ع التقرير المنتاز

عزيزي :

بشرحلك شرح مفصل عشان تقدر تحدد مكانه

وياليت تركز


انسدح تحت الموتر

تلاقي عامودين جايه من عند المقصات << يعني جايه من الجهه الاماميه تحت المكينه


ممتده الى منتصف السياره تقريبا او اقل من المنتصف بشوي <

وبنهاية هذي العواميد الاثنين من جهة الدفرنس الخلفي <<< يعني الطرف الي تحت مقعدة الراكب

يوجد باطراف العواميد ( كمر ) وهو عباره عن مسار او مجرى او قطعه حديديه عرضيه تربط بين نهاية العامود الاول بنهاية العامود الثاني << يعني تربط بينهم بالعرض


وبوسط هذا الكمر توجد مسامير

مجرد ماتشد على هالمسامير راح يرتفع الموتر

ومجرد ماترخيها راح ينزل

ملاحضه :: اذا انت حاب تشد المسامير لاخر شي

شدها شدها

واذا خلاص شد المسمار للاخير ارجع وارخ منها شي بسيط سنه او اقل بعد لاحتياط فقط


واي خدمه حاضرين

واذا ماعرفت قلي عشان اصورلك اياها

[راعي السوبر]

والله اذا ماعليك امر يالغالي ياليت تنزل صوره او في صوره له بالنت < او اقل شي شكله هالمسمار

لكن بسآلك

يرتفع اللي ورا ولا اللي قدام ؟

وطريقه الشد سهله ولا لازم واحد يعرف

وكم سم تتوقع يرتفع ولا شي بسيط

وهل له ضرر ولا عادي جدا

وسوري ع الاطاله

[عاشق z71]

هلا عزيزي

الحين انا بالدوام وبعض الصور ماتضهر عندي

ولي رجعت انشالله حطيتلك صوره


بالنسبه للفرع يرتفع من قدام فقط

طرقة الشد سهله بس يبيلها عزم لان المسمار بيكون قوي << بالنسبه لي لان الجسم لك عليه شوي

اقرب السياره من الجدار بحيث اني احط رجليني على الجدار واشد بيدي << الحركه ذي تعطي عزم


والظرر ماله ظرر انشالله لكن زي ماقلتلك شده كله واذا خلصت ارجع ارخي شي بسيط من كل جهه



وبعد ماتخلص جب المتر وقيس الارتفاع من كل جهه عشان تطلع تتاكد من الوزنيه

[راعي السوبر]

باقي الصوره < نشبه خخخخخ

ومشكور

والله يحرم وجهك عن النار

وااسف اذا تعبتك معي يالغالي

[عاشق z71]

شف هذي صوره للكمر الي تلاقي بداخله المسامر


شف هالكمر بالصوره

http://image.truckinweb.com/f/12504868/0901tr_10_z+chevy_silverado_belltech_lowering_kit+ clamp_torsion_bar.jpg

ورح تحت الموتر وناضره بتلاقيه نفسه

عاد تلاقي ةسطه المسمار





وهذي ثانيه له وبداخله المسمار الي ينشد . ويتضح بالصوره العامود الي جاي من مقدمة السياره





http://image.truckinweb.com/f/12971573+w750+st0/0901tr_05_z+2005_chevy_silverado_crew_cab_buildup+ torsion_bar_removed.jpg

[mazenk15]

الله يطعمك من خيره ويكفيك شره بس احس انه بعد ماشقلته شوي
طلع شكله دبشه
معليش يبو

[الحر الاشقر]

ماشاء الله
الموتر طلع ررزززه
يلا انبسط وارتاح من سرعه التغريز

[123]

السلام عليكم اخوي كنت بستفسر لو اركبها على حوض قطع عشره هل تفرق مطباته لني متعقد من مطبات موتري ركبت مساعدات مرسيدس

زان كم يوم ورجع على حاله مع المطبات والحفر يخضك خض ارجو انك تفيدني ونا خيك

[راعي ال 2005]

يعطيك العافيه على المووضووع الجيد

[صياد النسور]

ما شاء الله تبارك الله
الله يعطيك من خيره ويكفيك من شره

[تاهو95]

ماشاء الله تبارك الله بس اخوي عاشق بعد ما ركبت الـ Leveling Kit رفعت السيارة زيادة بمسامير التوزان ولا بدون ؟؟

وهل السيارة من قدام بعد ما ركبت القطع تناقز مع المطبات ولا مريحه نفس شد بلدها ؟؟

اخوك / أبو ريان

[baloga41]

انا الجمس الي عندي طايح من قدام يبغاله قطعة زي ذي

[צЯạMạĎ]

مشكوووور
وماقصرت

[عديل الروح]

تسلم يدينك يالغالي عاشق z71 وحبيت اسألك الجمس القديم مثل الي عندي على ما اظن انك شايفه وشلون ارفعه من الخلف ارجو انك تفيدني
اخوك / عديل الروح

[drtooth2008]

الله يعطيك العافية بس ما تحس انه السيارة صارت قاسية مع المطبات وغير كدا تتارجح يمين وشمال بالذات اذا كنت مسرع فوق ال 140 او 160 وجاك كفر مرمي او قطوة وحاولت تتفاداها بكسرة سريعة
تحصل السيارة تتارجح يمين شمال
كانت تصير معايا على الهمر بس لمن رفعتها بطريقة المسمار
واول ما رجعته الوكالة اختفت
...

[z71الابيض]

ماشالله تبارك اللله الموتر طلع خيال بس بغيت استفسار قبل لا اسوي شي ماتحس فيه خطر لا ينقلب!! اذا لفيت بقوه ولا علي سرعه

[ا ب ب]

ماشاء الله رفعت الموتر حلوه , الله لايهينكم ابغى نفس القطعه لان والله ماعرف للمواقع الاجنبيه .

[ذيبان 78]

​ومنكم نستفيد لاهنت على الموضوع