مشاكل واجدة في بليزري 87

[جواد]

بسم الله الرحمن الرحيم

السلام عليكم ورحمة الله وبركاته

حياكم الله أخواني أعضاء هذا المنتدى

كل عام و أنتم بخير و تقبل الله منا ومنكم صالح القول والعمل

و حج مبرور للحجاج ... :43636.imgcache[1]:

أنا عندي بليزر 87 و الحمد لله ماشي الموتر لكن فيه مشكلة الرديتر تنقص الموية دايم يعني لما أعبيه و أروح عليه تقريبا 140 كيلو لازم أعبيه من جديد ؟!؟!؟

سويت غسيل للرديتر و شريت غطاء اي سي ديلكو و شريت قربة جديدة و ما نفع ؟

علما أنّ الرديتر محلي شوي مهوب وااااااجد :43470.imgcache[1]:

أبي حل الله لا يهينكم ؟

---------------------

الكلتش :

بأشغلكم

أنا انكسرت عندي علبة الكلتش اللي تحت .. .. و غيرتها و سويت تنظيف للعلبة اللي فوق في الكبوت و الحمد لله ماشية الأمور لكن زيت الكلتش يخلص كل شهر تقريبا وش الحل ........

--------------------

عندي القزازة الخلفية في باب الشنطة دايم تطيح مع الاهتزاز بعد ما أدخل البر طبعا أفتحها بالهندل ما فيه مشاكل لكن إذا جيت أرفعها من جديد تطيح من الجهة اليسرى والجهة اليمنى ثابتة و لا عليها خلاف .....

--------------------

عندي البنزين يصرف واااااجد :

أعبيه 91 أخضر بـ 40 ريال تقريبا و يمشيني 180 كيلو - 200 كيلو تقريبا ما فيه حل أكثر اقتصادية في البنزين ..

--------------------

و لكم جزيل الشكر


جواد ،،،

[مطلق السلمان]

بسم الله الرحمن الرحيم

السلام عليكم ورحمة الله وبركاته

حياكم الله أخواني أعضاء هذا المنتدى

كل عام و أنتم بخير و تقبل الله منا ومنكم صالح القول والعمل

و حج مبرور للحجاج ... :43636.imgcache[1]:


حياك الله يا الغالي وكل عام وأنت بخير وصحة وعافية

أنا عندي بليزر 87 و الحمد لله ماشي الموتر لكن فيه مشكلة الرديتر تنقص الموية دايم يعني لما أعبيه و أروح عليه تقريبا 140 كيلو لازم أعبيه من جديد ؟!؟!؟


أخوي موديل 87 إذا كان شد بلد راح يكون بخاخ هل موترك بخاخ والبخاخ معروف بعدم صرف البنزين كثير على الخطوط السريعة إلى إذا كنت تمشي بسرعات عاليه من 160 وفوق !!!

سويت غسيل للرديتر و شريت غطاء اي سي ديلكو و شريت قربة جديدة و ما نفع ؟

علما أنّ الرديتر محلي شوي مهوب وااااااجد :43470.imgcache[1]:

أبي حل الله لا يهينكم ؟


الحل طال عمرك تعطي رديترك الحالي تقاعد من العمل وتركب رديتر جديد وقبل لا تركب الرديتر الجديد جب لك طال عمرك زي السفنج لونه رصاصي وفيه زي السفنج أبيض بسيط يباع بالمتر وخذ لك قطعة وحاول تكون مطابقة لحجم الرديتر الجديد أنت قصها بنفسك وركبها من الرديتر من الخلف جهة الوجهية لا جيت أتركب الرديتر عشان أتخفف أي أحتكاك يتعرض له الرديتر ولا بد من تثبيت الرديتر 100 % عشان ما يحتك مع الحديد ويعمل لك تسريب وأنصحك طال عمرك من واقع تجربة ركب غطاء اللي جاء على السوابر موديل 95 إلى 99 أفضل من الغطاء القديم أسئل مجرب شغل عدل ولا فيه أي تهريب الغطاء القديم ما يصلح إطلاقاً من واقع تجربتي المتواضعة.

---------------------

الكلتش :

بأشغلكم

أنا انكسرت عندي علبة الكلتش اللي تحت .. .. و غيرتها و سويت تنظيف للعلبة اللي فوق في الكبوت و الحمد لله ماشية الأمور لكن زيت الكلتش يخلص كل شهر تقريبا وش الحل ........


أخوي نظام الكلتش اللي عندك طول الله عمرك جاء على موديل 85 وفوق ويمتاز بلين الكلتش وسهل الإستخدام وأحسن من ناحية الإستخدام عن الموديلات ذات الموديل 84 وتحت والمجرب يعرف الشي هاذا أكثر شي.

أخوي الكريم شهر يعني فيه تهريب بسيط لا يذكر أول حاجة شيك على المصب اللي فوق العلبة يمكن في المصب كسر بسيط ويهرب أو تهريب من الهوز نفسة الصغير أو تهريب من الهوز السفلي اللي يجي من علبة الكلتش اللي فوق وعلبة الكلتش اللي تحت.

أخوي بالمناسبة كم السعر اللي شريت فيه العلبة اللي تحت وهل حصلتها جديدة وهل العثور عليها سهل أو لا لأن طال عمرك موتري 85 ونفس نظامك بالضبط ولا بد أخذ معلومات لو أحتجنا لشي في المستقبل وهل يوم خربت عليك شلت الموتر بسطحة يعني الموتر ما عاد يعشق !!! أعراض الخراب والسبب إذا وجد.--------------------

عندي القزازة الخلفية في باب الشنطة دايم تطيح مع الاهتزاز بعد ما أدخل البر طبعا أفتحها بالهندل ما فيه مشاكل لكن إذا جيت أرفعها من جديد تطيح من الجهة اليسرى والجهة اليمنى ثابتة و لا عليها خلاف .....


والله ما عندي خلفية عن الموضوع هاذا ودي أفيدك لكن إنشاء الله يجيك من هو أبخص مني وفيدك وخاصة أهل البليزر.

--------------------

عندي البنزين يصرف واااااجد :

أعبيه 91 أخضر بـ 40 ريال تقريبا و يمشيني 180 كيلو - 200 كيلو تقريبا ما فيه حل أكثر اقتصادية في البنزين ..


أخوي أنا بالنسبة لموتري موديل 85 ونيت أمشي عليه 120 كيلو في الساعة يمشيني 300 كيلو كحد أقصى وأعبيه 95 أحمر ولكن الفل عندي 45 ريال يعني لو كنت بعبية أخضر راح يقل السعر بكثير الظاهر أن تانكي البنزين عندك أكبر من الونيت والله أعلم ولكن جرب تعبي 95 وتشوف الصرفية هل فيه أختلاف أو لا.

--------------------

و لكم جزيل الشكر


جواد ،،،


أخوي لا شكر على واجب ومن واجبنا المشاركة باللي الله يقدرنا عليه من إجتهادات شخصية وتقبل وتقديري ،،،

[جواد]

هلا بأخوي مطلق

يالله إن تحييه و تجزاه خير ...

الله يعافيكـ على هالمعلومات و واضح إنك صاحب تجربة وخبير ماشاء الله عليك والله لا يضركـ

أخوي مطلق بالنسبة لموتري هو 87 و الماكينة بخاخ أبشركـ لكن الصرفية فيه فيه ،، وبعدين الله يهديـكـ الموتر مهوب ذاكـ النشاط عشان يصفط الـ 160 حده 140 تقريبا و زين إن ما طقطت الماكينة لكن غالبية ممشاي 120 كيلو في الساعة تقريبا
و سبق إن جربت الـ95 لكن ما نفع و لهفني فلوس و رجعت للـ 91 أخضر ...

و أحب أعلمكـ إني بعد ما أسرع و أفكـ الدعسة أشم ريحة بنزين و الظاهر أن البخاخ ماهوب موزون بلحيل .. لأني يوم جيت أوديه الفحص صكر الميكانيكي على البخاخ عشان ما يكربن وصار عزمه ضعيف مرة
ثم بعد ما نجحت رجعته له و قلت له افتح البخاخ عشان يقوى العزم و اوزنه طبعا على كلامه إنه موزون وأكثر من كذا وزن راح يضعف العزم ....

و إن كان على كلامكـ أن التانكي كبير بأتأكد منه المرة الجاية كم لتر وهو فاضي و أرد لك إن شاء الله

-------------

أخوي مطلق تهقا أغير الريديتر وبس ؟ كم أسعارها و وين أحصلها ؟ و وش النوع الزين اللي ما عليه خلاف ؟

و بالنسبة للغطاء أنا مركب نفس القديم بس إنه اي سي ديلكو لكن ما زال ينقص إلا إنه خف نقصه عقبل ما غيرت الغطاء

-----------

بالنسبة للكلتش أخوي مطلق ... وش المراد بالأهواز >> ترى محاكيك عليمي تحملني شوي !

و سعر العلبة الليتحتدبرها لي راعي الورشة و جاب لي فاتورة بأن سعرها 140 ريال و اللي قوق طبعا متوفرة بسعر 180 ريال في الرياض طبعاً ...

طبعا يوم خربت علي كان القير ما يلقم لو تطير للسماء لكن كان فيه حل إني أخلي الموتر وهو طافي بالثاني ثم أشغله و أخليه ينتع إلين يشتغل ثم سلمك الله بعد ما أطلع على الخط أمس الموتر شوي وأطفيه و أغيره القير للثالث ثم أنتعه أو أنتشه نتش و بكذا نسير بأمان إلى محل الورشة بإذن الله

---------------

عافاك الله وما قصرت وتشرفنا بمعرفتك أخوي مطلق السلمان

جواد

[مطلق السلمان]

هلا بأخوي مطلق

يالله إن تحييه و تجزاه خير ...

الله يعافيكـ على هالمعلومات و واضح إنك صاحب تجربة وخبير ماشاء الله عليك والله لا يضركـ

أخوي مطلق بالنسبة لموتري هو 87 و الماكينة بخاخ أبشركـ لكن الصرفية فيه فيه ،، وبعدين الله يهديـكـ الموتر مهوب ذاكـ النشاط عشان يصفط الـ 160 حده 140 تقريبا و زين إن ما طقطت الماكينة لكن غالبية ممشاي 120 كيلو في الساعة تقريبا
و سبق إن جربت الـ95 لكن ما نفع و لهفني فلوس و رجعت للـ 91 أخضر ...

الحل المبدئي الوحيد خفف الممشا خلك تمشي على 100 كيلو في الساعة لأن موترك حدة 140 وتمشي 120 كيلو يعني على المكينة ضغط كبير وأحتمال أن الخلل في البخاخات أو المكينة نفسها لكن خل الموتر على ماهو عليه أفضل دامه يمشي.

و أحب أعلمكـ إني بعد ما أسرع و أفكـ الدعسة أشم ريحة بنزين و الظاهر أن البخاخ ماهوب موزون بلحيل .. لأني يوم جيت أوديه الفحص صكر الميكانيكي على البخاخ عشان ما يكربن وصار عزمه ضعيف مرة
ثم بعد ما نجحت رجعته له و قلت له افتح البخاخ عشان يقوى العزم و اوزنه طبعا على كلامه إنه موزون وأكثر من كذا وزن راح يضعف العزم ....

و إن كان على كلامكـ أن التانكي كبير بأتأكد منه المرة الجاية كم لتر وهو فاضي و أرد لك إن شاء الله

-------------

أخوي مطلق تهقا أغير الريديتر وبس ؟ كم أسعارها و وين أحصلها ؟ و وش النوع الزين اللي ما عليه خلاف ؟

أخي أهم شي أن الرديتر عارف الخلل فيه بالضبط يعني فيه تندية نتيجة النقص ولكن إذا جيت أتركب رديتر جديد قبل ما تركب الردتير الجديد خله يعمل لك غسيل بواسطة " الإسيد " للسلندر عشان أكون السلندر نظيف جداً وخالي من الأوساخ أكرمك الله عند تعبئة الماء الجديد أخوي الرديترات أنوع فيه نحاس وفيه ألمنيوم والألمنيوم يثنون عليه الشباب كثير ولا قد ركبته عشان أحكم عليه وركب " 4 " صفات إذا كنت تعاني من الحرارة وعب ماء خضر جديد والرديتر أسعاره من 400 إلى 900 ريال حسب النوع والمواصفات وما فيه أسم محدد لأن مثلك عارف الرديترات كل يوم نازل نوع وصناعة وكلها ممتازة أهم شي أختار شي جودة عاليه بالنسبة للمحلات في الرياض ما عندي دراية بمحل معين ولكن روح لصناعية شارع الجمعية لا بد بتحصل محل متخصص في بيع الرديترات وركب النوع الممتاز أنا سبق أن ركبت نوع إماراتي والمعدن كان أمريكي والحمد لله كان ممتاز معي ولله الحمد وشريته بسعر 500 ريال ولكن فيه أنواع أفضل وممكن تتعرف عليها من خلال هذا " القسم " فيه عدة إستفسارات من بعض الإعضاء عن أنواع الرديترات وفيه بعض الأخوان الله يجزاهم خير شاركوا في الموضوع ولكن غير بعد أهواز الرديتر إذا جيت تغير خلها مرة وحدة ولكن أهم شي مثل ما ذكرت أن الرديتر الحالي يكون فيه تندية واضحة ولا تنسى طال عمرك ضرورة تثبيت الرديتر بواسطة قواعد الرديتر الأصلية بعض أهل الرديترات يثبت الرديتر بواسطة الأسيام ما ينع شهر وراح يخرب عليك الرديتر الجديد وإذا ركبت الرديتر شيك عليه بنفسك وحاول تهزة بيدك عشان أتأكد أنه ثابت وما فيه أي حركة.

و بالنسبة للغطاء أنا مركب نفس القديم بس إنه اي سي ديلكو لكن ما زال ينقص إلا إنه خف نقصه عقبل ما غيرت الغطاء

إذا جيت أتغير الغطاء ركب للموديلات الحديثة من موديل 1995 وحتى 1999 أشوف أنه أفضل وإذا كنت تبغا تجرب تغير الغطاء في البداية وأتشوف فيه نقص ماء بالنسبة لرديترك الحالي أو لا ما فيه مشكلة أخوي ما يمنع.

-----------

بالنسبة للكلتش أخوي مطلق ... وش المراد بالأهواز >> ترى محاكيك عليمي تحملني شوي !

أخوي الهوز / اللي / الماصورة كلها مسميات واحدة بالنسبة للمصب اللي فوق اللي تعبية الزيت يسماء هذا المصب بعدين طال عمرك يجي هوز واضح راكب في المصب من تحت إلى علبة الكلتش اللي فوق بعدين طال عمرك فيه هوز أخر شكلة مثل هوز البريك صغير حجمة نوعاً ما هذا طال عمرك موصل بين علبة الكلتش اللي فوق وعلبة الكلتش اللي تحت هذا الهوز ما تلاحظة إلى بصعوبة أحتمال أن فيه تهريب بالهوز الأول أو الثاني أو المصب يكون مكسور ويهرب طبعاً المصب معرض للكسر لأنه من البلاستك إذا جاة ميكانيكي غشيم راح يكسرة من جهة الماصورة البلاستيكية اللي يركب فيها الهوز.

و سعر العلبة اللي تحت دبرها لي راعي الورشة و جاب لي فاتورة بأن سعرها 140 ريال و اللي قوق طبعا متوفرة بسعر 180 ريال في الرياض طبعاً ...

حلوة أسعارها زينة أنا هقيت أغلى من كذا الله يعطيك العافية

طبعا يوم خربت علي كان القير ما يلقم لو تطير للسماء لكن كان فيه حل إني أخلي الموتر وهو طافي بالثاني ثم أشغله و أخليه ينتع إلين يشتغل ثم سلمك الله بعد ما أطلع على الخط أمس الموتر شوي وأطفيه و أغيره القير للثالث ثم أنتعه أو أنتشه نتش و بكذا نسير بأمان إلى محل الورشة بإذن الله

أخوي صحيح أن التعشيق يكون سهل في الموديل الحديث قصدي 85 وفوق ولكن الموديل القديم من 84 وتحت لا زيت ولا غييرة يعني المشاكل اللي مريت فيها غير موجودة لديهم إطلاقاً لا مصب زيت ولا علبة كلتش ولا غيرة كلها ماشة على " السبرنغ " وكل شي وله شي وكل شي له إيجابيات وسلبيات.

---------------

عافاك الله وما قصرت وتشرفنا بمعرفتك أخوي مطلق السلمان

جواد


حاضرين طال عمرك وأبرك الساعات والله يشرف مقدارك

[جواد]

يا مال العافية أخوي مطلق السلمان

و الله مدري وشلون أشكركـ لكن لعل الدعاء خير ما يهدى إليكـ

حالياً .. ... بأروح لورشة بأخليه يشيكـ لي على البخاخات و يوزنها وزن جديد و نجرب إذا نفع كان بها ! و إذا ما نفع العوض ولا القطيعة

و يا مال العافية و السلامة

جواد

[فيصل الخالدي]

بالنسبه للصرفيه اوزن او غير البخاخ ونظف الي تقدر تنظفه من سستم البنزيم كامل و اشتغل على الكهرب من بواجي واسلاك ودلكو وكويل كلهن جددهن او خذ شي رياضي من اكسل او ام اس دي...

بتفرق معك الصرفيه اذا كانك ماتجور على الموتر فيمديك تمشي عليه بعد التضبيط 300-350 كيلو اذا خط ممكن تصك 400 بالراحه من تجربتنا في بليزر خالي 89 ماشاءالله

[جواد]

بالنسبه للصرفيه اوزن او غير البخاخ ونظف الي تقدر تنظفه من سستم البنزيم كامل و اشتغل على الكهرب من بواجي واسلاك ودلكو وكويل كلهن جددهن او خذ شي رياضي من اكسل او ام اس دي...

بتفرق معك الصرفيه اذا كانك ماتجور على الموتر فيمديك تمشي عليه بعد التضبيط 300-350 كيلو اذا خط ممكن تصك 400 بالراحه من تجربتنا في بليزر خالي 89 ماشاءالله



هلا والله و غلا - فيصل الخالدي -

- و الله يبدو لي و هو الآكد مبدئيا بأروح أوزن البخاخ إن نفع فالحمد لله و إن ما نفع فالشكوى لله !

- لكن لو بأغير البخاخ كم سعره تقريبا ؟ ووين أحصله ؟

- و البنسبة للبواجي و أسلاك البواجي الحمد لله توني مغيرها جديدة و كل شيء تمام على تمام


جواد

[chevy c10 85]

غير البخاخ ويغدي شره مافيه الا العافيه وعط الراكورات عيار بتلقا كم واحد طقته تفرق عن اخوانه وبينزل معاك تحت 160 وبالنسبه للراديتر انصحك براديتر سوبربان موديل 91 يجي المنيوم سعره جديد بحدود 900 ريال شوفلك واحد بالتشليح يكون جديد ونظيف لو يطلع عليك 300 او 400 خذه ولا تتردد واحرص يعطيك واحد راكب علي موتر والمويه فيه سو تنظيف له مع تنظيف البساتم وركب غطاء مثل ماقال اخوي مطلق موديلات الفورتيك القديم 95

[جواد]

غير البخاخ ويغدي شره مافيه الا العافيه وعط الراكورات عيار بتلقا كم واحد طقته تفرق عن اخوانه وبينزل معاك تحت 160 وبالنسبه للراديتر انصحك براديتر سوبربان موديل 91 يجي المنيوم سعره جديد بحدود 900 ريال شوفلك واحد بالتشليح يكون جديد ونظيف لو يطلع عليك 300 او 400 خذه ولا تتردد واحرص يعطيك واحد راكب علي موتر والمويه فيه سو تنظيف له مع تنظيف البساتم وركب غطاء مثل ماقال اخوي مطلق موديلات الفورتيك القديم 95



جزاكـ الله خير أخوي

لكن معليش ودي أنشدكـ عن ( الراكورات ) أول مرة أسمع بها و محاكيكـ ما له خبرة في مجال الميكانيكا

جواد ،،،

[chevy c10 85]

لها اكثر من اسم بالنسبه لاخوانا بالمملكه اللي هي تجي تحت غطا الصباب ان شاء الله فهمت علي او واحد من الاخوان يقولك شنو اقصد بالضبط

[جواد]

و الله يخوكـ الكذب خيبة !
ما فهمت عليكـ ... ياليت توضح أكثر إذا ما عليكـ كلافة

جواد ،،،