طرمبه الزيت .. ابي حلها ..!؟

[راعي وشيقر]

السلاام عليكم ..

كيف حالكم .. وش اخبااركم ..!؟

اليوم فكرت بموضوع طرمبه الزيت .. وخراباتهاا ..

كان معي جمس غماره ونص موديله 2004 ..

شغلته يوم من الاياام وكان الوالد الله يحفظه توه جاي من مشوار به للرياض خميس وجمعه ..

شغلته واسمع صوت طقطقه قووويه بالحيل صوت كنها ضرب حديد .. وعلى طوول طفيته ..

شوي وشغلته ..

ويطلع نفس الصوت .. وادق ريووس بقووه .. ثمن امشي على قدام ويروح الصوت ..

خليته .. وجاء من بكره الصبح .. وشغلته وطلع الصوت .. خليته شوي في محله وراح ..

وكل يوم على هالحال .. وكل يوم يطول الصوت اكثر من اللي قبله ويرتفع قوته ..

لين جاء يوم ماراح الصوت ابد ..

ووديته الورشه ..

وصار من طرمبه الزيت ..

كلفت تقريباا من 1300 إلى 2000 .. " تقريباا " .. ولا اتذكر يالضبط .. يمكن اكثر او اقل ..

المهم .. ان صبري على الخراب جاب خراب ثاني .. وكل الشغله كلفت اتوقع 3000 ..

طبعاا الصوت من اول ماطلع وهو قوووي بالحيل .. يعني اسمعه من اخر البيت ..


المهم اني صلحتهاا ..

وقبل كم شهر .. طلعت على السوبربان اللي معي .. لكن بطريقه ثانيه ..

اول ما اشغل ماتطلع .. تطلع خفيفه وتروح في ثواني ..

تطلع اذا شغلت وحركت السياره شووي ثمن وقفت .. يطيح على شويش امبير الزيت .. وتبداا الطقطقه .. لكن بصوت اخف من موتري الاول بواااجد .. تك تك تك تك

وتشتغل لمبه الطبلون عن امبير الزيت .. المهم اني اذا عطيته لمسه دعسه او لمستين يرجع يرتفع
واذا مشيت وارتفعت الحراره والزيت .. صار الوضع طبيعي لو اوقف ساعتين ..!

وش علته .. هو نفس خراب موتري الاول ..!؟

ولا ضعف .. ولا خراب حساسات ولا شي ولا خرابيط اخرى ..!؟

اتمنى انكم تفيدوني قبل لأادخله الورشه .. علشان اكون على بينه ..

ويعطييك العافيه وشكراا مقدماا ..

[جمس 4434]

يعطيك العافيه اخوي راعي وشيقر بس الاشياء هاذي مالي فيها والشباب مايقصرون :)

[راعي وشيقر]

الله يعافيك ..

ونسمع آراء الشباب ..

[شقران]

حياك محيسن هذي المشكلة من الطرمبة طال عمرك فيها ضعف ولما يكون فيها ضعف تأثر على تكايات البلوف ويطلع الصوت والصوت هذا صوت طقة البلوف في التكايات, الحل انك تاخذ طرمبة زيت رياضية slp هذي طبعاً دفعها اقوى من الجي ام الاصلية وسعرها 1500 ريال طبعاً هي أمريكية ومواصفاتها اعلى من مواصفات حقت الوكالة, ويبيلك تغير التكايات, اذا تبي حل سريع رح غير له زيت موبيل ون اللي تجي علبته بـ 45 ريال وبيروح الصوت عندك لكن لابد من تغيير طرمبة الزيت ..


هذا رابط الطرمبة ..

http://store.summitracing.com/partdetail.asp?autofilter=1&part=SLE%2D55001&N=700+400404+317933+115&autoview=sku

واذا تبيها الظاهر انها متوفرة عندنا بدون طلب بشوف لك واحاول اجيبها معي الاجتماع الجاي ..

[بـلـيـهـان 1]

اخوي محسن لابد الإنتباه لطرمبه الزيت فهي قطعه مهمه جدا في السياره ، تخيل عندنا إسكاليد خربت الطرمبه فيه و قعدنا يجي حدود اسبوع و حنا ما صلحناها و لكن الصوت كان خفيف ، المهم غيرنا الطرمبه ، طلع صوت جديد وهو ( بيرنقات البساتم )
يعني لازم تفتح المكينه على شان تغيرها
و لكن رحنا فتحتا الكارتير و شدينا البيرنقات مبدأيا ً و إلى الوقت الحالي ماطلع صوت . لكن لا يستغرب أن يطلع بأي وقت
الشاهد ان طرمبه الزيت قطعه مهمه للسياره لأنها هي إلي تضح الزيت للمكينه فا في خرابها مشكله كبيره قد توصل إلى المكينه مثل ما حدث معنا
-
بالنسبه للصوت العالي إلي في سيارتك السوبر فهي نفس مشكله الإسكاليد
نصيحتي رح غيره و بسرعه و عليك بالطربمه الاصليه جي ام لأن التجاريه ما تنفع ابد
-
بالتوفيق

[نسكافيه]

هذي مشكلة شائعة في الجموس

وعندي واحد بغينا نوظبة بس الحمد لله تلاحقناه

بس ظنكم ياشباب وش الحل الامثل لها؟؟؟

اخوي سييرا دينالي اذا غيرت الطرمبة باللي تقول

لازم اغير التكايات؟؟؟؟؟؟

[chevy c10 85]

ان شاء خرابها سهل ومايكلفك مثل السياره الاولي يا محيسن وتطلع بس طرمبه ولو تبدلها لطرمبه رياضيه افضل من الوكاله واتفق مع اخوي سييرا دينالي بليهان كلامه صحيح الحق قبل سوالف التكايات والماكينه وحاول لاتستعمله الايام الجايه لاتزيد العله عليك موفق خير عزيزي محيسن

[ابو خطاب]

اذا انخفض صغط عداد الزيت معناها مافيه ضغط زيت اما لخراب طرمبة الزيت او تهريب عداد الزيت .. العداد امره هين اما ضعف ضغط الطرنبة فكانك تمشي وزيت الموتر ناقص ولا في موترك الا نص علبه ..
اول ما يتاثر روس المكيتة وتكايتها ثم بعد ذلك سبايك المكيتة تتاكل واذا زاد التأكل ببساطة عظت المكينة وخبطت لانه نشف ريقها وريقها هو الزيت اللي لازم يكون منتشر بكمل اجزائها. مثل انت لو كنت عطشان ونشف ريقك .. لا تلوم لسانك اذا لصق بلهاتك.:43759.imgcache[1]:
انصحك ما تشغل الموتر حتى ترجع ضغط امبير الزيت الى مستواه الطبيعي ولا قد تخسر المحرك او تستهلكه ثلاث ارباع عمره بهذه المشكلة.
اسباب الخراب:
الاقل سبب حتى المسبب الاكثر ضرر:
1- المشي بالسيارة سابقاً دون تحمية او على الاقل الانتظار لارتفاع ضغط الزيت.
2- ازالة بلف الحرارة.
3- عدم معايرة زيت المكينة رغم كونه ناقص مما يزيد سخونة طرمبة الزيت.
4- عدم تغيير فلتر الزيت وتاثير الشوائب وبرادة الحديد على عمل الطرمبة.
5- استخدام زيوت ذات كثافة لا تناسب المحرك او زيوت مجددة مثل ما حصل مع الكثيرين بسبة زيت كاسترول. (يوجد عدة مقالات بذلك).

[كبسولة 2]

مشكلة طرمبات الزيت والطقطقة مع بداية التشغيل ونزول عداد ضغط الزيت

بسبب صوفة الطرمبة نفسها

حلها بسيط جداً ولكن أغلب المهندسين يقولك طرمبة وبعضهم يأخذها له ويغير لك الصوفة فقط ويقول ركبنا لك الطرمبة

وهاتك زرررررف دراهم بالكذب وبالباطل أنتبهوا يا أخوان

يقك كارتير زيت المكينة وتتغير الصوفة الي تربط بين الطرمبة وحوض الزيت قيمتها 15 ريال فقط

وطبعاً لازم تغير وجه كارتير الزيت جديد بعد الفك قيمة الشغل يد من 60 إلى 80 ريال حسب المهندس والزبون

[بن غييثات]

محيسن

مطلوب منك تحديث المشكلة وان كانها انحلت تكفى

هالموضوع اعتبره من المواضيع المميزة والهامة

الله يوفقك باختباراتك ويعينك ويساعدك

[راعي وشيقر]

المشكله الكبيرهـ اني لازم استعمل السيارهـ ..

يعني هالاسبوع لين الاربعاء الجاي بعدين بنقز به للرياض وازينهاا ..


طيب وش رايكم ..1 وين اصلحه بأي ورشه ..!؟

الورشه اللي صلحت بها موتري مافيه امل ارجع لها ..

ابو خطاب ..

الحين اول ما ادق سلف واشغل .. تقريبا إلى خمس ثواني وعداد الزيت في محله ..

يرقاا بس تحت المستوى الطبيعي بشووي ..

اخلي الموتر شغال يثبت الامبير ..

اطلع وامشي والقطه لين يحتر الموتر شووي .. يعني احركه اكثر من خمس دقايق ..

ثم عقبهاا لو اوقفه ساعه ماتحرك امبيره ..

بس بعض الايام .. اشغل واحركه شووي مثلاا اطلعه من المظله واوقفه عن الباب ..

شوي ولا الامبير يطيح ..!

اقعد ادعس اذا تركت الدعسه طاح واذا قمت ادعس يلعب الامبير ..

اذا طاح مرررره تولع اللمبه الحمراء ..

وتمسع طق طق طق طق طق طق طق .. مهيب ذيك القووه لكنهاا واضحه ..

احطه بـ إن وادعس دعسه خفيفه واكررهاا كم مره لين يرتفع ..

وامشي ..

اكثر او تقريباا دائماا ماتطلع إلا في البراد .. واذا طولت ماشغلت الموتر وبرد شووي ..



1- المشي بالسيارة سابقاً دون تحمية او على الاقل الانتظار لارتفاع ضغط الزيت.


هذي من زماان كنت اسويهاا .. شغل وامش على طووول ..

برد ولا حر .. ما اذكر اني حميته ابد ابد ..

مايمدي لمبه الحزام تطفي إلا وانا قد دقيت ريوس ..



3- عدم معايرة زيت المكينة رغم كونه ناقص مما يزيد سخونة طرمبة الزيت.


ما اذكر انه قد نقس ولا اذكر ان ممشاه تعدى الـ 5 الالاف كيلوو ولا غيرته ..



- عدم تغيير فلتر الزيت وتاثير الشوائب وبرادة الحديد على عمل الطرمبة.


ما اذكر اني غيرتهاا ابد ..



5- استخدام زيوت ذات كثافة لا تناسب المحرك او زيوت مجددة مثل ما حصل مع الكثيرين بسبة زيت كاسترول. (يوجد عدة مقالات بذلك).


استعمل سوبر شل مدري وش اسمه الاحمر ..

---

اخوي كبسوله ..

عندناا في الورشه ميكانيكي يقول انهاا من طرمبه الزيت ..

طبعاا مهوب يستغل الخراب الميكانيكي لناا ..

---

بن غييثات ..

الموتر لازم استخدمه هالاسبوع ..

واخر الاسبوع بحطه في الورشه .. واعلمك بالمستجدات ..

بس تخبر لي ورشه زينه ..!؟

[كبسولة 2]

الزيت الثقيل 20-50 يسبب أيضاً هذه المشكلة والزيت الموصى لمحركات الجمسات هو زيت 30 5

وعندنا في السعودية أقرب زيت له 30 10 كاسترول

أسمع كلامي وغير نوع الزيت وإذا لم تختفي المشكلة غير صوفة طرمبة الزيت من تحت بــ 15 ريال

أرجع لردي السابق تجد التفصيل

[راعي وشيقر]

كبسوووله الله يعطييك الف الف الف الف الف الف عاافيه ..

مشكوووووووور ولا قصرت ..

عز الله انك ووافي ..

اناا جاي امس للرياض ..

وطلع علي صووت نفس صوت الطرمبه واناا امشي .. واهدي يوم وقفت ويرووح ..

المهم قلت اول ما اروح بحطه في الورشه .. وديته الورشه وقالي نفس كلامك ..

يقول احتمال يصير من الصوفه واحتمال يصير من الطرمبه ..

وان شاء الله بروح له او ادق عليه اليوم واشووف وش صاار وارد لك ..

شاكر لك اهتماامك ونصايحك الذهبيه .. والله لايحرمناا من ابدعاااتك ..

صراحه انت مكسب للناادي .. شاكر لك ..

[راعي وشيقر]

تم حل المشكله وتغيير طرمبه الزيت ..

في ورشه بن مرضااح ..

يعطييك العافيه اخوووي ابو عبدالله .. عز الله انك فنااان ماشااء الله .. والموتر على كيف كيفك مشاااء الله ..

تسلم يمييينك ..

[ابوعقل]

محيسن

وشي الطرمبه اللي ركبته؟؟

وبكم خذيته؟؟

وبكم ركبه ؟؟

وكم قعد الجمس بالورشه؟؟

[فيصل القحطاني]

العين ما تعلى على الحاجب


بس يا الغالي انا اسوي هالحركه من زمان وافتكيت من هالطرمبه


الله يسلمك الطرمبه فيها سبرنق

اظغط السبرنق وخله طويل شوي بشكل بسيط ورجعه وانشالله بيفكك من هالامور اذا الموتر موتر استعمالك اما اذا سياة بيت وهالامور

والله الحل تبديل اظن


بس للامانه انا جربت هالطريقه في جمس موديل 1999 فورتيك

وسحبت السبرنق عشان يدفع الزيت بقوة للمكينه:)


والسموحه

وترى الميكانيكا تجارب واخطاء وكل شي وارد

[ba7ar]

تم حل المشكله وتغيير طرمبه الزيت ..

في ورشه بن مرضااح ..

يعطييك العافيه اخوووي ابو عبدالله .. عز الله انك فنااان ماشااء الله .. والموتر على كيف كيفك مشاااء الله ..

تسلم يمييينك ..


ياليت توضح لنا كم كلفك شغل مع القطع ووش القطع الى غيرتها


تحياتي