الجمحيات

[حمرين]

لمبات اشتهرت على الجموس منذ زمن وكانت هي العلامه الفارقه في هذا النوع من السيارات ولها شكلها ومنظرها المقرب لاصحاب هذا النوع من المواتر

لكن في الاوانه الاخيره ماعاد تنزل على الموديلات الجديده كلها الا بعضها فقط

السوال هنا وجدت محلات تركبها في الغرابي ولكن ليست اصليه ويركبونها بحيث انه تشتغل مع نور السياره وليس بفاصل منعزل
تراودني فكره شراها من الوكاله وتركيبها عندهم فهل تنصحون بذلك ام ان فيها مشاكل ان لم تكن شد بلد مثل دخول المويه على الغماره او شئ من هذا القبيل لانهم يخرمون البدي ولو تشوفهم وهم يركبونها على المواتر قسم بالله يوجع قلبك الدريل

واذا كان احد مجاربها ولا وجد مشكله فارجو من احد الاعضاء اللذي يملك جمس صحن 2500 جديد (2008_2009) التكرم علي باعطاي المقاسات التي تكون فيها المبات يعني كم المسافه بينها وبين القزازه الاماميه وكم المسافه بينها وبين بعضها وبينها وبين الابواب او جنب الموتر حتى يكون تركيبها غير ملفت لنظر او شكلها باين انها مركبه لاني ماابي ناس تحفر التنده وبالنهايه يكون فيها غلط
وحتى يكون هذا الموضوع مرجع سوا بالفائده بالتركيب او عدمه
بارك الله فيكم جميعن

[بانكر]

هلا بك اخوي حمرين

و الله انا ماعندي فكره عنها و لكن عندي لك رأي :fjr3[1]:

الا و هو :43765.imgcache[1]:

الاجتماع الجاي مابقا علية شي

وراوه ما تشرفنا طال عمرك و تجيب متر معك

و ننظ فوق موتر عمنا ( آية الله الفريشة ) :)الله يخلية لنا

و ناخذ المقاسات بالظبط

لاني ناوي اركبها و مخليها شوي لما ما شاء الله عليك

طرحت الموضوع

اخوك
بانكر

[حمرين]

والله ياابن الحلال رايك ممتاز جدا

لكن يبقى موضوع الا وهو تركيبها كل خوفي من تهريب الماء او عدم ثبات اللمبه في التنده

واذا كان احد يعرف محل يركبها ومجربها عنده فهذا الطلب

وبالنسبه لموتر الفريشه اذا ماحصلنا المقاسات في هالموضوع فهذا الي انا ناوي اسويه لاني شفت صور موتره في الاجتماع ولقيت ان على موتره الجمحيات فالاجتماع الجاي هذا الي بيصير
حياك يابانكر

[بن دريويش]

[quoوالله حرام تخريم الموتر و هو جديد te][/quote]

[راعي وشيقر]

إلاا مايصلح تلزقهاا بلزق ابو وجهين .. << احس انكم بتقولون وش يبي بالضبط ..

يعني قبل لاتخرم .. لزقهاا ..!

فيه انوااع تمسك ..

لزقهاا ان جاز لك شكلهاا وضبط محلهاا بتبقى اثار اللزق قبل لاتشيلهاا .. يصير معروف مين محلها بالضبط ..

صح ولاا لاا ..!؟

وتقبل مرورري ..

[شقران]

انا اذكر قبل عشر سنين شريتها من الوكالة اصلية ورحت لكهربائي وقلت خرم وركب يابوالشباب المهم وضبطت ومن ناحية تهريب الماء لا تخاف لان هي قاعدتها جلدة تمنع تسرب الماء والغبار , واذا على التخريم ابد وانا اخوك ترى طبيعي لا تشيل همه اهم شي شف لك الكهربائي الجيد اللي ياخذ المقاس مضبوط مايجلس يخرم غلط ..

[ذيب الصحراء]

الله حيهم


انا مركبها من الغرابي ب170 ريال وطبعا اللمبات من عنده تايونية يقول انها ما تتغير

وانا مركبها لي شهرين و (الحمد لله ) ما تغيرت


طريقة تركيبها بالمتر ياخذ المقاسات ويحددها بقلم رصاص
وطبعا السلك دخلة من تحت

اول شي خذ المقاسات من عند الباب

ومن عند القزازة

ومن بين اللمبات


وطبعا بدريل خفسها والحمدلله لا دخل مطراو صوت هواء

وجاب السلك من هينا
http://www11.0zz0.com/thumbs/2009/05/19/15/479446357.jpg


وطبعا شبكها مع السكن اول ما تشغل السكن تشتغل



واي استفسار انا حاظر

[حمرين]

ممتاز الله يعطيك العافيه ياذيب اجل باسعرهن في الوكاله وابشوف وش يصير علي

الله يعطيكم العافيه جميعا

[ذيب الصحراء]

الله مير يعافيك


وحاظرين لطيبين

[بهبـGMCـهان]

حرام عليك اخوي ماله دااعي تخرم بموترك خله كذا شد بلاده احسن لك
مجرد راي
والشور شورك والقول قولك

[حمرين]

اشكر كل من نصحني بعدم التخريم لكن حب شكل هذا النوع من اللمبات فاق خوفي على تخريم الموتر على العموم

رحت وسألت عن سعرها بالوكلات ومالقيتها الا عند التقوى وبحالوي 400 وزود شوي ورحت للتشليح لبحث عن سعر افضل لكن تفأجات بكلام اخر وجدتهم يبيعونها مع الاسلاك الموصله لها والغريب انهم اسموها بالضفيره وكان سعرعا مع الظفيره 400 ومن هنا رجعت وماشريتها وتشتت الموضوع حبتين بالنسبه لي <<< وش عنده الي بيركب مكينه <<<ماصارت جمحيات

وسبب خوفي الان من شراها من الوكاله عدم تناسق الفولت في الاسلاك من عند الغرابي مع لمبات الوكاله واذا كان من التشليح فبيكون تركبيها مع شراها مكلف نوعا ماء وبالنهايه الابمات تشليح وجمحيات الغرابي احس انها مع لهيب نجد وشمسها بتقلب شهبا وبأطر بالنهايه اني اغيرها اصلي فتصير خسارتي مرتين على العموم اشغلتكم بس حبيت اعطي فكره لكل شخص حب يركبها وان بشوف وش بيسنع الله علي

[كايدهم]

اما ركبت تجاري والله يستر

[chevy c10 85]

والله حرام مثل ماقالو الشباب جمس بهباني وهتلر تغير بالسياره بعدين هو مايزيد فيها شي ولا يغير لا من ناحيه شكل جمالي ولا من ناحيه سرعه ماله داعي السالفه فيها وايرات وتخريم بالبدي وفتح ديكور من الافضل انك ماتسويها وفوق هذا القطع تايوان وعلي قولت هتلر الشور شورك

[بن غييثات]

الله حيهم


انا مركبها من الغرابي ب170 ريال وطبعا اللمبات من عنده تايونية يقول انها ما تتغير

وانا مركبها لي شهرين و (الحمد لله ) ما تغيرت


طريقة تركيبها بالمتر ياخذ المقاسات ويحددها بقلم رصاص
وطبعا السلك دخلة من تحت

اول شي خذ المقاسات من عند الباب

ومن عند القزازة

ومن بين اللمبات


وطبعا بدريل خفسها والحمدلله لا دخل مطراو صوت هواء

وجاب السلك من هينا
http://www11.0zz0.com/thumbs/2009/05/19/15/479446357.jpg


وطبعا شبكها مع السكن اول ما تشغل السكن تشتغل



واي استفسار انا حاظر

ابو سليمان

ماشفت عنده جميحيات حقت القديم

[ذيب الصحراء]

الا كل الموديلات
بس انا قلتله ابغى حقت المويل نفسه

[كبسولة 2]

موضوع ممتاز وننتظر النتائج النهائية لأني ناوي أركبها ياشباب فهي فعلاً رووووعة على الجمسات

[تيتشر]

مجرد رأي

مسألة اني اخرم موتري الجديد هذا شي مستبعد

لذا اتمنى انك تلقى حل آخر وان ما لقيت ما تخرم موترك

[فيصل الخالدي]

بخاطرك ركبها شف هالشيخ الي ماهب شيوخنا

هو مكينه هو قير هو دفرنسات هو لون هو جميحيات هو فخامه هو رزه العنبو الشقا

http://www.cars-club.com/up/8-2-1/carsclub_29581683.jpg

ماشاءالله تبارك الله هذا الي ابي اقوله

[ادولف هتلر]

حمرين اذا صملت على شي علمني انا نفس موتر عشان نركب جماعي ....وشكرا

[الجمرة]

هلا بكم جميع

الجميحيات الوكاله تايوان انا شريتها من التشاليح فكيتها من موتر شد بلد عليه الجميحيات وللأسف تراها تايوان و مكتوب عليها تايوان...
ركبها في مجمع السلام في الدمام يركبها ويعطيك ضمان عليها وشغله ما يحتاج\

تحياتي

[ادولف هتلر]

^
^
^
<<<<<<<<<<<<<<<< مافيه شي بالرياض مشووووووار الدمام .



شكرا على المعلومه

[كبسولة 2]

كم سعر شراها وكم سعر تركيبها

[كبسولة 2]

ويييييييييييييين الشباب ؟

[كبسولة 2]

وييييييييييييييييييييييين الشباب

[حمرين]

ادولف
انا صلمتي قريبه بس خلني اخلص من هالبليزر واتفضا لموتري

كبسوله

في الغرابي تجاريات مع التركيب 200
في التشليح ب400 مع الاسلاك الي توصلها
وفي التقوى ب400 وعليها بدون اسلاك
وسواً شريتها من الوكاله او من التشليح تركيبها بالغرابي 100

[ابو معتق]

الوكاله ما يعطونك اللمبات الي فوق الى انك تعطيهم
رقم شااااص موترك قبل ماتروح شفلك الي واحد من الي معه 2500 وخذ رقم الشاص
وانتبه من المقاسات ترى بعضهم يشتغلاي كلام


ودي وتقديري

[Bo Da7m]

السلام عليكم
اخوي من ناحية تخريم التندة(السقف)فتكون فتحات صغيرررررررة جدا بمقاس السلك ومثل ماقالوا الاخوان اهم شي يظبط لك الوزنيه
ويظبط الاسلاك الي تكون موصلة باللمبة علشان ماتطفي..وحتى لوطفت ترى امرها بسيط ماتحتاج شي بس شف لك واحد سنع يسنعها لك وانا اشهد ان الجمس بدون جميحيات اقرررع
وسلامتك

[ابوعبدالله]

ياخي والله انك تقرى افكاري موتري معي له 5 شهور والى الحين وانا اهوجس اركب ولا ما اركب ..
لكن الله يكتب اللي فيه الخير .. وموفق ..

ملاحظه ( الوكاله نصابين جدا جدا )

[الـ ع ـارض]

وش صار على موضوع الجميحيات ؟؟؟

[باحص]

الي غابني ان الشركه ليه تنزله بلسوووق بدوووووون جميحيات فرقت 50 ريال تدفعها الشركه ولا هي اجبار انك تشتري الاغلى

والجميحيات والله انها تاج مو لمبه بس

اما من ناحيه التخريم فانا ضدها لانك ما تدري يمكن ينزل مطر ولا شئ وتلعب بلسياره ويمكن مع الوقت تحلي المسامير حقه خله على البلد

وعلى ما قالو الشور شورك

[جمس 91]

انا مع الاخوان اللي نصحوك بعدم تخريم الموتر...

ما شاء الله الموتر جديد ويا زين شد البلد...

ومثل الاخوان ( الشور شورك....