انوار الطبلون وامبير البنزين

[دينالي تركوازي]

السلام عليكم ,,
مساكم الله بالخير
يا اخوان عندي جمس حوض 2003 سعودي
وديته ابي اصلح امبير البنزين لانه مهب مضبوط (يلعب) وايضاً عندي اضاء الطبلون جزء منها محترق ولمبات السقف (الجميحيات) تشتغل من نفسها اذا دقيت سلف !!
وقالي الكهربائي ان امبير البنزين ولمبات الطبلون عشان تضبط لازم تغير الطبلون اللي فيه العدادات !!
والمشكله ان قراءه العداد بتتغير !!
فما ادري احس ان السالفه ما تخش العقل معقوله عشان اغير اللمبات لازم اغير الطبلون؟؟
وسؤالي هل الجميحيات تولع بمجرد ما تدق سلف؟؟ والا انه عندي مشكله بالكهرب؟؟
ارجو اللي عنده علم يستعجل علينا تراي بحيرهـ

[خويي الجمس]

حسب خبرتي
ان امبير البنزين اذاخرب تصلحه او تغيره لوحده بس تذكر قبل تغيره ان الخراب يكون في بعض الأحيان من عوامة البنزين الي بتانكي
اما سؤالك الثاني بخصوص لمات الطبلون تغير كل وحده لحالها
اما الجميحيات المتعارف عليه ان لمبات الجميحيات تشتغل مع النور القصير امااذا تشتغل على كيفها فمعناه انه فيه التماس عندك لازم تصلحه بسرعه لا يسببلك مشكله اكبر
يس قبل تسوي اي شي شيك على الكهرباء كلها
تقبل رأيي المتواضع

[دينالي تركوازي]

ماقصرت ياخوي الجمس
العوامه شيك عليها يقول انها ممتازه البلا من الامبير
الله لايهينك اسعدني مرورك
اللي عنده علم ياشباب يفيدنا زود

[chevy c10 85]

ماعليك من كلامه نصاب لمبات العدادات انا ابدلها بنفسي سهله ولا يبيلها تغيير طبلون وكلامه الفاضي وامبير البانزين شوف العوامه افحصها قبل تغييره واللمبات سعرها مايتعدي 10 ريال كرتون في درزنين 12 حبه امريكي
موفق خير تحياتي

[دينالي تركوازي]

هو يقول ان لمبات الطبلون الموديل الجديد تختلف عن القديم تجي شريحه وليست لمبه عاد ما ادري عن صحه كلامه وبالنسبه للعوامه اللي عندي سليمه 100% المشكله بالامبير نفسه على العموم ماقصرتو وبيض الله وجيهكم واللي عنده اي معلومه ينصحنا وسلامتكم

[MTC_959]

السلام عليكم ,,
مساكم الله بالخير
يا اخوان عندي جمس حوض 2003 سعودي
وديته ابي اصلح امبير البنزين لانه مهب مضبوط (يلعب) وايضاً عندي اضاء الطبلون جزء منها محترق ولمبات السقف (الجميحيات) تشتغل من نفسها اذا دقيت سلف !!
وقالي الكهربائي ان امبير البنزين ولمبات الطبلون عشان تضبط لازم تغير الطبلون اللي فيه العدادات !!
والمشكله ان قراءه العداد بتتغير !!
فما ادري احس ان السالفه ما تخش العقل معقوله عشان اغير اللمبات لازم اغير الطبلون؟؟
وسؤالي هل الجميحيات تولع بمجرد ما تدق سلف؟؟ والا انه عندي مشكله بالكهرب؟؟
ارجو اللي عنده علم يستعجل علينا تراي بحيرهـ

اذا كنت تحب اتعبث وتصلح بيدك تقدر تغير اللمبات حقت الطبلون لمبه لمبه
والعداد حق البنزين شيك على العوامه يمون مكسوه اذا لا الفيش حق الطرنبه والعوامه شيك عليه يمكن مصدي على خفيف يجوز تنضفه مع مبرد (صنفره على خفيف )ويضبط معك انا لو اعرف شلون ارفع صور كان رفعت صور فك الطبلون توني فاك الطبلون حق موتري شاشه النمر والعداد مب شغال نضفته لين اشتغل وطلع العداد يلق لق
اذا لك زياره لدمام حياك اسوي لموترك بلاش لكن لازم تسوي لي دعايه هنا :43448.imgcache[1]:اتفقنا

[دينالي تركوازي]

http://www.cars-club.com/up/8-2-1/carsclub_58309901.bmp
ياحبي لك بس هههههههههههههههههههه
ابفك الطبلون واهندس فيه بس الله يستر ما اجيب العيد ومشكور يالغالي

[المركاز]

قد صارت معي في دينالي 2003 وطلعت من العوامة .وزينها واحد وصارت مع واحد من الربع يوكون 2005 والله يهاديه غير الطرمبة كاملة 1400 وزانت،،،

[MTC_959]

ترقبوا موضوع شلون تفك الطبلون

[علي السالم]

اخوى بالنسبه للمبات حقت الطبلون

ماتغير مو المبات عاديه يسمون شرايح الكترونيه

فيه ناس تصلحها انا وديتها لتركى بالنسيم وصلحها ب 100 ريال او 70 مو فاكر وحتى كانت ماتولع لمبه الاشاره بالطبلون