سؤال عن حساسات الكفرات؟؟

[k3ke]

[]يا جماعة مساكم الله بالخير او صبحكم الله بالخير
السؤال من ركبت كفرات بالون على موتري وحساس الكفرات منور عندي ومقلق راحتي
مع العلم ان الموتر سيلفرادو 2008
ولكم جزيل الشكر:]:[/1]

[ونيت جمس]

يعني انت ركبته على كفرات البالون ولا لا

[k3ke]

انا موتري فيه شد بلد حساسات الكفرات ويوم اني ركبت كفرات البالون عيا يطفى
ويقولون له طريقه برمجة بس ما ادري وشلون الموتر سيلفرادو 2008 يا عم
وشاكر لك مرورك واهتمامك

[ونيت جمس]

حبيب قلبي انا ادري انه شد بلد يجي معه حساسات

ولكن ابغى اوضح الحساسات ركبتها على الكفرات الثانيه صح

فأذا كان ذلك فيبغا لك تروح للوكاله برمجتها عن طريق السوتيش وشغله ثانيه عموما هي بسيطه جدا

[جمس 4434]

الشباب يفيدونك

[k3ke]

مشكورين يا شباب على مروركم ولكن يقولون ان ضبطها عن طريق فيش الانوار

[الـ ع ـارض]

صبحك الله بالخير

اخوي الامر بسيط جدا

اولا اوزن هواء الكفرات ولازم يكون الضغط في الكفر اكثر من 33

ثانيا شف كتلوج السيارة بتلاقي فيها طريقه اعادة ضبط الحساسات وهي عن طريق الريموت وليست عن طريق فيش الانوار

... هذا اذا كان موترك مافيه ميزة اعادة ضبط الحساسات عن طريق مركز معلومات السائق

[k3ke]

ما تقدر تشرح لي ياعمنا العارض لان الكتلوج مو عندي انا بديره والكاتلوج بديره ثانيه
والله يعطيك العافية

[الـ ع ـارض]

ما تقدر تشرح لي ياعمنا العارض لان الكتلوج مو عندي انا بديره والكاتلوج بديره ثانيه
والله يعطيك العافية

ابشر بسعدك بس اول شي سيارتك بريموت ... قل صح ... صح

وشي الازرار اللي على الريموت ؟؟؟

شكلي بصور لك الطريقه من الكتالوج واحطها هنا ان شاء الله

[k3ke]

صح انه ريموت والاصح بعد انك تسوي لي هالمعروف الله لا يهينك
وان كان فيه اي تعب تراك بحل وبيض الله وجهك ولا تكلف على نفسك يا بعد هالدنيا
ههههه

[الـ ع ـارض]

لاعادة ضبط جهاز مراقبة ضغط الاطارات
1- شد فرامل الطوارئ ( الجلنط )
2-ادر مفتاح اشعال المحرك الى وضع التشغيل ولكن لا تقلع المحرك
3- اضغط في نفس الوقت على زري القفل والفتح الموجودين على وحدة الارسال وابق ضاغطا لمدة 5 ثواني سينطلق الزمور مرتين للاشارة الى ان عملية المطابقة بدات
4- ابداء بالاطار الامامي الايسر وقم بزيادة او بخفض ضغط الاطار لمدة 5 ثواني او الى ان ينطلق الزمور
5- كرر نفس الخطوه (4) لكل الاطارات وبالترتيب التالي الاطار الامامي الايمين ثم الاطار الخلفي الايمن ثم الاطار الخلفي الايسر
6- بعد انطلاق الزمور مرتين للتاكيد لك انه تم حفظ مواقع الاطارات ثم قم بطفاء اشعال المحرك ( السويش )...



هذه الطريقه منقوله بتصرف من دليل مالك السيارة


اتمنى اني افدتك :43599.imgcache[1]:

[k3ke]

الله لا يحرمنا منك ويعطيك العافيه على هالمجهود الطيب اللي تشكر عليه يبي يدعون لك الناس ان شاء الله لانه كثير اللي يشتكون من عطل الحساسات وما اقول الا الله يعطيك العافيه

[الـ ع ـارض]

الله يجزاك خير اخوي ويتقبل دعائك ويجعل لك منه نصيب

والاخوان جميعهم في خدمة بعض

[شقران]

مشكور يابوفيصل ..

[نسكافيه]

اخوي راجع الكتلوج فيه طريقة برمجة الحساسات الكفرات

تحياتي لك