فزه ياهل الفزعات

[عبدالله بن مطرف]

السلام عليكم ورحمة الله وبركاته

أسعد الله صباحكم / أسعد الله مساكم جميع

بصراحه أبي أسألك عن القطعه اللي تجي أحيان فالموتر. الموتر شفر 78 وحقيقة مابقى شي إلا والله وسويته إلا كان فيه شي يتسوى ومافاد فيه قلت أسأل هل الخبره اللي في منتدانا الحبيب. عموماً غيرت ياطوال الأعمار أول شي طربنة البنزين ولافاد غيرت مواصير الرايح والراجع لأن أول كان عليه مكينة 350 والحين عليه 454 حقة كرفان عموماً وأمشي على القسام حق التوانك وغيرت كلبليتر وبواجي أسلاك بواجي الموتر فزته زينه وماعليها خلاف بس لامن أبعدت عليه شوي صار يقطع وخصوصاً ع المية وأربعين لدرجة أنه يطفى لكن لامن علقة على الدعسه وهو يقطع قام يكب هالدخان من الشكامين ويسلك شوي بس مثل ماهو يقطع وانا يالربع أبي لي حل في هالموتر وش الدبره فيه وكل والله أنه أصلي بس مدري والله وش علته معلومه بسيطه الموتر تماتيك وفيه ناس قالو أنه يمكن يكون من القير لأنه مايتحمل المكينه وأول عليه 350

وأنا ياجماعة الخير الحين في دبرتكم وش الحل....!

دمتم بود / النبراس

[شفر 454]

الله يحـــييك يالنبراااااس

00000


أجـــل يقولون لك من القـــير شـر البليــه مايضحك
حسبـــي الله على ذا الورش اللي ماوراهــا إلا الدمــــار


علـــى العموم أبشــر بالحــل بمشيئة الله أراجع
النــــوتــه وأســدح لك الحــــل هـــنــا

وفيــه حل بدائي يمكن يكون الفلتر اللي بالكبليتر
متســخ حيييييييييييل

وبيمـــر دكتـور الكـلاســيك ( البهبهاني المغترب)ويعطيك الخبر
الأكــيد إن شـــــاء الله

[عبدالله بن مطرف]

أيه بالله أنا أشهد شر البلية مايضحك لكن وش تسوي ....! :-) وبالنسبه لفلتر الكلبليتر غيرته لدرجة أني غيرت الكلبليتر بكبره والله أني فاكه من موتر واحد من الربع ولا فاد فيه. ع العموم الله لايهينك يابعدي وفي أنتظارك وأنتظار القروم اللي شرواك فالنادي

النبراس

[chevy c10 85]

اعتقد والله العالم ان المشكله عندك بالكام سبق وصارت معي علي 350رفرفر اجر عليه بثنين ويقطع معي
وفي شيء ثاني ومهم لازم تشييك عليه الا وهو دبه الاقزوز والبايب نفسه هل هو نفسه القديم وركبته علي منيفولت الماكينه الثانيه 454
ولا غير يجوز مسكره وتكتم الموتر
وتحياتي لك وان شاء الله موفق خير

[ابوعمشى]

عليك بابو عبدالعزيز

البهبهاني المغترب وبس

هو دكتور الا برفسور كلاسيك ماشاء الله عليه

[شقران]

في انتظار الدكتور ابوعزوز وان شاء الله انه مايقصر ..

[شفر 454]

[quote=النبراس;41908]

وبالنسبه لفلتر الكلبليتر غيرته


مادامـك غيرتـه
أجــل طرمــبة بنزيــن بإذن ركب أصليه
وتوكل على الله سبحــانه


***********


[quote=ابوعمشى;41953]

عليك بابو عبدالعزيز

البهبهاني المغترب وبس

هو دكتور الا برفسور كلاسيك ماشاء الله عليه


أبوعبدالعزيز كفو بس مايمنع ياأبوعمشى
أننــا نشارك أخواننـا بالنادي المشوره الصحيحه والصحيحه فقـــط
ولابد أنها مرت علينــــا بعض المشاكل ..!!

ولا أنــا غلطــان ...

[عبدالله بن مطرف]

الله لايهينكم جميع وبيّض الله وجيهكم وكلكم خير وبركه وبالنسبه أخوي شفر 454 للطرنبه مغيرها وأصليه والله وكل شي فالموتر يمر فيه بنزين غيرته ياخوك والموتر هو هو لاهو اللي زان ولاهو اللي خف من القطعه حتى عموماً يا أخواني الغالين مازلت في أنتظاركم وأنتظار آرائكم ولاخلا ولاعدم

أخوكم / النبراس

[عبدالله بن مطرف]

! ! ! ! ! ! ! ! ! ! ! ! ! ! ! ! ! ! ! !

[مطلق السلمان]

أخوي العزيز النبراس كيف حالك عساك بخير مبطين ما راسلناك الظاهر أزعجناك بالرسايل الأخيرة كثرناها عليك أخوي لا تستبعد الغير لأن الغير التماتيك حجم 454 يختلف عن حجم 350 ومن المتعارف عليه أن غير 454 تماتيك قوي ويتحمل ولكن عندي تحفظ أعتقد أنه الكبريتر والله أعلم ولكن هل المشكلة طلعت عندك بعد تركيب المكينة الجديدة حجم 454 أو بعد فترة من التركيب.

[عبدالله بن مطرف]

هلا والله وغلا أخوي مطلق السلمان,
أبشرك أني طيب وبخير وماعلي خلاف انت بشرني عنك؟

بالنسبه طال عمرك للرسايل عزالله انك ما ازعجتني وانها أبرك الساعات يالغالي وتراك على البال ياطويل العمر.

بالنسبه للمكينه ماكان فيها شي من لأني شاري الموتر من معرفه والموتر أنا خابر ممشاه ماهوب شين أبد لكن الموتر يوم اشتريه كان له فتره وهو واقف بس وشي طبيعي أن الواحد يشيك على الزيوت الموتر كامله ومجاري البنزين كلها من التوناك لفلتر الكلبليتر ومثل ماقلت ياخوك سويت كل تقريباً ولافاد فيه والمشكله انها في البنزين لأنها قطعة بنزين ماهيب كهرب والشباب هنا ماقصرو والله عطوني كم راي وأنا والله ودي بأرآء أزوّد لأني أن شالله جاي زياره للسعوديه في ديسمبر وودي والله أخلّص هالموتر لأن وضعه بالشكل هذا أحس أنه على راسي. عموماً شكل السوالف جازت لي :-)

شاكر لكم على كل حال ومازلت في أنتظار القروم
أخوكم / النبراس

[راعي 84]

انا بأعطيك حل بس قبله المشاكل إلي تخلي الموتر يقطع !
1- فجأه يقطع+ شكمانه يثور(يقدح)+ يطلع كربون من شكمانه
2-يطفي الموتر ولا يشتغل إلا بعد مايبرد =ويشتغل ولا كأنه فيه شي
3- أحيان وهو شغال وواقف يطفي لحاله بدون أي سبب

-أنا قالو لي الكربريتر = قلت لهم جديد وياويل من يمسكه+ وقالو لي يبي له قسام على شانه اتحكم بصب البنزين =ولا سويتها لأنه لو مايوصل له بنزين او يكب كان مامشاني 30 دقيقه بعدها يسوي هالحركه(يقطع)<<صار عندي خبره
-قالو لي الطرمبه = غيرتها ولا انحلت المشكله + بس صار مايقطع أكثر من أول
-قالو كهرباء = غيرت البواجي والأسلاك = ولا في فايده
غيرت هذي كلها مره وحده ولا في منها أي فايد بس انه صار مايقطع واجد صار أروح مشواري كل شي اوكي بس لما أرجع يسويها فيني
أخرتها الحل الوحيد هو اني أغير الديلكو من بعد نصيحت واحد جاته نفس الحاله بسيارته والحمد لله إلى يومك ماصار له شي من الفرحه مابقى خط مارحت له مابقى طعس ماطعست فيه من الفرحه اي واحد يبي يطلع لأي محل انا أوصله <<مره ارتحت كأنه ماء بارد ونصب علي بعد معاناه تمت 4 شهور أطلع بالسياره متخوف منها ولا صرت أحركها واجد والسبب = المشكله تجي صدفه بس
اما القير والله مايسويها يأنه يخبط ماعاد يعشق اما يقطع >>مالك أمل لو تركب له قير 305 والمكينه 511 ماله شغل بالتقطيع ...

إن شالله كان المكتوب واضح ويفيدك
اخوك \ راعي 84

[مطلق السلمان]

الله يجزاك خير أخوي ( راعي 84 ) الديلكو بعد يعتبر من الأحتمالات المهمة لأنه يسوي بعض هاذة العوارض.

[النمر الاسود]

السلام عليكم

جرب وفك فلتر البنزين ونظفه وشكيك على التوانك واغسلها ويمكن طرنمبة البنزين ماتدف البنزين عدل
وشيك على البواجي واسلاك البواجي
ودايم الامريكي القديم علته بالكهرب وبالتفتفه والحراره
ملحوظه: خل بنزينك فل دايم واستخدم اوكتان 95

بالتوفيق ان شاء الله

[شفر 454]

أخــوي النبــراس

أنــا مازلــت مصــرّ علــى أن مشكلتك بالبنزين

الطرمــبه
لايهمــك كرتون أي سي ديلكو أكثره أمريكي أو تجاري بعد

الكبيلتر

ويمــكن فلتر كبليترك مو مضبوط لأنك
تقوول مغير كبيلتر كامــل شيـك على الفلتر وأنا أخوك


أنــا أشووووف غير ماسبق ماله دخل في مشكلتك

[مطلق السلمان]

أخوي النبراس واحد من الشباب صارت له مشكلة مثل مشكلتلك بالضبط يعلمني قبل أيام بسيطة يقول الموتر أشتغالة ما هو زين لك عليه !!! وبعد يقول إذا مشى عليه من 70 إلى 90 يطرقع وإذا عطا الغير نمرة 1 أو 2 وخلاه مسافة شوي يعني يسنة بالممشى شوي يطرقع يقول طال عمرك غير في البداية البواجي + وايرات البواجي وما تغير شي إطلاقاً يقول بعدين غير بلف هذا راكب في غطاء راس المكينة من الخارج ومشبوك بهوز إلى الكبرتير يقول نفس الشي ما تغير يقول طال عمرك بعدين غير طرمبة بنزين نفس الحكاية الموتر على ما هو عليه يقول بعدين طال عمرك فك الكبرتير وعمل له تنظيف كامل + إصلاح وتركييب فلتر كبريتر جديد وركبه على الموتر ونفس الحكاية الموتر على ما هو عليه !!! شك في الكبريتر اللي على موترة وركب كبريتر أحد زملائة والكبرتير شغال على الموتر من أفضل ما يكون وركبه على موترة ونفس المشكلة الموتر ما تغير إطلاقاً !!!

يقول بعدين طال عمرك فك غطاء الديلكو الرأس كامل مع " الكوين " يقول أول ما فك رأس الديلكو وخلاه على جنب وراح يشوف القطع اللي موجودة في الديلكو الموجود في سيارتة القطع الداخلية ضهرت له أجزاء الديلكو الداخلية ويقول أول قطعة شفتها كانت قطعة لونها " أبيض " بعض الأحيان تجي لون أزرق وشكلها شبه دائري صغيرة نوعا ما يقول فيها داخل زي اللسان حديد كان مهمة اللسان إيصال الكهرب لقاء اللسان مكسور يقول قاله الميكانيكي رح أشتر القطع هاذي يقول رحت وشريتها بمبلغ 20 ريال وبعدين ركبتها في الديلكو وجاب طال عمرك رأس الديلكو اللي فكة وركبة من جديد ما غير في الرأس شي الغطاء نفسه المستعمل مع الكويل المستعمل يقول بعد تركيب الديلكو صار الموتر تشغيلة على ما يرام ولا عاد فيه نتعه ولا طرقعة يمكن موترك نفس المشكلة بالضبط يقول شغل يد المكانيكي 80 ريال والقطعة بــ 20 ريال الإجمالي 100 ريال فقط يقول خسر تقريباً 900 ريال على بلاش لأنه ما عرف المشكلة في الأساس أحتمال موترك نفس المشكلة تأكد الكشف ما راح يكلفك شي وخله يفك القطعة الدائرية اللي في الديلكو من الداخل وشوفها بنفسك لا تعتمد على الميكانيكي لأن معظمهم لا يفقه شي للأسف الشديد والقطعة اللي ذكرتها في الديلكو سهلة هي أول قطعة راح تلقاها بعد فك رأس الديلكو مباشرة وشكلها دائري.

[chevy c10 85]

اخوي مطلق القطعه هذي من اكبر الاحتمالات واللي ماتطري علي البال واحتمال كبير منها

[راعي 84]

الله يجزاك خير أخوي ( راعي 84 ) الديلكو
بعد يعتبر من الأحتمالات المهمة لأنه يسوي بعض هاذة العوارض.

الله يعافيك انا كاتب المشكله ما نحلت إلا لما غيرت الديلكو= المشكله كانت بالديلكو

[راعي 84]

أخوي النبراس واحد من الشباب صارت له مشكلة مثل مشكلتلك بالضبط يعلمني قبل أيام بسيطة يقول الموتر أشتغالة ما هو زين لك عليه !!! وبعد يقول إذا مشى عليه من 70 إلى 90 يطرقع وإذا عطا الغير نمرة 1 أو 2 وخلاه مسافة شوي يعني يسنة بالممشى شوي يطرقع يقول طال عمرك غير في البداية البواجي + وايرات البواجي وما تغير شي إطلاقاً يقول بعدين غير بلف هذا راكب في غطاء راس المكينة من الخارج ومشبوك بهوز إلى الكبرتير يقول نفس الشي ما تغير يقول طال عمرك بعدين غير طرمبة بنزين نفس الحكاية الموتر على ما هو عليه يقول بعدين طال عمرك فك الكبرتير وعمل له تنظيف كامل + إصلاح وتركييب فلتر كبريتر جديد وركبه على الموتر ونفس الحكاية الموتر على ما هو عليه !!! شك في الكبريتر اللي على موترة وركب كبريتر أحد زملائمة والكبرتير شغال على الموتر من أفضل ما يكون وركبه على موترة ونفس المشكلة الموتر ما تغير إطلاقاً !!!

يقول بعدين طال عمرك فك غطاء الديلكو الرأس كامل مع " الكوين " يقول أول ما فك رأس الديلكو وخلاه على جنب وراح يشوف القطع اللي موجودة في الديلكو الموجود في سيارتة القطع الداخلية ضهرت له أجزاء الديلكو الداخلية ويقول أول قطعة شفتها كانت قطعة لونها " أبيض " بعض الأحيان تجي لون أزرق وشكلها شبه دائري صغيرة نوعا ما يقول فيها داخل زي اللسان حديد كان مهمة اللسان إيصال الكهرب لقاء اللسان مكسور يقول قاله الميكانيكي رح أشتر القطع هاذي يقول رحت وشريتها بمبلغ 20 ريال وبعدين ركبتها في الديلكو وجاب طال عمرك رأس الديلكو اللي فكة وركبة من جديد ما غير في الرأس شي الغطاء نفسه المستعمل مع الكويل المستعمل يقول بعد تركيب الديلكو صار الموتر تشغيلة على ما يرام ولا عاد فيه نتعه ولا طرقعة يمكن موترك نفس المشكلة بالضبط يقول شغل يد المكانيكي 80 ريال والقطعة بــ 20 ريال الإجمالي 100 ريال فقط يقول خسر تقريباً 900 ريال على بلاش لأنه ما عرف المشكلة في الأساس أحتمال موترك نفس المشكلة تأكد الكشف ما راح يكلفك شي وخله يفك القطعة الدائرية اللي في الديلكو من الداخل وشوفها بنفسك لا تعتمد على الميكانيكي لأن معظمهم لا يفقه شي للأسف الشديد والقطعة اللي ذكرتها في الديلكو سهلة هي أول قطعة راح تلقاها بعد فك رأس الديلكو مباشرة وشكلها دائري.

وهذ إلي صار لي بالضبط انا لا ترووح بعيد انا صارت لي
وغيرت الديلكو بكبره لأني كرهت القديم ههههه
والحمد لله ماغيرت أشياء واجد لأن عندي شوي خبره بالجمووس ومشاكلها
مشكو اخوي على التوضيح الأكثر من الرائع