ارجوا المساعدة

[hazza212]

بســــم الله الرحمن الرحيم السلام عليكم ورحمة الله وبركاته
اخواني الاعزاء ارجوا منكم المساعد00000
انا املك سيارة تاهو موديل2007 وظهرت لي بعض الملاحظات
1- لمبة المكينة الموجودة بالطبلون استمرت شغالة بدون اي كتابة تظهر في الكمبيوتر
2-لمبة الايباق الخاصة بالسائق ايضا استمرت شغالة ويظهر عبارة يجب تصليح الكيس الهوائي في الكمبيوتر
3-لمبة فحص الكفرات استمرت شغالة ويظهر عبارة يجب تصليح جهاز مراقبة ضغط الاطارات في الكمبيوتر

شاكر لكم تعاونكم وجعله الله في موازين حسناتكم

[(( ذيب وراط ))]

شيك فالوكاله ..@@ << ع طوووووول حتى لو أنه مشى أكثر من الضمان
بالنسبة للملاحظه رقم 3 تظهر دائماً لأصحاب اليوكن والتاهو ..

ملآحظه رقم 1 .. تأكد منها لأنها تولع ع اي شي بسيط ..

[شيفرولية]

واذا مالك خلق تروح الوكاله .. <<= مثله

افصل اصبع البطاريه .. وخلها شوي .. وانت فاصل اصبع البطاريه رح وطق سلف عشان تفرغ الكهرباء كامله ..

بعدين ارجع ركبها .. واتوقع بتختفي ..

تقبل مروري

[المركاز]

هلابك اخوي hazza212
بالنسبة للمشاكل اللي في سيارتك صارت معي سبق وان تهورت وشريت تاهو 2007 من دبي اوكي المهم شغلته مكان فيه اي لمبة تولع ويوم طلعنا من الحدود للسعودية ولعت اللمبات طبعاً شيء طبيعي ارتفع ضغطي الشاهد وديتها وفحصتها بالكمبيوتر وقالوا لي يوجد حوالي 5 كمبيوترات في التاهو وهي مستقله عن بعضها يعني الاير باك حقت الحزام شريتها من التشليح بـــ 600 ريال بعد الطقاق وبالوكاله 1685 ريال شريت كمبيوتر بدي 800 شريت حساسين حقة الكفرات وآخر شي وضبت القير بـــ 4000 ريال شفت الحظ وانا واخوك الحمد لله على كل حال المهم اتضح لي انه السيارة كانت غرقانة واحترقت كل الحساسات لذلك اتوقع مشكلتك كلها حساسات ولا تتأكد إلا من فحص الكمبيوتر بــ 100 ريال شفهم في ورشة البيان صناعية القديمة والله يعينك وانشاء الله ما يكون الا كل خير ،،،