الفزعه يالنشااماا الفزعه!!

[بو جماس]

السلام عليكم ورحمة الله وبركاته
بدايه هذي اول مشاركه لي وان شاء الله افيد واستفيد وان شاء الله تقبلوني صديق علما بأنه محد يتحملني بالاسئله بشكل عام بالمنتدياات وما اجي الا معاي مشكله يبيلها حل ارجوا انكم تقبلوني صديق ومنكم نستفيد واعرف عن نفسي
اخوكم سلمان من الكويت الموتر:جمس حجم المكينه:350 الموديل 85 النوع: مصفح
================================================== =======
الشي الثاني انا طالبكم وداخل عليكم عندي الوالد الله يساامحه من اسبوع ناشب لي يبي يحول الموتر وايت حق الغنم اقول له يبن الحلال دور لك موتر ثاني وايت جااهز قال ليه وموترك موجود والصراحه توهقت وهذا الوالد يعني هو الي شاريه لي علما اني ادرس اداوم عليه وارد ومبتلش للحين وابي منكم يالنشاما حل واسف شديد الاسف على الاطاله ولاهنتوا,,,,
بو جمااس

[بـلـيـهـان 1]

( وقضى ربك ألا تعبدوا إلا أياه و بالوالدين إحسانا )

حياك الله معنا اخوي بو جماس ويا مرحبا و مسهلا في ناديك نادي عشاق و ملاك الجمس و الشفر الحوض .

مابعد كلام الوالد شي ، اتبع كلامه وسوف تجد مايسرك

رضا الوالدين أهم و الله من الجموس و من جابها

ولابارك الله في جمس يلهي عن رضا الوالدين

خلك على كلام الوالد عسى الله يخليه لك أفضل لك ،. و الصبر مفتاح الفرج

الصبر كالدواء..تجرعه صعب .. و ثماره طيبه

وخل الزم ماعليك رضا والديك

و الجمس الله يعوضك بأحسن منه و ان بغيتنا ندور لك ابشر و الله بعزك شعارنا المساعده هنا ..

بالتوفيق ان شاء الله

[بو جماس]

السلام عليكم ورحمة الله وبركاته
امري لله بكرا ابشره واقول له
يالله وهذا الجمس وراح ما اقول الا قدر الله وما شاء
فعل ويعطيك العافيه على الترحيب الطيب
وتسلم ما تقصر فيك الخير واذا انت راعي الجمس
العودي هذاك فا عز الله انه موتر وانا من اشد معجبيه ياطويل العمر

[بـلـيـهـان 1]

السلام عليكم ورحمة الله وبركاته
امري لله بكرا ابشره واقول له
يالله وهذا الجمس وراح ما اقول الا قدر الله وما شاء
فعل ويعطيك العافيه على الترحيب الطيب
وتسلم ما تقصر فيك الخير واذا انت راعي الجمس
العودي هذاك فا عز الله انه موتر وانا من اشد معجبيه ياطويل العمر

حياك الله يالغالي و هذا هو الفعل الصحيح بارك الله فيك و أثابك على قدر صبرك بارك الله فيك و العودي انت قصدك ال79 ايه نعم لي الي بالتوقيع بس بعته عسى الله يهني راعيه ..
بالتوفيق ان شاء الله

[مطلق السلمان]

حياك الله بالنادي وتشرفنا بإنضمامك وما بعد كلام أخوي بليهان كلام ما قصر كفا ووفا.

[بو جماس]

السلام عليكم ورحمة الله وبركاته
اي والله موتر ماشاء الله عليه
+++++++++++++++++
ويا هلا فيك اخوي مطلق السلمان
اتشرف اني اتعرف على خبير بالكلاسيك
مثلك وشرواك طال عمرك ومن خبرتك
نستفيد اخوك بو جماس

[78 سنايدي 79]

وانا ما ازيد على كلام اخواني كفو ووفو
وعلى ماقال اخوي بليهان اصبر وتبي تلقى اللي يسرك

والله يحييك بهالمنتدى بين ربعك واخوانك

وكل اللي اقوله الله يوفقك ويسهل امرك

مع تحياتي ...

[بو جماس]

يا هلا فيك اخوي سنايدي وان شاء الهل اكون خفيف عليكم وشكرا على الترحيب
لاهنتوا جميعا

[بن غييثات]

قال رسول الله صلى الله عليه وسلم (من ترك شيئاً لله عوضه الله خيراً منه)

[ابو شكمانين]

حيك الله بين اخوانك وانا اوايد كلم بليهان ....قال رسول الله صلى الله عليه وسلم (من ترك شيئاً لله عوضه الله خيراً منه)

بس في حل ثاني خل موترك عندك واشتر موتر عدي خل حق الغنم ........وتقبل تحياتي...

[G M C BLACK]

خل الجمس للوآلد

وانت اشتر وآحد اذا عندك امكآنيهـ

[سرآب]

حياك الله اخوي سلمان بين اخوانك وربعك ..


والساعه المباركه الي شرفت فيها محلك الثاني ..


وانا مع اخوي بليهان ..

رضا الوالدين فوق كل شي ..

والجمس غيره جموس

وان شاء الله بتلقا الي احسن منه ..


ويامرحبا بك بين اخوانك ..


اخوك / سرآب ..

[اسد 8100]

الله يعوظك خير واحسن ماسويت وان كان عندك امكانيه اشتر جمس ثاني وخذه لك

[بو جماس]

السلام عليكم ورحمة الله وبركاته
يعطيكم العافيه على الردود الجميله والحمد لله الامكانيه موجوده
ولله الحمد وابوي عطيته الجمس مالي وحوله وعوضني ما قصر
يوم شافني زعلت شوي عطاااني مبلغ وقدره ههههههههههههههههه
ولاهنتوا جميعا