ابوناصر
05-13-2009, 12:27 AM
السلام عليكم و رحمة الله وبركاته
كيف حالكم يا اعضاء هالمنتدى العزيز ؟؟ ان شاء الله بخير
انا الصراحه اللي خلاني اكتب هالموضوع كثرة كلام الناس عن سوق السيارات بأمريكا وسمعت ناس كثير يبون يجيبون سيارات من امريكا او يفكرون و طبعا السيارات هناك على كيف كيفك وخصوصا لعشاق الجمس و الشفر الحوض وبغيت بس اعطي فكره عن التكاليف اللي ممكن تواجهك بجيبة الموتر من هناك وطبعا انا لي خبره بهالموضوع لانه الحين موتري توي جايبه من امريكا وهاذا ثاني موتر لي اجيبه من هناك وبنفس الوقت اعرف واجد من اللي يجيبون مواتر من هناك ومن ظمنهم خوالي ولهم معرض معروف بالرياض من صالات بيع الاستعمال الامريكي الزبده انا ابقول لكم التكاليف على شكل نقاط وان شاء الله ان الكل يستفيد منها واذا فيه اي ملاحظات او اي اضافات يا ليت يعطينا اياها :
1- اتعاب اللي بيروح ويفحص لك الموتر هناك ويشتريه ويشحنه لك وهاذي بالعاده تكلف من الـ 1000 الى الـ 700 دولار
2- الشحن : وطبعا اسعار الشحن الحين طايره وبيكلفك اقل شي 1200 دولار كذا هاذا اذا كان اللي شاحنه لك سنع وراعي سيارات وبيشحنه لك بكونتينر مع سياره ثانيه عشان يقسم سعره بينكم ولا ممكن توصل الى الـ 1600 دولار ويصير شحن على ظهر السفينه اللي يسمونه رول ان رول آوت.
3- الجمارك والموصفات والمقاييس : الجمرك عندنا 6% طبعا من سعر الموتر بس لازم تحط دبل طبعا هالميزانيه بس للجمرك والمواصفات والمقاييس لانها كثير منها بتروح اجور تعقيب وتخليص من المينا و الى قبل مصاريف وسطحه ومدري ايش وما انصحك ابدا انك تحاول تخلصها بنفسك لانه شغل المينا كله وصخ و معقد وما يعرف له الا المعقبين .
4-المرور والفحص والتأمين : وهاذي بتكلفك تقريبا 2000 ريال كذا وطبعا تختلف على حسب تأمينك وعلى حسب اسعار السطحه اللي بيشيل لك الموتر للفحص وبيرجعه وزياده على كذا ممكن بعد تخلي معقب يخلصها لك .
5-صيانه : طبعا خل ميزانيتك للصيانه اقل شي 2000 ريال حقت صيانه بسيطه للاشياء الاستهلاكيه وطبعا كلها بتلقاها قاضي عمرها خذها مني وهالاشياء زي زيت المكينه وسيفون وزيت القير و فلتره وفلتر بنزين و فلتر هوا وسيور وقماشات ويمكن خرط او تغيير هوبات بعد و على الأغلب يبي لك طقم كفرات جديد لانه اكثر الاحيان تجيك الكفرات محلل ابو ام امها و بعض الولايات بعد يبي لك بلف حراره و ممكن تزيد مروحة مكيف او تغيير اديتر و تعبئة فريون و طبعا ممكن يطلع اي شي استهلاكي زي صلبان عامود الكردان او جلد مقصات او جلد بدي اشياء زي كذا ما ادري ليه الامريكي لازم تطلع فيه اشياء زي كذا .
يعني اللي يبي يجيب موتر من هناك لازم يحسب حساب هالتكاليف واكثر الناس اللي اول مره يجيب موتر يستبسطها واذا جاب موتر من هناك انصدم
الزبده هاذا الموضوع من اجتهاداتي الشخصيه وكل انسان يغلط يعني ياليت اذا فيه اي ملاحظات تعذروني عليها و وتذكرونها او اذا فيه اي اضافات بعد ياليت تذكر وان شاء الله انه بيفيدكم وهالموضوع تراه لعيون راعي وشيقر لاني خابره يحبرش بهالامور :p
كيف حالكم يا اعضاء هالمنتدى العزيز ؟؟ ان شاء الله بخير
انا الصراحه اللي خلاني اكتب هالموضوع كثرة كلام الناس عن سوق السيارات بأمريكا وسمعت ناس كثير يبون يجيبون سيارات من امريكا او يفكرون و طبعا السيارات هناك على كيف كيفك وخصوصا لعشاق الجمس و الشفر الحوض وبغيت بس اعطي فكره عن التكاليف اللي ممكن تواجهك بجيبة الموتر من هناك وطبعا انا لي خبره بهالموضوع لانه الحين موتري توي جايبه من امريكا وهاذا ثاني موتر لي اجيبه من هناك وبنفس الوقت اعرف واجد من اللي يجيبون مواتر من هناك ومن ظمنهم خوالي ولهم معرض معروف بالرياض من صالات بيع الاستعمال الامريكي الزبده انا ابقول لكم التكاليف على شكل نقاط وان شاء الله ان الكل يستفيد منها واذا فيه اي ملاحظات او اي اضافات يا ليت يعطينا اياها :
1- اتعاب اللي بيروح ويفحص لك الموتر هناك ويشتريه ويشحنه لك وهاذي بالعاده تكلف من الـ 1000 الى الـ 700 دولار
2- الشحن : وطبعا اسعار الشحن الحين طايره وبيكلفك اقل شي 1200 دولار كذا هاذا اذا كان اللي شاحنه لك سنع وراعي سيارات وبيشحنه لك بكونتينر مع سياره ثانيه عشان يقسم سعره بينكم ولا ممكن توصل الى الـ 1600 دولار ويصير شحن على ظهر السفينه اللي يسمونه رول ان رول آوت.
3- الجمارك والموصفات والمقاييس : الجمرك عندنا 6% طبعا من سعر الموتر بس لازم تحط دبل طبعا هالميزانيه بس للجمرك والمواصفات والمقاييس لانها كثير منها بتروح اجور تعقيب وتخليص من المينا و الى قبل مصاريف وسطحه ومدري ايش وما انصحك ابدا انك تحاول تخلصها بنفسك لانه شغل المينا كله وصخ و معقد وما يعرف له الا المعقبين .
4-المرور والفحص والتأمين : وهاذي بتكلفك تقريبا 2000 ريال كذا وطبعا تختلف على حسب تأمينك وعلى حسب اسعار السطحه اللي بيشيل لك الموتر للفحص وبيرجعه وزياده على كذا ممكن بعد تخلي معقب يخلصها لك .
5-صيانه : طبعا خل ميزانيتك للصيانه اقل شي 2000 ريال حقت صيانه بسيطه للاشياء الاستهلاكيه وطبعا كلها بتلقاها قاضي عمرها خذها مني وهالاشياء زي زيت المكينه وسيفون وزيت القير و فلتره وفلتر بنزين و فلتر هوا وسيور وقماشات ويمكن خرط او تغيير هوبات بعد و على الأغلب يبي لك طقم كفرات جديد لانه اكثر الاحيان تجيك الكفرات محلل ابو ام امها و بعض الولايات بعد يبي لك بلف حراره و ممكن تزيد مروحة مكيف او تغيير اديتر و تعبئة فريون و طبعا ممكن يطلع اي شي استهلاكي زي صلبان عامود الكردان او جلد مقصات او جلد بدي اشياء زي كذا ما ادري ليه الامريكي لازم تطلع فيه اشياء زي كذا .
يعني اللي يبي يجيب موتر من هناك لازم يحسب حساب هالتكاليف واكثر الناس اللي اول مره يجيب موتر يستبسطها واذا جاب موتر من هناك انصدم
الزبده هاذا الموضوع من اجتهاداتي الشخصيه وكل انسان يغلط يعني ياليت اذا فيه اي ملاحظات تعذروني عليها و وتذكرونها او اذا فيه اي اضافات بعد ياليت تذكر وان شاء الله انه بيفيدكم وهالموضوع تراه لعيون راعي وشيقر لاني خابره يحبرش بهالامور :p