جمس كلاسيكي في غرفة العمليات

[مركب الجمس]

مساكم الله بالخير جميعاً

مرت أزمــه هواجيس الأيام الي راحت و خربطه بالنوم من التفكير بالاختيار اللون المناسب لجمس موديل 79 احمر ..

المقصد التجديد والحمد لله وفقت بلون مناسب احمر يخلطه قليل من الصفار :43503.imgcache[1]:

وعقب ماخلصنا من البويه قلت لازم اسوي للموتر تصفيــه .. الموتر مب صافي وتشغيلته توجع القلب اما اذا كان مشتغل وطفى و اشغل مضبوط .. بس الخلاف اذا الموتر بارد و شغلته يغثك .. ياليت تفيدوني بهالمشكله ..
وعندي مشكله و انا ماسك خط و السرعه 160 الأنوار و الطبلون يبدأ يلعب النور يضعف و يقوأ ..

ياليت يفيدونا اهل الخبره ..

ويعطونا نصائح للتجديد او للتشييك

[راعي شامان]

يامرحبابك يالغالي


ومايشوف شر الجمس

اخوي بالنسبه لتاخير دقّة السلف فهذا الديلكو يبيله وزن وبس

والأنوار ياسنايدي اتجه لكهربائي صنيااان يحل موضوعك


وسلامتك

[chevy c10 85]

هلا ومرحبا وجودك معنا اضافه لنا

ان شاء الله تفيد وتستفيد والاخوان مايقصرون بمعلوماتهم عن هالمشكله

مو كل تصفيه تضبط الامور معاك لازم واحد فاهم وخبره
البواجي اللي بموترك اعتقد هي المشكله يقولك ايسي ديلكو

اصلي ونكتشف انها فرنسيه

تاكد منها ويكون افضل لو تبدل مصفي البانزين اللي بالكابريتر وتتاكد من وزن الديلكو

من غلط الميكانيكي اللي يشتغل بالتصفيه وغيره هو وضع الكابريتر لقله الخبره وعدم فهمه المهم اخذ فلوس وبس



وتجده يضعه بوضع مقلوب او رفعه بطريقه خاطئه وهنيه المشكله يوجد داخل الكابريتر قطعه بسيطه الحجم اي تحريك لها اعتفس الكابريتر فوق حدر

وتبدا المشاكل اللي مالها اخر حتي وان كان جديد

وضعف الكهرباء عندك موترك محتاج ام اس دي نوع a6 وقبل تركيبه

عليك بفحص الدينمو وقوته


موفق خير عزيزي

[قريب الدار]

السلام عليكم

يوجد كهربائي (يماني) اسمه هـزاع في مدينة الدمام ، يمدحون شغله
عنوانه شارع المزارع - بجانب الدفاع المدني و البنك الأهلي - قريب من المستشفى المركزي
والله يوفقك

[هريسان]

يبيلك ياطويل العمر:
1- وزن الهواء
2- وزن الديلكو بالشرارة
3-تغييرفلتر البنزين بفلتراصلي وهذا مهم جدا
4- تغييراسلاك البواجي