صوت في الدفرنس الخلفي ( ثاني مره أغيره)....وش الحل

[Blazer_Lover]

أخواني الأعضاء الأعزاء

السلام عليكم ورحمة الله وبركاته،،،

طلع صوت حنه في الدفرنس الخلفي لبليزري 88 وغيرته بواحد كامل من التشليح بعد ما دخت إلين حصلت واحد نفس المقاس ( 41/13) والحمد لله راح الصوت ولكن بعد 3 شهور طلع الصوت في الدفرنس الجديد وصوته عالي مررررره .

وش الحل يا شباب هل أغير البنيون ويختفي الصوت واللى وش السواه؟؟؟!! :43610.imgcache[1]:

فيه شغله ثانيه ودي أستفسر من أصحاب الخبرة:
البليزر ما يتعدى 100 كلم في الخط هل المشكلة من القير أو من الدفرنس؟؟!!

تكفون أعطوني الحل لأن البليزر منوم في الورشة وبانتظار المساعدة في أقرب وقت. ( عندهم طلعة تطعيس الخميس القادم):43264.imgcache[1]:.


ودمتم بخير
Blazer_Lover

[MTC_959]

عزيزي الونه ناتجه عن عدة مشاكل
يحتاج وزن او توضيب
الدفرنش الاولي موجود عندك ولالا
لأن الثاني يفرق في النسب على كلامك يقفل على 100او ممكن مافهمت شرحك


فيه شغله ثانيه ودي أستفسر من أصحاب الخبرة:
البليزر ما يتعدى 100 كلم في الخط هل المشكلة من القير أو من الدفرنس؟؟!!
شلون يعني يحن الموتر وحده

[Blazer_Lover]

أخوي GMC FOR EVER
صوت الحنة من الدفرنس الخلفي والقديم أخذه راعي التشليح رجيع
الماكينة ما تحن بس أعطيه الدعسه كامله وموب راضي يتعدى الـ 100 كلم سواء بالكفرات الحجرية 35 أو الشواهين.

اليوم إن شاء الله بنفك الدفرنس ونشيك البنيون والله يعين.

مشكور أخوي على الرد وإن شاء الله وضحت المشكلة

وبانتظار أراء الأخوان والحلول

http://chevyhiperformance.com/techarticles/p115076_image_large.jpg

وهذي صورة توضح أجزاء الدفرنس للفائدة:

http://www.jeep4x4center.com/jeep-axle-differential-parts/images/cj7-cj8-dana-44-rear-axle.gif


Blazer_Lover

[مطلق السلمان]

أخوي بالنسبة لمشكلتك هل قبل لا تغير الدفرنش قصدي الدفرنش القديم هل كان حدة 100 كيلو في الساعة أو يوم ركبت الدفرنش الجديد تغير عزم الموتر.

[MTC_959]

اذا كان جوابك لا
ارجع لراعي التشليح وخذ دفرنشك والدفنش اللي عندك مجيم علشان انه مايسرع مكتوم

بعدين اذا موترك دبل لا زم الدفرنش اللي قدام نفس اللي ورى بضبط ولا بصير مشاكل مستقبليه اذا عشقت الدبل

[Blazer_Lover]

أخوي مطلق عزم السيارة مافيه مشكلة
المشكلة أنه في الخط ما يتعدى الـ 100 وخاصة مع الدفرنش اللي هالحين.
واللى القديم أرحم.

أخوي GMC FOR EVER والله أنك صدقت
تحس الموتر مكتوم في الخط واليوم باروح لصاحب التشليح والله يعين.

بالنسبة للدفرنش الأمامي أكيد لا زم يكون نفس الدفرنش الخلفي واللى راح تصير مشاكل :43698.imgcache[1]: .


بيض الله وجيهكم ماقصرتوا والقصد هو الإستفادة من آراء الشباب وتجاربهم ومشاركة الفائدة.

أخوكم:
Blazer_Lover

[Blazer_Lover]

السلام عليكم ورحمة الله وبركاته

أمس فكينا الدفرنس ولقينا رؤوس المسننات معدووووومه ولا زم يتغير البنيون والجرن ( الترس الكبير) وسعرها جديدة مع البيرنقات 1200 ريال .:43279.imgcache[1]:
الدفرنس اللي على البليزر الآن مقاس 41/13 و قريت أن مقاس 41/11 أفضل في العزم والخط .

والله إني محتار مررررره هل أغيره إلى 41/11 والا لا .
طبعاً لا زم أغير الأمامي مثل الخلفي . بس يقولون أن الأمامي غير البنيون من 13 إلى 11 ويضبط إن شاء الله.:013[1]:

وش رأيك يا شباب
البليزر في الورشه والقطع جاهزة ومحتاج مساعدتكم قبل لا أركب علما بأنها نفس السعر.

الفزعة يا أهل الخبرة


Blazer_Lover

[MTC_959]

الدفرنس اللي على البليزر الآن مقاس 41/13 و قريت أن مقاس 41/11 أفضل في العزم والخط .




Blazer_lover

عزيزي مستحيل يصير افضل في العزم والخط لانها علاقه عكسيه <<<متأثر برياضيات

اذا زاد العزم طلع في خط مكتوم يعني حق قومات وطلعات قويه وسحب
واذا قل في العزم ريح في الخط يعني يصلح اقتصادي

اذا بتغير حاول تسويه نفس اللي قدام لانك اذا غيرته عن القدام لازم تغير القدام بعد وتزيد المصاريف عرفت
واذا وضبطت الكارونه لازم لها وزن
علشان ماتون (تطلع صوت ونه)على سرعات معينه
المهم مدامك في الدمام سير وتقهوا وخلنا نشوف موترك يمكن نشترييه >>>>>يمزح
لاجد لازم تعرف الورنشه اللي تسوي الدفرنش لازم يكون شغلها مضبوط واذا عرفتها علمنا عندي قير جمس نبي نشيك علي مب عجبني

[Blazer_Lover]

حياك أخوي GMC FOR EVER ونتشرف بمعرفتك
والبليزر ما أحركه اللى الخميس أو الجمعة بس وغيرها مريييييييح لا شغله ولا مشغله :43714.imgcache[1]:

ومثل ما تفضلت إذا تبغا عزم لا زم تستغني عن السرعة
وإذا تبغا سرعة لا زم تستغني عن العزم


والميكانيكي إن شاء الله انه فاهم بس وزنية الكرونة صعبة واللى بيطلع صوت بعد فترة.


مشكور مرة أخرى


Blazer_Lover

[MTC_959]

حياك أخوي gmc for ever

والميكانيكي إن شاء الله انه فاهم بس وزنية الكرونة صعبة واللى بيطلع صوت بعد فترة.





Blazer_lover

مافهمت وش تقصد
الكارونه من اول 500متر او اول كيلو تقدر تحكم على الدفرنش

اما اللي يقولك تحت الضمان مدة اسبوع مايحتاج ولا بيطلع صوت بعد فتره لالا

ارسلي على الخاص محل الميكانيكي علشان اوديله موتري وشكرا

[البهبهاني المغترب]

السلام عليكم اخوي0
لضمان الشغل الصحيح لازم ترجع لمقاس البنيون الاول الي كان راكب على سيارتك وماشيبها صح والقيام بتطبيق نفس الرقم حتى لا يحصل تلاعب في سرعه الكوارين وبتالي يخرب القيير علشان كذا اتباع الاتي لضمان الشغل والاداء الصحيح :-
1- يكون مقاس الكوارين موحد الامامي مع الخلفي 0
2- تغيير رمان العكوس اي البيرنقات الامامي والخلفي0
3- تغيير طقم الصوف للعكوس الامامي والخلفي 0
4- التأكد من شيال عمود الكرنك هل فيه فضاوه ولا لا 0
5- تشحيم صلبات وعمود الدبل 0
وبعد اتباع ماذكرت بعاليه سوف تلاحظ الفرق ان شاء الله وتكون السياره اخذت الوضع الصحيح وعلى الوجه المطلوب حسب ما وردت من وكالتها0 هذا وتقبل تحياتي لك وجميع الاخوان0

[بن دريويش]

عطااك بو عبدالعزيز الكلام الطيب