مشكله الهدرز في البليزر موديل (88)الفززززعه

[الرباش]

السلام على جميع النشامى وهل الجموس
عندي مشكله حاستبي الدنيا بسببها .. انا البارح ركبت هدرز كامل للبليزر موديل 88 بس سوالي مشكله في الكهربا اتوقع الموتر الحين ما يلزم الدعسه الكامله ويقطع كثييييير .. قالي واحد من الشباب شيك على كيابل الفيوزات وشيكت ومازالت المشكله موجوده ... وراح عندي عداد الحراره ... الله يبلي البنغال وشغلهم والله يطول عماركم نبى الفزعه . للعلم اني من الامارات وعندنا مشكله في الورش اللي تفهم بالجموس وخصه القديمه .

[تيتشر]

يجيك ابو غازي ولا هان الجميع

[بن غييثات]

اخوي الرباش

المكينة الان مرتاحة وبتعطيك نفس كامل

الان بتبان عيوب الكهرب والبنزين عندك اذا فيهم مشكلة

كثير من البليزرات تحتاج تصفية بعد تركيب الهدرز

ومنها بليزري .. ركبت الهدرز وصار يقطع وانواع الهواش مع مصنع العتيبي احسب انهم سقطو شي في البستم اثناء التركيب .. لكن بعد التصفية وتغيير البواجي صار تمام

[chevy c10 85]

مثل ماقال ابو المثني بالاول جرب تبديل البواجي وسو تصفيه وان شاء الله تمام


اذا الهدرز عندك تفصال وماهو امريكي

بالتاكيد راح يتسبب بمشاكل واولها يحشر الكربون اللي يطلع من الماكينه

البايبات اللي بالهدرز طريقه توزيعها وضيقها تسبب صعوبه خروج الكربون وطريقه اللحام فيها غلط

اضف عليها القازقيتات مو موجوده نوعيه الحديد رديئه وخذ حراره عاليه ويصير كانه جمر وهذي لها سلبياتها



الافضل انك ترجع المانيفولت وتبدل اللي عليها

بهدرز اصلي يكون نوعه هوكر او هيدمان او تاخذ صناعته غير اامريكي بس يجي بنفس القياسات

واعتقد موجود بنفس المواصفات الامريكيه صناعه تايلندي

وطريقه لحامه افضل من شغل البنغال الاغبياء


موفق خير عزيزي

[ملكـ الشوارع]

نفس المشكله عندي بالبليزر ورحت اليووم وسوو لي وزن للديلكووو وقالوولي القزووز يبيلها وزنيه

[شفر 454]

هــلا بأهــل الأمــارات

شـــيـّــك على وايرات البواجي أكــيد أحرقتها

حرارة الهدرز بعــد ماركبتها

لأن الغالب يركب الوايرات زاويه طوليـه وهذا خــطأ

لابــد أن تركب الوايرات بزاويــة 90

تأكـــد منها ورد لنــا هنــا

قبـــل أي أجراء تصفيه أو تبديل البواجي

:43724.imgcache[1]:

[راع الحيزى]

السلام عليكم
ياغالي فيه اسباب كثيرة تحصل بعد تركيب الهدرز ومنها اللي ذكر اخوننا المميز ابن غييثات واضف عليها احتمالية ان احد وايرات البواجي احرقه الهدرز....ويمكن يكون البوجي نفسه يهرب كهرباء والشي هذا يحصل اذا الميكانيكي ركب الهدرز بدون مايفك البواجي ويكون جرح واحد منها اثناء التركيب.

ايضا احتمالية ان المشكلة تكون من البانزين طرمبة او صفاية او حت الكاربريتر بعد

عموما انت ابدا من الاسهل غير بواجي واسلاك بواجي و اوزن الديلكو .....واذا مازالت المشكلة موجودة شييك على الأمور الثانية

تقبل تحياتي

[عاشق z71]

الموديلات القديمه اذا ركبت هدرز لازم تغير معها طقم الاسلاك


لانها على طول تقرب او تحك من الهدرز

في اسلاك رياضيه معينه تجي معفوطه بحيث ماتحك بالهدرز


ثانيا : الحين الهوا خروجه عندك تمام عال العال


وبما ان المكشله ظهرت عندك بعد تركيب الهدرز مباشره

فاكيد في عندك نقص بالبنزين او الهوا او محتاج وزن ديلكو

شيك على طرمبة البنزين اولا واسلاكها

وشيك على فلتر الهوا لايكون مسدود او مجاريه فيها شي

اخيرا ف احد يتاكدلك من وزن الديلكو وانشالله امورك طيبه