صوت طقطقه في المكينة

[طلال]

السلام عليكم ورحمة الله وبركاته
السالفه ومافيها يالربع اني اخذت مكينة جمس صالون موديل 82 454 من زمان ما اشتغلت وشغلتها في موترها وكان اشتغالها ماشاء الله لاصوت ولا شي
وركبتها عندي على الحوض
وكان عندي الدزك والصحن محترقات والدليل اني اعشق الموتر وافك الكلتش واخذ شوي يالله يتحرك الموتر
المهم مشيت على السيارة مسافة ثلاثين كيلو تقريبا يوم هديت عند اللفه واسمع صوت طق طق طق طق طق اسمعه جهة الراكب او النص او جهة الراكب ماني قادر احدد من وين
والصوت يزود مع الدعسه تقول فاتح محل حدادة داخل الماكينة
وصلحت الدزك والصحن وزان التعشيق وبقى الصوت يطق طق
المهم اني مريت ورشتين قالو وزن بلوف وباقي الصناعة تقريبا عشر ورشات قالو ذراع البستم مدري ذراع العمود يعني فك المكينة وتوضيب

عاد انا داخل على الله ثم عليكم اللي قد صارت معه هالحاله لايخلينا
والله اني طقتني ام الركب يوم قالو توضيب
املي في الله كبير كودها ان شاء الله تطلع سهالات (الله كريم)

[chevy c10 85]

الصوت اللي عندك ذراع البستم

ان شاء الله يكون مو هو بس احتمال كبير ذراع

ومالك الا تصلح وتوظبه

[طلال]

افا
والله مشكله
يعني لازم توضيب كامل
الله كريم
مشكور اخوي chevy على سرعة ردك

[بندر]

لأازم تووووظب الله يكون بعوونكـ

[chevy c10 85]

الشكر لله عزيزي

نصيحتي لك ركب قطع غيار سليد باور الكرتون احمر باسود صناعته كندي ولا يختلف عن الاصلي بشي

ولاتنسي فرق السعر بينه وبين الاصلي هذا اذا كان في اصلي

مجربها وماكو احسن منها

والتكلفه مو اكثر من 1200

[ali 454 LS6]

أنا صارت معاي وكان السبب سبيكه

[البهبهاني المغترب]

اخوي لاتستعجل يمكن يكون البكره الاماميه اي الثقاله تراها تسويها ويطلع صوت كنه صوت تخبيط لاتستعجل على فك المكينه نصيحه الا بعد ما تشوف فك جميع سيور المكينه وشغل السياره وشف اختفا الصوت ولا باقي (بكره عمود الكرنك) قل ماشاء الله

[طلال]

الله لايهينكم يالربع ويبيض وجيهكم
طيب يالربع وش تنصحوني فيه
يعني
ابدا مثل ماقال اخوي البهبهاني المغترب بفك السيور وتشغيل المكينه او اوزن البلوف
انا بصراحه ودي اعرف كل الاحتمالات لعل الله ان يكتب لنا ولكم الخيره وتطلع سهالات
اليوم ان شاء الله بسوي طريقة اخوي البهبهاني المغترب
واذا ماضبطت باوزن البلوف
ياليت اذا فيه طرق ثانيه تفيدونا فيها
جعلها الله في موازين حسناتكم
وكل عام وانتم بخير بمناسبة قرب حلول عيد الفطر المبارك اعاده الله علينا وعليكم اعواما مديدة وازمنة عديدة

اخوكم طلال

[نسكافيه]

معليش انا تعقدت من الطقطقة

اذا صار صوت المكينة سليم مع الدعس يعني ماتنكر عليه بشي او تفته اللهم زيادة صوت الطقطقة

شف طرمبة الزيت

[طلال]

هلا اخوي نسكافيه
غير صوت الطقطقة ما نقدت على اشتغال الموتر بشي
بس يالربع صوت الطقطقه كانه صوت مطرقة (شاكوش) في حديد طق طق طق طق طق .... الخ الخ
انا ودي اسمع من الشباب اهل الخبرة قبل لاتفتح الورش ويستلموني العمال اللي مايخافون الله
تدري العامل يسوق البشاير على الخراب الله يكفينا شرهم
والله كلونا هالعمال
لاكن لا حسوا انك فاهم تغير كلامهم

[سوبربان]

هلا اخوى طلال

انا مارديت عليك الا يوم قلت كانه صوت مثل شاكوش
الطرق اللى تسمعه هذا اذا يزيد سرعته وصوته مع الدعسه
معناه تخبيط ولازم توضبه قبل لا تروح عليك الاعمده ( الكرنك والتيمن )
لاكن انت مر على ثلاث مهندسين اذا قالوا وضب وضب ويعينك الله

[سوبر]

هلا اخوي طلال ..
ما علمتناا وش صاار عليك .. وظبت المكينه ولا طلع شي ثااني ... افدناا الله يجزاك خير .. ؟

[طلال]

وظبت المكينه
وغيرت عمود الكرنك
وابشرك مشى الحال ولله الحمد

[محمد88]

وظبت المكينه
وغيرت عمود الكرنك
وابشرك مشى الحال ولله الحمد

السلام عليكم ورحمة الله وبركاته
أخوي طلال انا اليوم جاتني الطقطقه ونا على خط الجبيل وسئلت ورش بالجبيل وقالو توظيب ممكن تعطيني خبر عن القطع والورشة الزينه ولا عليك امر .

[متعب المعاميل]

الله يعينك اخوي

[صياد النسور]

والله انها جاتني قبل كذا في الدودج
الصوت معروووووووووووف
من عند باب الورشة يقولون لك عمود كرنك بدون ما يفك الكبوت أصلا
وتركتها فترة أمشي عليها بشويش
الى ان صلبت المكينة
ورحت بدلتها كاملة من التشليح:(