مشكله حيرتني تكفون ابي شوركم....

[الله يالدنيا]

السلام عليكم ورحمة الله وبركاته
يا اخوان انا عندي جمس يوكون 2001 امريكي
مقاس المكينه 1500
امس طلعت لي مشكله اول مره اشوفها وحيرتني والله
كانت السياره واقفه بالظهر تقريبا ساعه الا ربع
وكان المكيف شغال
وكانت حرارة السياره تمام قبل النص بشرطه
شوي الا طلعت وزادت ربع
قمت دعست بنزين نزلت الحراره طبيعي
شلت رجلي شوي الا رجعت الحراره ارتفعت

تكفون ياشباب علموني وش المشكله لانها مره مقلقتني

والله يعطيكم الف عافيه....

[chevy c10 85]

اسباب الحراره كثير

واحدي الاسباب

الهواء الحار اللي داخل الماكينه تقدر اطلعه بطريقه اللي هي

في هوز او لي صغير متصل بالراديتر للمطاره اللي تعبي منها الماي افصله لمده 5 دقايق من ناحيه الراديتر وارجع ركبه تلاحظ خروج الماي الحار و البخار بشكل ضعيف شوي


واثناء فتح الهوز افتح المطاره او العلبه البلاستيكه وعبها ماي وان شاء الله تنزل
الحراره عندك

صارت معاي وكانت فوق النص الحمدالله سويت الطريقه هذي ورجعت طبيعيه

والشباب فيهم الخير والبركه راح يعطونك الاسباب وطرق حلها


ان اخطئت من نفسي وان اصبت فمن الله سبحانه

موفق عزيزي

[الله يالدنيا]

مشكور اخوي الله يوفقك

ابي اسويها وانشالله تفيد

[ابوعقل]

وعليكم السلام ورحمة الله وبركاته

اليوكون اللي عندك

حجم مكينته 5300

غير ماء الأديتر ركب احمر اصلي خذه من الوكاله

واذا نفس المشكله ما تغيرت

ركب مراوح كهرب نفس مديل 2005 وطالع

((الله يالدنيا))

ان شاء الله يكتبونها كذا

[كبسولة 2]

تنسيم دائرة التبريد من الهواء

مثل ماقالوا الأخوان حتى يخرج ماء بدل الهواء

بعدها سكر الي وتنتهي المشكلة

[سلفرادو]

اذا الحراره مع الوقوف: شيك على تماتيك المروحه وطرمبه المويه لان الطرمبه بعض الاحيان ما تسحب ماء الا مع المشي هذا اذا كان مع الوقوف فقط
اما اذا كانت مع المشي: شيك على دوره الماء كامله ابدا بالرديتر والغطا بلف ليات اذا المويه ما تنقص
اما اذا المويه تنقص :شيك على غطاء الرديتر او تهريب من ليات ورديتر وطرمبه مويه
اتمنى اني افدك واذا كان فيه خطا ياليت احد الاعضاء يصحح لي

[دينالي تركوازي]

اتوقع والله اعلم
مثل ما تفضل اخوي سلفرادو تماتيك المروحه يمكن ما يعمل لان السياره وهي ماشيه تبرد على الرديتر لكن المشكله اذا وقفت والجو حار وش يبرد على الرديتر غير المروحه فاذا المروحه واقفه شي طبيعي بترتفع الحراره وبتوصل h
بالتوفيق

[(( ذيب وراط ))]

أفآدوك الشبآب .. :)