حل مشكلة ضعف الكهرب في الجمس لعيون ابوغازي الجزء الاول

[RPK]

ابشر يا ابا غازي ولقينا الحل الحمد لله لمشكلتك والموضوع ما خذه من منتدي قبل كم سنه وخزنته في الارشيف وسبحان الله توني اشوفه وبسم الله نبدء

قطعه كهربائية مهمة لبعض السيارات وهي :

الاسم : ستبلايزر
الوظيفه: تقوية كهرباء السياره عامة
بلد المنشأ : اليابان
أنا من قام بتركيب هذا الجهاز , وجربته على سيارة واحد من الشباب
وعندما اشتريته كنت أشك في النتيجه ,ولكن بعد التجربه أثبت العكس
هذي صوره للجهاز
http://www.cars-club.com/up/8-2-1/carsclub_21628445.jpg
يجي معه ثلاث وايرات صوره أخرى مع الكرتون

http://www.cars-club.com/up/8-2-1/carsclub_33591659.jpg

هذي صورته بعد التركيب

http://www.cars-club.com/up/8-2-1/carsclub_65686742.jpg

http://www.cars-club.com/up/8-2-1/carsclub_80811659.jpg

نأ تي الان للتركيب وطريقته :

1-تلاحظون القطعه النحاسيه في ثاني صوره نربط الوايرات فيها
2-نثبت الجهاز على الرفرف أو في مكان ما يجيه ماء (يعني عامله معاملة الفلتر)
3-وايراته ثلاث أطوال , أنت وموترك واحد في الشاصي وواحد في البخاخ أو الكربريتر وواحد في الدينمو
4-تنبيه هام : لا تتقاطع الاسلاك اللي جايه من البطاريه أما الباقي عادي
5- الاسلاك الاساسيه اللي جايه من البطاريه ماص وكهرب هن اللي لا يتقاطعن


انا شريت الجهاز من محل العليان اللي في خريص ، وهو يأتي بثلاثة أنواع
1- صغير ( كهرب وماص ) يعني ما فيه تأريض
2-زي اللي أنا مركب كهرب وماص ووايرات للـتأريض
3-زي الوسط بس فيه عداد كهرباء لمعرفة تعبئة الدينم
4-تلاحظون في الصوره الاخيره للجهاز سلك زي سلك سماعة المسجل هذا عندما تفتح الكبوت تولع لمبه زرقاء( للمهايط) في الجهاز ويجي معه الفاصل حق الكبوت
وينصح به للسيارات اللي مركب فيها مراوح ونور قوي (أي قطعه تسحب كهرباء ) وللسيارات عموما
لأن النور راح يفرق عندك وتبي تزين الامور
بس أهم شي أن الاسلاك اللي بتمددها من البطاريه لا يتقاطعن عشان المجال المغناطيسي

[كبسولة 2]

أشكرك أخي ربك على فزعتك ومساعدتك

للأخوان في المنتدى

شغلك مضبوووط و100 %

الجهاز هذا هدفه تأريض زيادة الكهرباء الواصلة للبدي

وبالتالي لجميع أجهزة السيارة الأخرى

مثل البخاخات وطرمبة البنزين والنور .... الخ لكي

تعمل بأكمل وجه وتستفيد من الكهرباء السارية

في السيارة وتريح الدينمو للفائدة مر على هذا الرابط

http://www.xtreme-sa.com/pages/ground.htm

لكن بعلمك حركة أحسن

من الجهاز وتوفر قيمة الجهاز

أبحث عن سلك التأريض تجده خارج من

السالب من البطارية للبدي

وقم بصنفرة الجهة التي متصل بها في البدي مباشرة

بورق صنفرة خشن

في مكان أتصاله وإذا أردت تغيره بسلك أكبر زي سلك

الأشتراك يعني تشعيرته كثيرة

يكون أفضل لسريان الكهرباء أكثر في جسم السيارة

أفضل لك وأرخص من شراء الجهاز

[RPK]

العفو وهذا الشرح للشباب بشكل عام والخطوه الي ذكرتها راح اشرحها في موضوع ثاني مكمل لهذا

[klash]

الف شكر اخوي rpk

فعلاً افدتنا الله يجزاك خير

بس عندي سؤال وانا اخوك

انت تقول الاسلاك لا يتقاطعن اللي جاية من البطارية ؟
مهب المفروض البلاستيك اللي على السلك يكون عازل ؟

[عز الطلب]

السلام عليكم اخوي
هل انه لجميع الجموس كلها عادي سوال امكن ما له داعي بس لتوضيح ههههه
هل لديه اضرار على الجمس
وكم سعره الله لا يهينك
تحياتي ومشكووور

[RPK]

لا ليس له اضرار ويصلح لائي سياره وسعره عند العليان 300 ريال المفروض انها تتباعد عشان المجال المغناطيس كما ذكر

[كبسولة 2]

الأخوان الي يسألون عن فائدة هذا الجهاز

هذا الجهاز ينفع للسيارات الي مركبين أجهزة إضافية على السيارة

مثل مراوح محولات كهرباء نظام صوتي كنود ماطور هواء

وقيمته 170 ريال فقط

وبأمكانك صنع جهاز زيه يدوي

تجيب أسلاك كهربائية شعرها كثيف مثل أسلاك الأشتراك

وتوصل من السالب إلى البدي واحد وتوصل واحد من السالب

إلى الجربكس إذا كان كهرب وأخر إلى رأس المكينة إذا كانت الثلاجة حديد

وصلى الله وبارك

[عاشق z71]

ابو مجحد يسلم راسك على هالشرح الوافي والخطير

انا اشهد انك بيظتها

الله يوفقك ويجزاك خير ويخليك لعين ترجيك


بالنسبه للجهاز مجرب وفعلا فايدته حلوه جدا

كانك تذكر موتر خالي هاك اليوم بالمسانده كان راكب عليه نفس الجهاز

وباذن الله بشتري واحد وبكتب طريقة تركيبه بالصور خطوه خطوه


اشكرك من الاعماق يالذيب

تحياتي لك

[بندر]

يعطيك العافيه

[RPK]

الله يحيك اخوي عاشق واتمنى انها تفيدك وتفيد الشباب ومشكور اخوي كبسوله2 على التعقيب والموضوع الي تكلمت عنه ترقبه في ترقبه في الجزء الثاني ان شاء الله

[نسكافيه]

مشكوووووووووور يابو مجحد على التقرير الحلو

بس هل هو فعلا يقوي؟؟؟

لان الجمس اذا مثلا رفعت الدريشة والدريشة اصلا مسكرة

تلاحظ ان النور يظظظظظظظظظعف

واشياء وااااااااجد

هل هو فعلا يقويها؟؟

[RPK]

ترقبوا الجزء الثاني ان شاء الله

[البهبهاني المغترب]

شكراً لك اخوي rpk على هل معلومه القيمه بس وانا اخوك الجهاز الى ذكرته حساس مره وبعض الاحيان اذا مشيت اكثر من 300كم وانت مركب نفس الجهاز رايح يصخن دينمو السياره لذلك رايح تضطر اذا بغيت تسافر على السياره لازم تولع النور علشان لا تزيد ضغط الكهرب على السياره فهمت اخوي وتدري ليش صنع هذا الجهاز لتوزيع الكهرب بدرجه 12 فولت اذا كنت بتسوي انوار اضافيه في السياره مثل كشافات وغيرها اي تساعد على تعبية الدينمو اما اذا كانت السياره لايوجد بها اضافات كهرب فلا داعي لتركيبه بل له اضرار جانبيه مثل :-
1- التماس ولاعه الدخان اي الكاويه 0
2- تلاعب الكهرب وتوزيع الخارج من الكمبيوتر بنسبه للسيارات الموديلات الحديثه 0
3- لو تستخدم الاشتراك وانت بتشرك لسياره اخرى على طول ضرب كتاوت الدينمو وسبب التماس كهربائي 0
فالنصيحه وهي عين الصواب وافضل من الجهاز وهي الاتيه :-
( تقوم بتركيب بطاريه اضافيه تقوم بتبريد الكهرب الدائر في السياره وكذلك تسحب الكهرب الزائد ويكون دينمو السياره مرتاح )
وفيه ناس يركبونها وهم مرتاحين والى تتبع كلام اخوي




لكن بعلمك حركة أحسن

من الجهاز وتوفر قيمة الجهاز

أبحث عن سلك التأريض تجده خارج من

السالب من البطارية للبدي

وقم بصنفرة الجهة التي متصل بها في البدي مباشرة

بورق صنفرة خشن

في مكان أتصاله وإذا أردت تغيره بسلك أكبر زي سلك

الأشتراك يعني تشعيرته كثيرة

يكون أفضل لسريان الكهرباء أكثر في جسم السيارة

أفضل لك وأرخص من شراء الجهاز


وهذ الكلام سليم 100% وهذا حرصاً على تعرض السياره للتماس الظفيره بأكملها والله يحفظ الجميع