أرجو المســــاعدة بأسرع وقت تكفون

[أبو سعد]

حيالله الأعضــــاء الكرام

وعشر مبـــاركه عليكم وتقبل منا ومنكم

أرجو أنكم تفيدوني عندي مشكلة في السلف وكل ما غيرته خرب والظــاهر المشكلة من الحذاف

ولقيت حذاف ويقول راعية بـ 900 ريـــال :( مدري هل هذا سعره ولا مبــالغ فيه

وناس يقولون أقلب الحذاف وخلاص

السيارة قير عــادي موديل 80 454 الي في التوقيع


وياليت تعلموني كم يكلف توضيب القير عندي كم ترس يبيله تغيير ؟؟؟

أتمنى تفيدوني بمــا هو مفيــد
ولا هنتو

[متعب المعاميل]

لا والله ماهيب قيمته

قيمته من الاربع ميه الى الخمس ميه اذا كان مستعمل ونضيف

اما الجديد مالي خلفيه عنه ابد

وتركيبه له طريقتين يا فك المكينه او تنزيل القير

وبالتوفيق

[أبو سعد]

متعب المعاميل لا هنت على الرد

هذا سعره 900 ريال من التشليح :( أنواع الاستغلال

بس ما عندك خلفيه كم يوضبون القير ؟؟

ولاهنت مره ثانية

[chevy c10 85]

كان عندي وانيت 82 مسنن غيار الثاني بالقير مكسور غيرته بحدود 400 ريال

والحذاف سعره مبالغ فيه حيل اعتقد اقل من القيمه هذي بكثير واللي قالك 900 نصاب وحرامي

[أبو سعد]

الله لا يهينك أخوي chevy c10 85

هذي المشكلة عندنا في التشاليح أنواع الأستغلال

بس ما علمتوني بأسعــار توضيب القير

وأتمنى تفيدوني لأني مستعجل بالأمـــر

[كبسولة 2]

سعر الحذاف أصلي أعتقد 800 ريال جديد بقراطيسة من أمريكا شحن

والتجاري الأمريكي في السوق 300 ريال

وتوضيب القير يكلف من 400 إلى 800 حسب الخربان عندك

[شيفرولية]

هلا اخوووي .. انا كان عندي نفس المشكله .. على كماروا عليه بق بلوك .. وغيرت له سلفين .. اخر شي طلع فيه مشكله بالكهرب

مايعطي كهربا كامل اذا جيت ادق سلف عشان كذا ينكسر .. وضبطت شغلها وغيرت الحذاف مره وحده وضبظت امورها ..

تقبل مروورري

[ابوعمشى]

انت متاكد ان الخراب من القير لان القيور هذي تحمل وقويه جدا شيك على الدزك والكلتش اول ترا لها صوت مزعج اذا كانت تجاريه
وش نوع خراب القير لاهنت

الاخ ابو سعد قير من التشليح مشروط ولاتوظب اذ القير خربان

[مطلق السلمان]

أخوي بالنسبة لأستفسارك عن الحذاف والسلف المشكلة في الأساس تكون من السلف إذا أنكسر يكسر مسننات الحذاف ويسبب المشكلة اللي أنت فيها حالياً.
بالنسبة لسعر الحذاف سبق أن شريت حذاف جديد بكرتونة gm قبل سنة تقريباً طبعاً مكينة ( 454 ) لأن 350 يختلف شريته طال عمرك بمبلغ وقدرة ( 880 ) ريال ، وراعي التشليح طماع واجد إن كثر 300 ريال وغالي بعد ولكن فيه طريقة أنت ذكرتها يعملها معظم الشباب وهي أنك تقلب المسننات الخاصة بالحذاف تنفك بالحاها وتقلبها وتركبها في الحذاف مرة أخرى يعني كل حذاف تقدر تستخمه مرتين والعملية اللي ذكرتها ما راح أتكلفك كثير ولكن الله يعينك يا تفك الغير أو المكينة ولكن فك الغير أفضل وأتمنى لك التوفيق.

[أبو سعد]

الله لا يهينكم جميع من شارك ورد وأفــــادني

تحيــــاتي للجميع

[أبو سعد]

انت متاكد ان الخراب من القير لان القيور هذي تحمل وقويه جدا شيك على الدزك والكلتش اول ترا لها صوت مزعج اذا كانت تجاريه
وش نوع خراب القير لاهنت

الاخ ابو سعد قير من التشليح مشروط ولاتوظب اذ القير خربان



الخراب أخوي أبو عمشى الريوس يفصل عندي يدق دقه أليمه

وإذا تخبر لي قير مشروط ومضمون على يدك دلني يا طويل العمر

ولاهنت يالغــالي

[مطلق السلمان]

أخوي أبو سعد إذا بغيت غير مشروط فيه أحد الأخوان عنده غيور مضمونة بإذن الله مشيكها بنفسة وشغالة 100 % ما فيها شي على الشرط ركب وإذا ما عجبك الغير ترجع فلوسك أو يعطيك غير ثاني إذا بغيت عطني خبر عشان أشوف السعر كم ولكن ترا الرجال في المنطقة الشرقية.