اهل البالون ظروري

[star 502]

السلام عليكم ورحمة الله وبركاته

كيف حالكم انشالله طيبين

نخش بالموضوع

ابي اسألكم عن البوالين وش احسن ماكسس ولا هيروو
وفيها رجه لاركبتها على ونيت جمس واذا سويت له ترصيص ارضي تروح

وسمعت ان البوالين لاركبتها على الجمس من قدام عقب فتره تخترب المساعدات

الكلام صحيح ولا لا

يعطيكم العافيه افيدوني تكفوووون

[بندر]

مكسس خفيفه بس ترى البوالين اتسحك بسرعه يعني ماتكمل معااك سنه

والسياام تاير احسن منهن كلهن

والترصيص انا دايم كفراتي بوالين بس مره ركبت دلوب

ارصصهاا عادي وفيه رجه خفييفه عند 120 بس

ومالها تاثير على المساعدات

[سعد بن محمد]

والله كانك تبي بالون خذ الماكسس وما جاك عندي

خفيف بالتراب ما شالله


واذا جات على المساعدات ما تخترب انشالله اعرف اكثر من واحد مركبها وماشية معة تمام

وانشالله الاخوان يفيدونك

[شيفرولية]

هلا اخوي .. بالنسبه للماكسس انا مركبها .. مافيها رجه ومرصصها ارضي عند العظيب .. وامشي عليها الطبلون مافيها اي مشاكل الحمدلله ..

مشكلتها وحده في البر لو تنسم فيها من الحين لين اسبوع قدام ماتفرش ..

الهيرو حسب علمي افضل .. وفيه اللي افضل منه اللي هو المالون .. بدو يجيبونه بالغرابي ..

تقبل مروووري .. اخوك شيفرولية

[star 502]

يعطيكم العافيه ونشوف باقي الاعضاء

[بعيد الهقاوي]

اخوي star 502

شريتلي موتر وعليه بوالين ما كسس

وثلاث شهور الا هي باين فيها انها بدت تتمسح بشكل سريع

واروح واركب هيرو

اول شي يسكب الموتر اكثر من الماكسس

بين الجنط والدعسه يكون الهيرو اعرض من الماكسس

واحس انه اخف من الماكسس مع ان البالون بشكل عام ثقيل

والحين لها تقريبا 4 شهور تشوفها كأنها جديده

ورحت عليها مشوارين للرياض في بدايه الحر طبعاً

يارجال اتكل على الله وركب هيرو

ودامك بالخبر رصصها عند مكي عند يماني اسمه قحوص

او رصصها في محطه الراسي مقابل مستشفى القوات المسلحه الجديد الي على طريق ابو حدريه

وان شاء الله تدعيلي

اسف على الاطاله


بعيد الهقاوي

[star 502]

لاهنت بعيد الهقاوي

بس توقع اسعار الهيرو على كم
والترصيص اسوي ارضي

[متعب المعاميل]

ياذيبآن

توكل على الله وركب هيرو ان كانك تبي البالون

وان طعتني .. ابعد عن البوالين

وركب شواهين مياجر رمليه .. التاير بـ 500

اشهد بالله انها تواير .. للبر وبالخط الموتر راسي .. وخفيفه

وابعد عن البالون ورجته

وبالتوفيق

[بعيد الهقاوي]

لاهنت بعيد الهقاوي

بس توقع اسعار الهيرو على كم
والترصيص اسوي ارضي


ولا انت يالغالي

والله انا ركبتها في الثقبه على 480 تقريبا ( والله اني ناسي )

لاني كنت محتار بينها وبين الشواهين الي زي شكل البالون سعر الوحده بــ 500

والترصيص اكيد ارضي

بعيد الهقاوي

[الاسطورة351]

البايلون في فصل الشتاء ام النكبات يضلع
قبل لا تحمي الموتر دق سلف وحرك قدام ولا ورا عشان ينكمش

الي يبيها كشخه على الموتر وفرفره على الازفلت الله لا يهينه يروح يسعر البيرنقات لانها من دون شك بتودع

غير الرجه وقابليته لا اي مسمار

ركبت بوالين كذا مرة بس خساره على الفاضي لانها تمسحعلى الزفلت بس في البر اوكيه

افضل شي الشاهين لانه اعرض وارسى في الخط ولا يغثك بالتمغاط

واهم شي انه مصمم زفلت ورملي ومنظره حلو

على العموم يكفي ان الانسان يقتنع بالشي الي يسويه ويفكر قبل لا يشتري


من عذاباتي انواع البنشر مع جنط الشنبر يقرص الستك والسوق للاسف مافيه لساتك اصليه
فتح بلوف في راسي

[بـن عـــايـد]

و الله انك صادق يا اخوي شفروليه انا عندي جمس بيك أب و كنت مركب كفرات شاهين و الله ثم و الله ما لقيت افضل منهم سواء بالبر او بالخط حلوووووووين مــــــررره لكن جاني حادث و غيرتهم و حطيت بالون ماكسس للتغيير فقط و بالبر ما تحس انهم يفرشون ابد تحس انك ما نسمت للكفرات لازم تجلس فتره تدربهم بالبر يعني تنفخ وتنسم يمر عليك شهر و انت على ذا الحال و يظبــطون معك لكن الرجه ما اعاني منها الا بالمطاب وبشكل عام الهيرو افضل من الماكسس و انا ما ركبت البالون الا عشان الشتا لأن طلعات البر كثــــــيره و ان جا الصيف ما راح اركب الا الشاهين و الله انا اشهد لـــه و تقبلوا مــــــــروري .

[بن بطاح]

بالنسبة يا طويل العمر للبالون انا سالت واحد من الشباب مجرب ماكسس وسيام تاير وسالته من مبدأ اسال مجرب ولا تسأل خبير قالي: انحش عن ماكسس وركب سيام تاير يقول هو اطلق نوع وانا ان شا الله بركب سيام بس باقي ادور لي على جنوط بالنسبة للسعر ما ادري والله

[هبوب الشمال]

لا تاخذ الاالشاهين صناعة يابانية واسأل مجرب

[مخاوي المطاليق]

ارشح الشاهين اكثر من البيلون

[VTC 3333]

شوف ياغالي

انا ركبت جميع الانواع اللي تخطر ببالك

وركبت الـ 16 والـ 17

السيام والماكسس والمالون وهو اخو الهيرو

افضلها واغلاها السيام ويطول مايمسح

الماكسس ميزته الارتفاع بس وشين ممشاه ونحيف ويخوف اذا بنشر والصراحه والله العظيم لو يجيني بلاش ماعاد اركبه

شريت طقم قبل فتره الاسبوع الـ 10 سنة 2010

وكنت طالع من ابها للرياض ومن فضل الله كنت ماشي على مهلي

بعد مامشيت عالسريع 400 كيلو بدا واحد من الكفرات يتنفخ ويطلع لسان الدعسه

لو كنت مسرع حبتين كان اعدم علي الرفرف




المالون والهيرو ممتازه جدا


وبعدين الجمس يحتاج كفر ضخم وعريض يعبي لك الرفرف

وهذي تلاقيها بالسيام والهيرو والمالون



في اجازه الحج ركبت طقم مالون 17 في دبي

ومشت عليه لين ابها ولازال راكب عندي والصراحة انا ارشح لك لكن مادري هل يجي منه 16

ومشيته لين الـ200

وماشكيت منه ماشاء لله تبارك الله حتى ممشاه رايق وخفيف


لكن الاهم الترصيص يكون كمبيوتر واذا ترصص ارضي عالموتر راكب عالهوب افضل وافضل ويكون عند واحد فاهم مو عليمي


بخصوص الشنبر للي يشتكونت من اللستك


فيه نوع شنبر تيوبلس واشوف عالم كثير ركبه ويمدحونه


لكن لوتركب البوالين على جنوط الـ السوبربان الـ2500



يطلع جنااااااااااااااااااااااااااااااااااااان


واي شي حاضرين للغالين