كفرات بحجم الحجريه بنقشة الشاهين __صور

[ابو مساعد]

السلام عليكم ورحمة الله وبركاته


كيف حالكم ياجماعة الخير


نبلش في الموضوع :قبل كم من فتره كنت ابحث عن كفرات حجريه وحصلت الكفرات الحجريه وطلعت مضبوطه على موتري ((البليزر)) بس شفت فيها ملحوظه انها بالرمال ماتنفع بالمررررررره يعني ثقيله ولازم تجي شاد عزم وتخلي الكفرات على عشره وقفلت معي قلت وش قلت الحيا ماتنفع الا في الجبال مع اني مااحب اروح يم الضلعان يعني نجد اغلبها رمال وطعوس يعني الامريكان عليهم شغلات يصنعون الى يتناسب مع بيئتهم وبعت الكفرات وشريت كفرات شاهين ماشاء الله تبارك الله توب التوب في الرمل شهادتي فيه مجروحه بس طلع شكل الموتر ماااش ماهو مثل اول يعني رزه فقلت ابي اشتري كفرات ثالثه بعد ماانتهت وراحت فيها الشاهين. وابي زي حجم الحجريات بس نقشتها رمليه ؟؟ تجي والا ماتجي قلت مالي الا الله ثم اخواني نادي ملاك الجمس هم الى بيسنعوني وانا احوس بالنت لقيت كم من صوره لو تجي منها على الموتري ااااف بتطلع ابداع بس وين احصلها

وهذي صورها: هذا على الدودج

http://www.cars-club.com/up/8-2-1/carsclub_54322158.jpg (http://www.cars-club.com/up)

وهذي على شاحنه بس نفس فكرة الكفر

http://www.cars-club.com/up/8-2-1/carsclub_33934184.jpg (http://www.cars-club.com/up)

ملاحظة: الموضوع متكرر في كذا موقع بهدف الحصول عليها بأسرع طريقه وشكرا .

[اسد 8100]

والله انا مثلك ودي باللي على الشاحنة واعرف معلومات عنه ووين تباع وان شاء الله ما يقصرون الاخوان

[شيفرولية]

مسيك بالخير يالغالي .. بالنسه للصوره للكفرات اللي انت حاطها .. مالك الا الباالون وفيه نوع معين اسمه (( مالون ))

طبعا نادر جدا جدا تلقاه بالرياض ومتوفر بكثره في الامارات وقطر .. وميزته انه اعرض من البوالين بجميع انواعها ..

ويفرش زي العالم والناس في البر .. او ركب هذا المقاس من الكفرات وبيعجبك باذن الله ولا راح يثقل عليك والمقاس
هو (( 285 70 17 )) عجزت اكتب الرقم صح هبل فيني .. وتقبل مروري

[(( ذيب وراط ))]

آآومآ المآلون .. عزززززز .. شفتهآ فالغرآبي عند محل إسمه مشلآن يجي على الغرآبي نفسه على اليسار .. محل كبير
الكفر شويه عليه عريض أتوقع عرضه 350 .. بآلون عريض بمعنى الكلمه

[ابو مساعد]

اسد 8100 شكرا لمرورك وربك يسهل ان شاء الله
بلاك z71 شكرا لك طال عمرك وماقصرت على المعلومه

ذيب وراط بيض الله وجهك وان شاء الله راح امر المحل

وشكرا لكم جميعا

[GMC79]

الاخ العزيز ابو مساعد

شكلك خلطت بين الرمليه والبالون

البالون نوع والرملي نوع اخر

البالون دعسته مقوسه ومقاسه محدود ما يجي اعرض من 255 وارتفاعه 90 اقصد المنتشر بالسوق وقليل انك تجد عريض اوكبير مع العلم اني قد شفت بالون 1100 وبالون 1600 ولكن نادرة جدا وماركات البالون دنلوب وماكسس وسيام تاير وسومو تومو وغيرها

ميزة البالون يرفع السيارة ويركزها واذا نسمت ما يتضرر جنب الكفر لان الدعسه مقوسه لكن عمرها قصير وخطيره على الخط وقت الامطار


اما الرملي دعستته مسطحه ونقشتها خطوط مستقيمه وتجي بمقاسات عادية مختلفه ومار كتها المشهوره شاهين ويجي دنلوب ويكوهاما وغيرها

[GMC454]

اما التريلات ذي سيرت علينا بالديره من عند ارامكو عشان تنقيب نفط هذي كفرها الواحد يجي عرض جمس يعني اغسل ايدك تركب علي موترك ادري اني حطمتك بس حتي اذا ركبتها وزنية الدركسون بتصير صغيره بس فيه الكفرات البالون الكبيره و عريضه بس ما توقع تلقاها بالسعوديه

[فيصل الخالدي]

سمعت عن بوالين رقمها 1000 مهب 900

10.00 على جنط 16

الييييييييم ومانزل الا فالامارات بس يبيلك القطع الي وريتك

[متعب المعاميل]

اشهد اني شفت لي بالون تاير على لوري من نوع دوج

نوع الكفر قوديير

الكفر يمكن طولي او اقصر بشوي

لاهنت يالطيب

[ابو مساعد]

ولا انت يامتعب المعاميل

[بندر]

هاذي بوالين

[MTC_959]

ماعليش مافهمت عليك