مشكله بالجمس افزعوا لي يالربع

[الهيام]

السلام عليكم ورحمة الله وبركاته

صباح الخير اخواني

عندي جمس 88 قطع 10 مع المكيف تكون الحراره على النصف واحيانا اكثر بقليل هل هي طبيعيه ام عندي مشكله
علما باني شفت الرديتر نظيف ولا فيه تسكير وكبير ايضا

هل هذا طبيعي ام عندي مشكله ارجوكم افيدوني

ولكم خالص الشكر والتقدير

[ابوعقل]

وعليكم السلام ورحمة الله وبركاته

ان شاء الله مافيه الا العافيه

بس سيخ الرديتر وحط ماء اصلي احمر او اخضر وغير الخراطيش اذا هي قديمه

[الهيام]

الله يطمن قلبك يا بو عقل

يعني طبيعي على النص مع المكيف

علما بأنه اذا احتر المس الخرطوش العلوي ألاقيه يابس شوي

ما ادري شو السبب

[مصلفدز]

شيك على بلف الحراره وكلدش المروحه

[امير بطبعي]

عندي الحل يلغالي حطلك رديتر المنيوم ونسى الحراره مرا ثانيه

تقبل مروري

[الغاطي]

انا عندي نفس موترك وكتبت موضوع عن مشكله الحراره عندي
هذا رابط موضوعي http://www.gmctruckclub.com/vb/showthread.php?t=1462
اخونا البهبهاني المغترب والاخوان ماقصروا عطوني جميع الحلول
من اهم الحلول الي قالها اخونا البهبهاني المغترب تغير راديترك الى راديتر المنيوم رصتين رقمه 730
وانا رحت لام الحمام عند اليمنه سيخت الراديتر وغيرت الخراطيش والحراره على الثلث مع المكيف
واتوقع ان الحراره اذا وصلت الثلث مع المكيف طبيعي
وانشالله اني افيدك بمعلوماتي البسيطه

[اسد 8100]

والله اتوقع انه فيه مشكلة لان ولد عمتي عنده حوض 454 ماشاءالله الحرارة ما تتعدى الثلث لكن شيك على الخراطيش واللديتر كامل من الخراطيش الى القربة ولا يكون فيه تهريب منا ولا منا

[الهيام]

اخواني بيض الله وجيهكم وماقصرتوا

عزالله وفيتوا وكفيتوا

راح ابدأ بالاسهل فالاسهل قبل اغير الرديتر . راح افك البلف اذا هو موجود وراح اغير الخراطيش وراح اسيخ الرديتر

واوافيكم بالنتائج لاحقا

مودتي

[بن غييثات]

شف معك المروحة .. اذا خمس ريش فغيرها بدون ماتشاور لسبع ريش حقت ابوشكمانين

وكان فاضي باتسر دقيت عليك وتخاوينا لحق الرديترات .. عندي نفس المشكلة وهاليومين اشتغل عليها

[الهيام]

مشكورين يا اخوان على هالتفاعل وسأخبركم بما يستجد معي لاحقا

دمتم بود