ياشباب طالبكم انا عندي مشكله بالمكيف

[بهبهاني 81]

السلام عليكم ورحمة الله وبركاته

ياشباب انا عندي مشكله بالمكيف كل ماعبيت فريون يروح

ورحت لم ورشه قال لي من الكمبريسر وقال غيرهـ ولا صلحه

المهم ياشباب انا ابي اصلح المكيف وسمعت ان فيه جموس مركبه كمبريسر جمس جديد

وابغى ارائكم ياشباب وش اسوي في هالمشكله الي له خبره يعلمني لاهنتوا

وعندي مشكله ثانيه في جنوط الشنبر ماتركب قدام وش السوات ابي حلولكم لاهنتوا

[chevy c10 85]

بخصوص الشنبر شوفلك واحد يحف الكليبرات اعتقد هذا اسمها عندكم
اللي علي الديسك ويركب معاك علي طول

يحاول يقلل سماكتها شوي بماكينه جلخ وماراح يضر نظام الفرامل

اما بخصوص التكييف تقدر تركب الكمبوريسر موديل جديد بس عليك تغيير القاعده اللي تثبت الكمبوريسر وتشتري الاهواز والمواصير معاه

تاكد من تهريب الاهواز وحاول تنظف الممرات البلاستيكيه داخل الطبلون واهم واحد اللي يجي

تحت الدركسون او العدادات وبدل المروحه اللي تجي ناحيه الرفرف الايسر ومتصله بالكابينه


سيارتي موديل 85 والكمبريسر اللي راكب 92 بس مبدل القواعد

وحولت البكرات من ثلاث سيور الي سير واحد

ولله الحمد التكييف تمام

[شفر 454]

[quote=بهبهاني 81;24739]السلام عليكم ورحمة الله وبركاته

وعليكم السلام ورحمة الله وبركاته


مشكله بالمكيف كل ماعبيت فريون يروح


عنــــدك تنســيم في
_ إحـدى الليــات ..
_ الثلاجــه شارفت على الهــلاك ...
_ الكمبرسور يبيلـه أصــلاح لأن ربلات الداخلـيه متأكلـه ...

وأذا كان دفعه قوي مايحــتاج تركب واحد ثانـي ..
أمــا أذا كــان دفعـه ضعيف فــلابــد من تغييره



وعندي مشكله ثانيه في جنوط الشنبر ماتركب قدام وش السوات ابي حلولكم لاهنتوا


الكليبــرااات عــنــد يبي لــهــا جــلخ وعنــد ورشــة بن مــرضـاح المعتـمــده للنــادي...




وأذا أحتجت شيء تراي موجود ..



أخوك / أبـوحــســـان ..

[بهبهاني 81]

مشكوورين على الحلول يالغالين ويعطيكم الف عافيه

الا بسألك ياشفر لاهنت توصف لي مكان الورشه

وكم التكلفه

[عز الطلب]

يعطيك العافيه
انا عندي تقارب المشكلتك
بس انا عندي الفريون تمام بس نقص شي بسيط يوم اشغل المكيف
ما يبرد مره هواء عادي تتوقعون وش مشكلتها

[بهبهاني 81]

يالغالي اتوقع ان المشكله عندك الفريون مو اصلي قد صارت لي وانا اخوك

صار الفريون صيني وفاشل غير الفريون وشف لايصير ينسم وان شاء الله تزين الامور