عضو جديد وعليمي ويبغا من يجاوب على اسئلته

[حمرين]

السلام عليكم ورحمه الله وبركاته

مساكم الله بخير يااخوان واسعد الله اوقاتكم بكل خير

انا قدر الله علي وشريت موترا ومااعرف عنه شئ ابد وعليمي بالحيل اخوكم يعني لا لي ولاعلي بتضبيط والترهيم والتعديل رجال اعرف اعشق دبل واصلح دله واشب نار واخارج نفسي في هالنفود

اول شئ الموتر جمس سييرا 1500 غماره ونص 2009

هل يركب عليه فصال دبل ؟؟ وش اسلم طريقه لرفع وجه الموتر كعوب ولا اركب له مساعدات ولا وش افضل شئ ؟؟


وش انسب جنط لمكشات والتطعيس الشكل لا يهم بالنسبه لي وهل جنط الوكاله جيد ؟؟؟

هل افضل لسياره في المدينه كستخدام التعامل مع زر الاتو في الدبل ولا زر 2 ؟؟ لاني المواتر الي استخدامتها من قبل مافيها اتو ؟؟

اذا كان هناك اي نصيحه حول السياره ارجو التكرم مشكورين بكتابتها

واقبلوني اخو جديد معكم في هذا النادي والله يقدم الي فيه الخير

[شقران]

اولاً حياك الله بين اخوانك ..

ومبروك ماشريت والله يعطيك خيره ويكفيك شره ..


انا قدر الله علي وشريت موترا ومااعرف عنه شئ ابد وعليمي بالحيل اخوكم يعني لا لي ولاعلي بتضبيط والترهيم والتعديل رجال اعرف اعشق دبل واصلح دله واشب نار واخارج نفسي في هالنفود

ماشاء الله عليك دام كل هذي مراجلك وش خليت ماعاد تبي زود ..


بالنسبة لأسئلتك يجاوب عليها اخواني ابوفيصل وراعي صملة لانهم مجربينها ومسوينها ..


الف شكر لك على تواجدك بيننا وياهلا ومسهلا فيك ..

[بندر]

مبروووووووك ماشريت

[جمس 4434]

يعطيك خيره ويكفيك شرره ونور المنتدى

[حمرين]

هلا بك دينالي
الله يعطيك العافيه ويبارك فيك

وانتظر الربع يفيدوني بلي عندهم

ابوك للجنه


بندر
الله يبارك في ايامك

جمس
جزاك الله خير وبارك الله فيك

[بن دريويش]

حياك اخوي بالمنتدى

اخوي خل الدبل على اخر نمره من جهة الدركسون او المقود تلاقي رقم 2 وسهم للاعلى خله عليه و اوتوبالرمل

اما رفع الوجه انا اقولك شل اللحيه اللي قدام تراها تفرق تقريبا خمس اصابع


وبس

[راعي صملة]

حياك اخوي حمرين


اولاً بارك الله لك في السيارة والله يعطيك خيرها ويكفيك شرها


ثانياً حياك عضو جديد في النادي ويسرني اصالة عن نفسي ونيابة عن كل اعضاء النادي دعوتك لتشريفنا وحضور الاجتماع الرابع لاعضاء النادي بكرة الخميس ان شاء الله 12/5/1430هـ


موضوع الاجتماع وتفاصيل اكثر عن الموقع تلقاها بالرابط


http://www.gmctruckclub.com/vb/showthread.php?t=4 (http://www.gmctruckclub.com/vb/showthread.php?t=4)


ما تحتاج تركب فصال الدبل سهل التحكم فيه حسب الحاجه اذا كنت في المدينه تخليه على 2


الاوتو من تجربة الاخوان انه غير عملي ...


اذا كنت في منطقة رمليه نسم كفراتك 15-20وحرك زر الدبل على 4 (سهم اعلى) الخانة الثالثة وهذا هو الدبل الخفيف و4 (سهم اسفل) الثقيل


الترفيع من الامام كعكات + تدبيل مساعدات امامية لثتبيت الوجه من الهز مع التحميل , ومن الخلف سست بلاضافة الى ازالة اللحيه


هذا اللي اقدر افيدك فيه وتراني عليمي مثلك بس ما قصروا الاخوان استفدنا منهم الكثير وعلى راسهم العارض (ابوفيصل)


على العموم شد العزايم واحضر الاجتماع وراح تشوف كل شي على الطبيعه


وهذا رابط لتسجيل حضورك
http://www.gmctruckclub.com/vb/showthread.php?t=164


دمت بخير وسلامة

[حمرين]

هتلر

الله يجازك الف خير ويرحم والديك

راعي صمله
بارك الله فيك

والله ماقصرت انا كنت مسافر لمنطقه الشرقيه اثناء الاجتماع لكن يشرفني الحضور في الاجتماع الجاي ان كانا من الحيين والله يعطيك العافيه ياخلفهم وانت ماقصرت وان شاء الله نشوف على الطبيعه في الاجتماع الجاي

[ابوناصر]

على البركه الموتر والله يعطيك من خيره ويكفيك شره وانا والله لي خبره بالجموس من 2007 وتحت اما الجديد اللي يجي مقصات ويايات ما لي خبره فيه ابد بس اللي اعرفه انه الياي ما يرفع الا بكعكات ولا انك تغير نفس الياي تجيب ياي اطول ولفاته اكثر واقسى وبالنسبه للحيه انا اشوف انه ما تفرق بالموتر اللهم اللي يفكونها اكثرهم بس خوفا منهم عشان ما تنكسر او انه يفكها بس شكل

وبالنسبه للدبل لا تركب فصال ولا هم يحزنون وخله بوسط الديره على 2 سهم فوق اللي هو دفع خلفي

وان شاء الله اننا افدناك وحياك و نتشرف والله بوجودك بيننا

اخوك : ابو ناصر

[حمرين]

حياك الله ياابوناصر والله يعطيك العافيه ولا يحرمنا منك ياكريم

[فيصل الخالدي]

الله حيه الله حيه

تفضل يالحبيب

بالنسبه للدبل

الاتو ماتستخدمه الا في 3 حالات بس

فالرمل اذا بتتندح براحه وتتمشى وانت منسم صدقني ماحلا منه

والحاله الثانيه فالمطر تعرف شوارعنا تنقلب صابون وقت المطر

الحاله الثالثه اذا انت في طرق متلويه وفيها تطلع وتزل تحتاج اكبر قدر من التراكشن خصوصا اذا محمل

بالنسبه للرفع موجود كعكات امريكيه ممتازه جدا جدا ترفع الموتر 5 سنتي من قدام ولا تضر السياره ابد شف هالسياره مركب عليها مع كعكات خلفيه بدال مايزود سسته


http://www.fototime.com/%7B6EA0C9A7-4D18-4883-9BAF-D8877928BB6D%7D/picture.JPG

http://www.fototime.com/%7BEF3D427A-BF81-465F-AC7F-0728660DEFE1%7D/picture.JPG

http://www.fototime.com/%7BE5176456-621F-4BD3-A31C-D09EF0B7AB75%7D/picture.JPG
وفيه هذي 3 انش قدام وستتين زياده ورا


http://i259.photobucket.com/albums/hh303/abrichford/My%2008%20Silverado/mylift011.jpg

http://i259.photobucket.com/albums/hh303/abrichford/My%2008%20Silverado/mylift022.jpg

http://i259.photobucket.com/albums/hh303/abrichford/My%2008%20Silverado/mylift023.jpg

بالنسبه للجنط ركب جنط جي تي المنيوم وخفيف او خلك بلد يعني غير هالجنطين لاتركب الا اذا وريتناه لان يمكن نسينا نذكر جنط او اثنين مناسبه للجمس


اما نصائح لايضيق صدرك من ناحية العزم كلها تربو ب20 الف ونت تطرح اقوى دينالي لو تبي كابرس بعد
هههههههههههههههههههههه

8888

يبي ينطق


لا ياحبيبي بس ركب فلتر وهدرز ودبه وبرمجه وكل هذي مع الي ذكرت لك ماتجي 5000 ويطلع موترك مايحتاج