تكفون ياهل الخبره ساعدوني...

[الله يالدنيا]

السلام عليكم ورحمة الله وبركاته

اخواني طالبكم ابي فزعتكم

عندي جمس 2001

وطلعت لي لمبة سيرفس انجن

رحت وسويت لها فحص بالكمبيوتر

وقالي المهندس ان المشكلة طلعت من طرمبة البنزين قلت له زين

لكن ما اقتنعت

رحت لورش ثانيه قالوا لي ان الطرمبة ماتولع لمبه

وانها اذا خربت توقف على طول واوقات ماتشتغل من اول دقه

مع العلم ان هاللمبة لها تقريبا 5 اشهر

والموتر يشتغل من اول دقه وما قد طفت علي السياره

تكفون ياهل الخبره اعطوني الحل

والله يجزاكم كل خير....

[تناهيت]

تجاهل اللمبة دام الموتر امورة زينة لا تحرك تبلش مثل ما يقولون ..........والطرمبة مالها لمبة وقل للمكانيكي كيف الحال الطرمبة لها صوت ونة او زنةةةةةةةةةةةة خفيف يروح ويجي مع الوقت ينذر بقرب عطلها ولا هوب دليل ايضا الله يكفيك شرها ......>على العموم شيك بواجي واسلاك بواجي لأني اعتقد ان موضوعك كهرب ولا تحرك تبلش ونا اخوك

تحياتي

[chevy c10 85]

خلها مثل ماهي هذا يعلمك ويقولك ان الدينمو بدء ينتهي انت وحظك شوف متي انا حصلت معاي اكثر من 6 شهور وللحين تمام واذا تعطل معاك ان شاء الله بعد مده طويله بدل البوبرنق الديمنو فقط لا تشتري دينمو غيره
وتركبه
هذي الحركه صارت معاي علي الفورد فحصت السياره بنفسي فحص كامل مابين معي شي

روس البطاريه والوايرات والفيوزات وغيرها

وبالاخر طلع الدينمو وللحين علي السياره وماشي معاي

والميكانيكي اللي يقولك طرمبه هذا لوح حشاكم ولا يفهم

مثل ماقالك اخوي تناهيت تجاهل وانسي موضوع اللمبه

[سلفرادو]

هاذي قد صارتلي بلومينا وفحصت ولا بين شي
وسويت تصفيه كامله بواجي وبخاخات وثروتل وحساسات وصفايه بنزين وجميع الزيوت وفصل اصبع البطاريه السالب ربع ساعه وشبكته وراحت العلامه

[عاشق z71]

هذي عاديه << اذا ماشفتها مولعه اتظايق خخ

غالبا هذي اللمبه تكون من حساس الشكمان الي تحت . يكون جاي عليه كربون ويولع

ايضا من الدينمو اذا قرب يخرب . او فحماته منتهيه

لاتوسوس ولا تفكر فيها اغلب الجموس والعه ومامن خلاف

اذا حاب تتاكد افحص كمبيوتر وبيطلعلك العله بالتحديد


اخيرا : جرب افصل اصبع البطاريه السالب ورجعه احيانا تطفى ولاعاد ترجع تشتغل

[GMC.vortec]

انا كان معي كابرس اربع سنين مولعه الالمبه ولا فيها مشاكل


والحين لمبه الوانيت من يوم شريته وهي مولعه لها الحين ثمان شهور ماطفت والامور كلها طيبه


حاول انك تنساها

[الله يالدنيا]

والله اني اقتنعت بكلامكم وبأطنشها
والحمد لله انه مو انا الوحيد اللي مولعه عنده
الله يريحكم ريحتوني والله
تحياتي لكم....