عطل في سيارتي غامض

[حجلان]

السلام عليكم

اخواني الاعزاء

انا امتلك سياره وانيت شفر سلفرادو غماره ونصف 4x4
بدأت لي مشكله مع السياره عندما
بدلت الماكينه من حجم صغير الى اكبر اي الى 6 لتر
المشكله الاولى وهي: اذا اردت ان استخدم الدبل في الرمل يطلع عندي صوت كأنه صوت جنزير الدبل وضبت الدبل ثلاث مرات والمشكله تتكرر وفوق هذا يطلع لي مسج 4weel drive need servic

المشكله الثانيه: قير الاتوماتيك بدأ يشكل مره يعمل صح ومره تقل سرعته ومؤشر السرعه تلاحظه مره يزيد ومره ينخفض

لذا اتمنى ممن يعرف حل لهذه المشكله يدلني لاني كرهة السياره وانا سوف اعرضها للبيع قريبا

لكم مني جزيل الشكر

[ابو خطاب]

هاذي يفيدك فيها نزار خبير التعديل والتزويد

[بندر]

نــزااار

[Nizar]

جاري البحث ...

ولاتنسون أبوسليمان Sierra Denali

[حجلان]

وينك

يانزار او ابوسليمان تكفون نبي الفزعه

تراني كرهة السياره بهذا السبب

السياره بالورشه صار لها مده طويله وهي على هالحال

[Nizar]

بسم الله الرحمن الرحيم


أولاً :
تبديل المكينة بحد ذاته ليس بمشكلة لأن القطع ( القير + المكينة ) تركب مع بعضها بكل سلاسة وهي متجانسة جداً .

ثانياً :
بحثت في موضوع 4weel drive need servic وبصراحة لقيت الموضوع متشعب وطويل ويصعب نقله بما إنه في مواقع مختلفة ، ولكن أقدر أعطيك زبدة الموضوع :
1 - نقص في زيت الدبل .
2 - نقص في زيت الدفرنس .
3 - أوساخ أو عطل في الحساسات المرتبطة بالدبل أو الدفرنس .
4 - درجة لزوجة الزيت المستخدم غير مناسبة .

ثالثاً :
ممكن مشكلة القير عندك لها دخل في البرمجة أو بحساس الضغط .
مشاهدة الصور (http://up3.m5zn.com/photo/2009/5/3/01/ha52qfmw6.jpg/jpg)

رابعاً :
لو سمحت تذكر لي المشاكل اللي ظهرت معك حسب الظهور بالترتيب .

نصيحة مهمة :
إذا صارت لك أي مشكلة بالقير أو بالدبل أو بالدفرنس مستقبلاً وكان فيه أجزاء مكسورة ما أنصحك نهائياً إنك توضب لكني أنصحك تاخذ مجدد مضمون من وورشة محترمة لأنه راح يريحك من مثل هالمشاكل البسيطة واللي بنفس الوقت تكرهك عمرك والسيارة ...

الله يخلف عليك بالصحة والعافية

[ابو خطاب]

الله لا يضرك ويزيدك .. يا نزار .. هاذي صورت الحساس .. اولا؟؟

[عاشق z71]

اخوي طبعيي جدا يصير الي حاصلك الحين
بالنسبه لمشكلة الدبل مادري عنها بالظبط والغريب انك وظبت 3 مرات ومافي فايده

اما قير السياره على 6 لتر طبيعي جدا يجاوب عندك

القير اساسا حق بلدها يادوب مستحمل المكينه الي هي حقت بلده 5.3 لان اسااسا القير هذا حق لومينا . وجيت انت ركب 6 لتر

ركبنا مكينه 6 لتر نفس مكينتك والي اليوم وحنا مشاكل مع القير مع العلم ان المشروع خلص له حوالي سنه كامله

وتوظب القير وتغيرت قطعه قرابة 4 مرات
حتى بالشفت كت ماينفع لذالك ظروري انك تركب قير محترم

اخر شي سويناه ركبنا مبرد زيت يجي طبقتين متباعده عن بعض الشي القليل وفوقها مروحة تبريد شد من الوكاله

وللمعلوميه حتى الكوارين احتمال تجاوب معك

لذالك مالك غير قير 2500 والله اعلم

[شقران]

القيور كلها نفس بعض ,,


اخوي ودي اسئلك سؤال الموتر لما تدوس لها اول شي تحس انه مكتوووووووم لين يتعدى ضغط المكينة تقريباً 2.5وبعدين ينطلق مضبوط ؟؟

وفيه سؤال ثاني القير عندك يفوت يعني ياخذ فاصل اعلاني بين نمره ونمره ؟؟

وياليت تقول اذا انك مركب اي قطع ثانية غير المكينة واذا مبرمج المكينة الجديدة او لا ووين مركبها لو تكرمت ..

وتحس موترك احياناً عزمة ممتاز واحياناً مافيه عزم ؟؟

ياليت ترد على اسئلتي وان شاء الله مشكلتك امرها سهل ..

[عاشق z71]

ابو سليمان الرجال يقولك مبدل مكينته من حجم اصغر الى حجم 6 لتر

والقيور الي تجي على السته لتر اكبر من قيور ال5.3 خصوصا ان حق 5.3هو نفسه ق اللومينا

[حجلان]

القيور كلها نفس بعض ,,
*- هذا الكلام مطابق ل هشام الملا

اخوي ودي اسئلك سؤال الموتر لما تدوس لها اول شي تحس انه مكتوووووووم لين يتعدى ضغط المكينة تقريباً 2.5وبعدين ينطلق مضبوط ؟؟
**- ابدا لما ادوس اشوف السياره تقوم بكل قوه

وفيه سؤال ثاني القير عندك يفوت يعني ياخذ فاصل اعلاني بين نمره ونمره ؟؟
***- هذه المشكله اللي حصلت بالضبط, (يفهي)

وياليت تقول اذا انك مركب اي قطع ثانية غير المكينة واذا مبرمج المكينة الجديدة او لا ووين مركبها لو تكرمت ..
****- انا مركب ريمير, ومركب الماكينه عند زميل لي ولاكن بأشراف المهندس هشام الملا
وبرمجة الكمبيوتر ايضا عند هشام, لما برمجناه ماكن فيه اي شي من هذا القبيل بس هذه الاعراض طلعت بعد فتره اي سته اشهر تقريبا

وتحس موترك احياناً عزمة ممتاز واحياناً مافيه عزم ؟؟
****- مالك لوا, العزم موجود الموتر مليان بس المشكله التشكيل, غيرت له حساسات.

ياليت ترد على اسئلتي وان شاء الله مشكلتك امرها سهل ..

[حجلان]

ايضا اضافه:

اما عن قير الدبل

لما استخدم الدبل واضغط على السياره في الرمل يطلع صوت شبيه بالجنزير او صوت فرقعه
كما ذكرت وضبت القير ثلاث مرات الى ان غيرت القير وايضا مجرد ما ان استخدمت الدبل يطلع عندي هذا الصوت

[شقران]

ايضا اضافه:

اما عن قير الدبل

لما استخدم الدبل واضغط على السياره في الرمل يطلع صوت شبيه بالجنزير او صوت فرقعه
كما ذكرت وضبت القير ثلاث مرات الى ان غيرت القير وايضا مجرد ما ان استخدمت الدبل يطلع عندي هذا الصوت


شف ياخوي انا عندي ثلاث احتمالات لمشكلتك وبعطيك اياها بالأسهل , ودامك خابر هشام الملا كنت لو عرضت المشكلة عليه افضل لك عموما حسب خبرتي المتواضعه ..

1. الطنجرة عندك صغيرة وتفوت على المكينة الاكبر حجم اللي جتها وهذا احتمال كبير يعني يكون يبغالك جنجرة رياضية او على الاقل طنجرة 6.0 والافضل طنجرة رياضية .
2. عندك مشكلة في برمجة القير تحتاج عرضها على الكابتن هشام مره ثانية .
3. عندك مشكلة في الكلتشات ولو صارت هذي صحيحة اقترح عليك تبدل رياضي وتركب له ترانز قو وشفت كت .
4. ممكن يكون الفلتر عندك وصخ وهذا احتمال صغير لكننا نحاول نشوف الاشياء الهينة اول حاول تفكه وتخليه بدون فلتر واطلع جربه .

بالنسبة للدبل :

اذا كنت تحس بصوت حديد يحك في بعضه فهذي في اكثر الونيتات الجديدة وعلاجها اغسل السيارة بستم ورشها زيت من تحت وحاول تشحم عكوس الدفرنش الامامي وفلنجاته وبتخف ان شاء الله واحتمال تروح .


واذا لك اي استفسارات اخرى انا حاضر .

[حجلان]

Sierra Denali

انا اشكرك من كل قلبي واشكر تفاعلك معي ومشورتك
ويضا كل من شارك برأيه او مشورته :d

ولا املك لكم الا الدعاء بالتوفيق وطول العمر وحسن العمل

وانا ذاهب ان شاء الله الى الكابتن هشام ان شاء الله هذا الاسبوع او القادم وسوف ارى ايش الحل :confused:

ابوعبدالله

[][أبـwgـاoـي][?]

آ?ذآ?ء كآ?ن آ?لمشكله عن قيرٍ آ?وٍتمآ?تيكـ، وٍ آ?لدبل مرٍيت على ترٍآ?يستآ?رٍ ؟
تحيآ?تي لكـ،

[ابوناصر]

الله يعافيكم يا اخوان ما قصرتو والله مع الاخ حجيلان وخصوصا اخوي ابو سليمان ما بقيتو شي حنا نقوله :p

و ياليت لو تعلمانا يا اخوي حجلان وش يصير معاك

اخوكم : ابو ناصر

[abduallah]

اخوي بالنسبه للدبل والقير اذا ما لقيت لها حل بوصف لك واحد بالصناعيه القديمه بالرياض ان شاء الله انه يفيدك لانه خبيييييييييير في القيور والدبلات وخاصة الجموس

انت رح له واشرح له وضع الموتر وان شاء الله تطلع بنتيجه منه

اسمه نبيل وهذا رقم جواله 0505266723
وصف الورشه :
وانت على الدائري الشرقي ووجهك جنوب (متجه لطريق الخرج) يجيك مخرج 17 تطلع المخرج وتلف يمين يصير وجهك غرب
تمشي لما تدخل في نفق وتطلع منه .. وأول اشاره تجيك بعد النفق لف يسار (تكون دخلت الصناعيه) وتمشي لما يجيك على اليمين مركز صيانه او ورشه (شي زي كذا) عليها لوحة البيان لونها ازرق على ما اذكر ... اول لفه يمين بعدها لف معها وبتجيك الورشه على اليسار اسمها الشامل ادخل واسأل عن نبيل


اتمنى اني افدتك

[نسكافيه]

ياشباب صلو على النبي

كلام عاشق z71 صح

وبالنسبة القيور زي بعض

شكلكم تحسبونه 6 لتر حقت الدينالي

لان حقت الونيتات قيرها غير 4l65e

ماعلينا

مشكلة الدبل ذي مرت على اكثر من واحد

الله والعالم انها ماتحملت لانك عطيتها مكينة اقوا

الحل ياطويل العمر افحص عند حقين القيور زي تراي ستار وطقتهم

ونصيحتي

ادخل ٣ محلات وشف النتيجة

لاني مره دخلت بالجمس مررررررررره خلاص بعطيهم يوظبونه الموتر رايحة كلتشاته

اثر مزاج الجمس مهوب زين كان زعلان علي هههههههههههههههههههههههههههههههههههههههههه

فصلت البطارية رجعتها كل شي تمام

من ناحية تعليق وماتعليق افصل البطارية ربع ساعه كذا وبعدين اشبكها وشف موترك

هو هوووووووو

المشكلة ميكانيكيه 99%