ابي ارفع سيارتي بدون ضرر

[G M]

السلام عليكم

يا شباب انا ابي ارفع السياره وتعبت وانا ادور شيء يكون بدون ضرر
موتري gmc 1500 دبل
وش تنصحوني

[مجنون السلفرادو]

بالنسبه لي انا رفعت السياره بمسمار من قدام

[سلمان بن محمد]

1500 ماله مسمار
المسمار في 2500

وانا من ناحيتي فصلت لي كعكات اماميه
وصار لها معي الحين فوق خمسه اشهر
ولا عندي اي مشاكل مع اني اسبوعين طالع لبر

واذا تبي اوصفلك محل يفصلها ويركبها لك مضبوط
ارسلي على الخاص

[G M]

والله حاولت اركب بس قلبي ما يطاوعني

[ابو باسل]

موترك غمارة والا غمارة ونص والا غمارتين .

[ماجــد غير]

والله حاولت اركب بس قلبي ما يطاوعني

هذا هو العقل .. لاتركب لا كعكات ولا هم يحزنون .. وتعدم عليك المساعدات والخ .. خليها وكالة احسن لك ..

[VTC 3333]

ركب كعكات ولايهمك

كل العالم مركبين ولاشكوا شي


لكن ركب عند واحد مضبوط

اذا تبي ادلك ورشه ترفيع بالرياض

وشغلهم اووووكي ابشر

[سييرا _2010]

كانك راعي بر ونفود
ركب كعكات لانك بتعاني بقوه

انا رفعته وماشي الحمد الله كويس

[risha]

تبي نصيحة واحد شبه اسبوعي بالنفود والبر
ركب مساعدات بلاستين ممتازه منها ترفع مقدمة السياره حدود 3 سنتم تقريبا ومنها تثبت وجهه مايطامر لونها يجي فضي وبالنسبة للخلف ركب بلاطه 4 سنتم مع مساميرها الأقواس وخلاص راح تشوف الفرق في الرفع

[sierra 4422]

انا رفعت موتري من قدام 4 سم ومن ورا 3سم ولا عانيت من اي مشكله ولله الحمد وسعر الترفيع كامل مع القطع 540 ريال

[G M]

والله مدري ما اقتنعت بالكعكات

[الرايق]

مالك إلا كت ترفيع تطلبه من برة

يمكن يكلفك أقل شي ١٣٠٠ ريال

يفيدك فيها فيصل الخالدي ويقدر يطلبها لك . . .