مشكلة شائعة في الجموس و حلها (طرمبة البنزين) ! ! !

[بانكر]

صبحكم الله بالخير اخواني




الحقيقه الصباح

يوم داومنا شفت نفسي شوي فاضي

قلت خذلك يابوعزوز طلة علي النادي

و بالصدفة لقيت موضوع لاخونا العضو

(( سلفرادو ))

منزل موضوع عن المشاكل اللي عنده في السياره

علي هالرابط

http://www.gmctruckclub.com/vb/showthread.php?t=145


المهم انه طرت لي فكره اني انزل موضوع عن مشاكل

السياره و الحل طبعا :)

ليش علشان الواحد اللي عنده مشاكل في السياره

ممكن يشوف المشاكل و حلولها من خلال العناوين حقت

المواضيع مو يدور في كل موضوع وش يتكلمون الشباب

فية و يمكن يجي طاري للمشكلة بالغلط و يلقا الحل بعد

عناء طويل في المنتدي و بدل ماينتظر الواحد الشباب لين

يقومون من النوم :) او يفظون و يردون عليه

-------------

ف نزلت الموضوع و عساه يعجبكم

ان شاء الله




و بالنسبة لمشكلة طرمبة البنزين حقت الجموس سمعت في احدي

الاجتماعات حقة الرابطة انه ممكن تركب طرمبة بنزين حقت

الفــورد ولا يمكن تخرب الا باذن الله




ارجو اني افدتكم اخواني باللي اعرفة :)

دمتم بحفظ الله




اخوكم

بانكر
بوعزوز

[Nizar]

الله يعطيك العافية ...

ياليت يفيدونا أكثر عن طريقة ترهيم طرمبة الفورد أو هي تركب مباشرة ؟

لأنها بصراحة معلومة حلوووووة ... :)

لأنه على حد علمي مافيه حل لطرمبة بنزين الكهرب إلا إنك ماتترك مستوى البنزين بالتانكي ينزل عن الربع ... وبكذا يطول عمر الطرمبة بإذن الله ...

[بندر]

على علمي ان فيه حل لطرنمبه بس خلوني افضى وانزل الموضوع

[الشفر الاحمر]

الاسبوع الماضي كنت بالرياض وعندي مصالح اقضيه وفجهءة طفت سيارتي عند اشارة العليا بمكتب الخطوط "بالمروج"
(الموتر شفر مرفرف م90)
ولا عليكم الطويله
من هنا وهنا رفض انه يشتغل والله وأقوم اصب بنزين تحت الفلتر عند الحلابات واقوم ادق والله وهو يشتغل وبعده طفى عرفت له وظربت التانكي بمفتاح العجل وأدق والله وهويشتغل ويجلس له يومين مبسوط
وانا قلبي ناقزني والله بعدمشورة رجالا طحاطيح ، قالوا ركب طرمبة vx-r والله والقاها اصليه بـ475ريال بصناعية الخليج/ودينسو ياباني"نفس الموتر "285ريال والله واركبها وادعس وانت مغمض أذانك واهما شي راحت الوزززززززززززززززز حقت الجمس

[سلفرادو]

الله يعطيك العافيه اخوي ما قصرت والله يكثر من امثالك
وبالنسبه لطرمبه البنزين ياليت احد يجي مجربها ويقولنا الطريقه بالتفصيل واسعارها وعند من رهمها وكذا يكون الموضوع كامل والكامل وجه الله ويثبت علشان الواحد على طول يحصله بدال ما ينتظر الاعضاء
مره ثانيه مشكور اخوي

[عاشق z71]

يلوموني فيك يابو عبدالعزيز

الف شكر لك يالغالي

[ابوناصر]

يا رجال غير فلتر البنزين كل 6 شهور تقريبا واحتياط حاول انك ما تخلي البنزين ينزل عن الربع وماعليك انا كنت اعاني من هالمشكله ولي سنين وانا مفتك خلاص اهم شي بس غير فلتر البنزين

[بن غييثات]

تسجيل حظور لانه عندي انفوي يقطع تقطيييييع

يمكن الاقي حل له معكم

[بانكر]

الله يعطيكم العافية يااخواني الاعضاء كلن ن ن ن ن باسموه :)

علي المرور الطيب و مشاركتنا بأراءكم و مشاكلكم لزياده المعرفة بين

الاعضاء و توسيع مداركهم في الصيانة و ايجاد الحلول :)

باذن الله بكره خلال الاجتماع الرابع <<< عقبال الاجتماع المليون ان شاء الله و عين الحسود فيها عود :)

راح نتطرق لمشكلة الطرمبة حقت البنزين بحضور الاعضاء ان شاء الله

دمتم بحفظ الله اخواني

اخوكم
بانكر
بوعزوز

[blazer_k5]

مرحبا ياشباب
بالنسبه لطرمبة الجموس اللي انا اعرف طرمبة اللاند كروزر vxr
زي ماقال أخوي الشفر الأحمر هي النسب


تسجيل حظور لانه عندي انفوي يقطع تقطيييييع

يمكن الاقي حل له معكم

مرحبا بن غيثات شحوالك ؟؟؟

أنا صارت معي مشكلتك في إنفوي 2004
وماخليت :
من فحص كمبيوتر وتصفيه وبواجي وفلتر بانزين ......!!!
وبالأخير طلعت المشكله من دبة التلوث , شلتها وإنحلت المشكله
انا أنصحك تفك دبة التلوث وتفتحها من الداخل وتشيل الشخالات اللي داخلهاوترجع تلحمها وتركبها .

[ابوعثمان]

اخوي الله يجزاك الجنه طرمبة البنزين حقت vxr تركب على جميع انوع الجموس والتاهو او بس نوع معين لأن طرمبة الجمس 454 ماتركب على كل الانواع

[بانكر]

مرحبا ياشباب

بالنسبه لطرمبة الجموس اللي انا اعرف طرمبة اللاند كروزر vxr
زي ماقال أخوي الشفر الأحمر هي النسب



مرحبا بن غيثات شحوالك ؟؟؟

أنا صارت معي مشكلتك في إنفوي 2004
وماخليت :
من فحص كمبيوتر وتصفيه وبواجي وفلتر بانزين ......!!!
وبالأخير طلعت المشكله من دبة التلوث , شلتها وإنحلت المشكله

انا أنصحك تفك دبة التلوث وتفتحها من الداخل وتشيل الشخالات اللي داخلهاوترجع تلحمها وتركبها .



عشت و الله اخوي بليزر لا خلا و لا عدم

اخوك
بانكر:fjr72[1]:

[بانكر]

اخوي الله يجزاك الجنه طرمبة البنزين حقت vxr تركب على جميع انوع الجموس والتاهو او بس نوع معين لأن طرمبة الجمس 454 ماتركب على كل الانواع


يامن العافية و الله يابوعثمان

الله يعطيك العافية علي الافاده

اخوك
بانكر:43661.imgcache[1]:

[ابو خطاب]

الحل بطرمبة الجمس الكهرب فكرتين مجربات من بعض الاخوة وليس مني:

1- عمل فتحة بالبدي مقابلة تماماً لطرمبة البنزين ووضع جلده لها ومسامير وعازل لمنع دخول الصوت والحرارة حتى في حالة الرغبة في صيانة الطرمبة لا داعي لانزال التانكي.. ( مأخذين الفكرة من الالماني) .
2- تركيب طرمبة بنزين تعطي نفس مقياس فوة الدفع بوحدة ال psi وقد اجتمعت الجودة والقوة ورخص السعر في طرمبة بنزين المرسيدس ال 560 ومن مميزاتها قبل خرابها يظهر لها صوت زنه يمكنك من تغييرها قبل توقفها ( الماني عطي الله ) وضخها وضغطها يناسب المحركتات 5600 سي سي بخاخ . . وهي سعة المرسيدس ال 560 ونلاحظ ان هذه السعة مقاربة لسعة محركات الجمس الدارجة . بينما سعة محرك ال في اكس ار 4800 سي سي . . والفاصل هو ضغط الطرمبة ب PSI

[khattab]

مساكم الله بالخير

بخصوص مشكلة الجمس ( طرمبه البترول)
هذي المشكلة الاغلبيه يعانون منها
وانا صارت لي هالمشكلة كذا مره

[نسكافيه]

انا اتوقع انك تعبي ٩٥ وتغير صفاية البنزين في وقتها مع غسل التانكي وماتخلي البنزين تحت الربع

احس انه بيخلي الموتر طبيييييعي بدون مشاكل

والله اعلم

وبالنسبة لتغيير نوع الطرمبة الى حقت فكسار او فورد او باترول

هذي ما ارتحت لها ابد

واكيد لها حل

[عاشق الجمس 77]

موضوع مفيد
بس ياليت نتفق على حل
تقبل مروري

[طارق الحربي]

طيب كيف اعرف انها بتخرب قبل ماتوقف علي ؟

متابع لكم