فزعتكم يا رجال

[سلفرادو]

السلام عليكم
كيف الحال انشالله الجميع بخير
انا توني مشتري سلفرادو 2003 وارد امريكا وفيه كم مشكله وانشالله القى الحل عندكم
المشكله الاولى طرمبه البنزين فيها صوت كذا ززززز وكل ما زادت الحراره زاد الصوت وما ادري اغيرها ولا لا ووش الطرمبه البديل لها بما اني سمعت النها ما تجلس 6 شهور الا وهي خربانه وودي اركب وحده احتياطيه وش رايكم ؟
المشكله الثانيه الحراره اذا دخلت الصناعيه ودرجه حراره الجو فوق ال 45 ارتفعت الحراره على ثلاث ارباع واول ما اطلع من الصناعيه تنزل ولا ترتفع ابد
المشكله الثالثه الموتر متفكك من داخل انوااااع القرقعه
المشكله الرابعه المكيف اذا فصل الكمبرسر يتاخر علشان يرجع الين ما يصير ينفخ هوا حار بعدين يشبك علما اني امغير كمبرسر جديد
والموتر خبط قيره ودخلته عند شالنجر بالرياض
ياليت القى حل لهاذي المشاكل عندكم

[بانكر]

المشكله الاولى طرمبه البنزين فيها صوت كذا ززززز وكل ما زادت الحراره زاد الصوت وما ادري اغيرها ولا لا ووش الطرمبه البديل لها بما اني سمعت النها ما تجلس 6 شهور الا وهي خربانه وودي اركب وحده احتياطيه وش رايكم ؟





صبحك الله بالخير اخوي سلفرادو


الحقيقه انا معي نفس موترك بالظبط موديل و نوعية :)


و بالنسبة للطرمبة حقة البنزين سمعت في احدي الاجتماعات حقة

الرابطة.انه ممكن تركب طرمبة بنزين حقت الفــورد لايمكن

تخرب الا باذن الله


ارجو اني افدتك باللي اعرفة و انتظر شوي بس خل الشباب

يقومون من النوم


و اللي يفضي شوي من دوامة و راح تلقي الحلول باذن الله




اخوك

بانكر

بوعزوز

[بانكر]

المشكله الثالثه الموتر متفكك من داخل انوااااع القرقعه



حبيب قلبي سلفرادو

سجل عندك هذي الورش حقت تربيط و ان شاء الله

راح يحلون لك مشاكل القرقعة عندك في الموتر :)

014489918 يقالة الكردي في الصناعية

0552951319 و هذي ورشة تربيط امريكي

و فية بعد ورشة النويصر في الصناعية شغل مايحتاج

بس غالين و لا اعرف رقمهم يمكن احد الشباب يعرفة

و يضيف رقم النويصر علي ردي هذا لك :)

و فيه بعد بن مرضاح كذلك في الصناعية متخصص تربيط :)

نفس الشي ماعرف رقمة :(

و اسف علي الاطالة ياخلفهم :) و تقبل مروري

اخوك
بانكر
بوعزوز

[بندر]

أنشالله ايفيدونك الشباب

[سلفرادو]

ما قلتلي اخوي طرمبه البنزين وين اركبها وكم سعرها
الله يعطيك العافيه وما قصرت يا خلفهم
ونتظر باقي الشباب

[سلفرادو]

أنشالله ايفيدونك الشباب
ما قصرت يا الغالي

[عاشق z71]

شف شغلة الطرمبه في ناس كثير يرهمون طرمبة في اكس ار وفي موظوع لطيب الذكر بانكر يوظح شغله مقاربه هذي

اما شغلة الحراره فمتوقعه ونا اخوك وكانت عندي بموتري الاول

لذالك عندك حلين
اولا انكر تشيل المروحه الي على الكرنك وتركب مروحه كهربائيه مثل الموديلات الجديده وموتري حاليا التاهو مراوح كهرب وماشكي منه شي حتى بوسط الصناعيه بس موتري الاول مثل وظعك تماما بالصناعيه ترتفع فوق

والسبب ونا اخوك ان بالصناعيه يكون الموتر واقف والمروحه ماتدور بسرعه كافيه لكي تبرد

ولي طلعت من الصناعيه طبيعي تكون مشيت سرعه متوسطه فتدور المروحه بسرعه اكبر وبسرعه كافيه لتقليل الحراره والتبريد بنفس الوقت


الحل الثاني : انك تركب بلف حراره اقل رقممن الي عندك وحبذا تاخذ 65 واظف للبلف انك تركب مروحه اظافيه امام الرديتر

وانصحك بالحل الاول لانه فعلا هو العلاج <<< لاكن اذا عزمت ياليت تحط موظوع تستشير فيه عشان وقتها ادلك على النوع ومن يشتغلها ووش الخطوات الي تسويها

اما شغلة التربيط في كثير ناس تربط

النويصر حلو شغله ولاكنه غالي حيل

في واحد نربط عنده من قرابة عشر سنين
يقاله الكردي سعر مناسب وشغل رهيب


اما مسالة الكمبروسر صراحه اجهلها ولا اعرفلها ابدا

واي خدمه يالغالي حنا موجودين
دمت بود

[سلفرادو]

عاشق z71 ما قصرت يا الغالي
كفيت ووفيت الله يعطيك العافيه

[ابوناصر]

بالنسبه للمشكله الاولى : شف طرمبة البنزين لا تقعد ترهم لها ولا هم يحزنون غير حقت شد بلاده بس لا تغير الطرمبه كامله بس جب القلب للميكانيكي وخله يغيره لا يلعبون عليك لانه هي الطرمبه نفسها فيها عوامه ومدري ايش اشياء كثيره بس تلقاه كله سليمه ما تخرب واهم شي انك تغير معها فلتر البنزين وما عليك كل شي ان شاء الله بيصير تمام اسأل مجرب انا عانيت منها بس يوم عرفت لها بعدين ابد خلاص نسيتها بس اهم شي تغير فلتر البنزين لانه هو اللي يخرب الطرمبه اذا تسدد الفلتر وحتى يعدم البخاخات بس ان شاء الله ان بخاخاتك ما جاها شي وبعدين داوم على تغيير الفلتر كل 6 شهور كذا وحاول ان البنزين بعد ما ينزل عن الربع بالتانكي عشان تظمن ان الطرمبه ما تحتمي وعجل غيرها حاول بأسرع وقت لا تطول عليها عشان ما تحرق عليك الاسلاك والدنيا وعشان ما يجي البخاخات بعد شي

المشكله الثانيه : انت اول شي غير بلف حراره اذا ما ظبط زي ما قاللك اخوي عاشق مراوح بس ابدا بالبلف لان موضوعه مره بسيط ولا يكلف وبدون اي توليف

المشكله الثالثه : انا الصراحه مرت علي واجد مواتر متفككه وحوالت فيها لما قلت بس تروح اصوات وترجع اصوات لما صرت اسحب على امها وهاذا هو احسن شي وهاذا ترا من عيوب الامريكي سرعة التفكك بس ترا عادي هي مجرد اصوات تحسسك ان الموتر معدوم وهو عادي الا اذا طلع عندك صوت كايد شيك عليه فنصيحتي لك لا تسوي فيها شي لانها تكاليف على الفاضي

المشكله الرابعه : الصراحه انا هاذي المشكله اتوقع ممكن يكون لها اكثر من سبب بس انا مالي ذيك الخبره بالتكييف بس اتوقع انه بس نقص فريون لانه هاذا ممكن يصير مع نقص الفريون والله اعلم ان شاء الله الشباب يفيدونك بهالخصوص

الله يعيينك وعلى البركه الله يطعمك من خيره ويكفيك شره يارب

وعلمنا وش يصير معك بعدين

[ابو خالد]

السلام عليكم كيف حالك بالنسبه للطربه اخوي سلفرادو زي ما قال اخوناعاشق طرمبه في اكس ار انا مجربها كان عندي سوبربان 98 وهبلبي كل شهر شهرين طرمبه وقيمتها حوالي 800ريال غير التركيب نصحوني بورشه بصناعيه الدائري ورحت لمه وركبلي طرمبه في اكس ار مديل 2003وقالي ضمان مدا الحياه وقعد معي الموتر 5خمس سنوات وبعت الموتر والطرمبه عليه

[بحر القصيد]

اخوي سلفرادو

مثل ماقالوا لك الأخوان وازيد عليهم شغله

((قبل ماتسوي مشكلة الطرمبة //لازم تنظف خزان البنزين والليات كامله عشان مايبقى شوائب فالليات))

وبعدها ضبط الطرمبة + وفلتر بنزين وتوكل على الله

شغلة الحراره : أول شيء غير غطاء الرديتر وركب بلف ديزل(بلف سيارة ديزل زي سيارتك تلقاه فالوكالة)
شغله ثانيه اخوي يمكن تماتيك المروحه اللي على سيارتك تعبان افحصه .

ومن ناحية المكيف : أفحص غاز المكيف اذا كان ناقص عبة وإذا مهوب ناقص (افحص الحساس لأن هو اللي يتحكم في اشتغال وفصل الكمبريسر)