جنوط الشنابر

[علاوي]

السلام عليكم ورحمة الله وبركاته

أبي أستفسر عن جنوط الشنابر

إللي أشوفه فيه أنواع منها العريض ومنها العادي ومنها عدة مقاسات والله دخت لكن تكفون يالنشاما أبي استفسار كامل عنها وعن أسعارها وعن مقاساتها وعن نقاط الضعف فيها وفي أي وقت ممكن تكون خطرة وفين أحصلها بالنسبة للرياض وفين أحصلها بالنسبة لمكة المكرمة وكمان أبي استفسر عن أحسن كفرات تركب عليها وهل كفرات البالون خطيرة إذا ركبت عليها وشارك ولو بخبرة بسيطة المهم إلي عندك حطه ولاتبخل علينا بأفكارك تراكم عند حسن الظن
تكفون إللي عنده خبرة لايمر مرور الكرام أخوكم وأخوانكم الأعضاء كذلك يخاف إنهم ينضحك عليهم ولكم دعوة بأن الله يحفظ لكم والديكم ويرزقكم من حيث لاتحتسبون ويسبغ عليكم لباس الصحة والعافية وأن لايريكم مكروه وأن يدخل السعادة عليكم في جميع أمور حياتكم.

وأتمنى هالموضوع يكون مرجع للبحث عن هالجنوط.

وشهر مبارك

وكل عام وأنتم بخير

[GMC454]

خطر انقلاااااااااااااااااااااااااااااااااااب اذا بنشر عليك الكفر و سرعتك فوق ال 90 احتمال الانقلاب كبير لانه بمجرد البنشر الكفر يحط بالارض بعدين الكفر بالون و اكيد احتمال انقلاب كبير و كذالك الانزلاق وز سلامتك.

[علاوي]

Gmc454

أشكر مرورك الكريم ومشكور على النصيحة

[abduallah]

اللي اعرفه اخوي انها تجي ثلاث انواع ومقاسين

مقاس 16 ومقاس 15

تبريزه كامله <<< وهذي ما انصح بها مع ان شكلها يفضله البعض ولكن انها (تدبل تسبدك) تحسسك ان الموتر ثقيل

وفيه نص تبريزه <<< وهذي انا بالنسبه لي افضلها لانها لاهي ثقيله وشكلها حلو على السياره تحس انها مبرزه شوي وفي نفس الوقت ماهي مبرزه ( يعني ما تعرف لها)

وفيه شنابر بدون تبريزه <<< وهذي حلوه جدا ما تحسسك بالثقل وشكلها حلو (يمكن البعض يفضلها)

وهي بالاول والاخر على الذوق والرغبه

ولكن عيب الشنابر بشكل عام انها ماتجي اللا لستك (مهب تيوبلس) وهذا اكبر عيب فيها بالنسبه لي .. لان اللستك يغثك ويدبل تسبدك وبناشره واجد

وبالنسبه للكفرات فأنا اشوف ان افضل كفر يركب عليها هو كفرات شاهين الكبيره وإذا ما حصلت النوع الكبير فالبلون حلو بس اهم شي انه يجي سلك مهب نايلون

وتحصلها في الغرابي بالرياض كثر التراب واسعارها من 650 الى 750 وطبعا ما تلقاها جديده ابد (بس يمكن تحصل شي اخو الجديد او نظيييف جدا)

طبعا كلامي هذا كله على اللي تجي 6 مسامير ... امما الـ 8 مسامير ما سألت عنها

اتمنى اني افدتك واسف على الاطاله

[علاوي]

مشكور ياأخ عبدالله على هذه المعلومات القيمة وجزاك الله خير

[أبو سعد]

حياك الله أخوي

بالنسبة للشنابر العــادية الي ما هي مبرزه أنا مركبــها وممتــازة بس عيبهـــا البنشر لأنهــا ما هيب تيوبلس

ومركبهــا من حوالي ثلاث سنوات

ويعطيك العــافية

[علاوي]

مشكور باأبو سعد على مرورك لكن اللستك ينخاف منه ماأحد يعتمد عليه لا في البر والا في الإسفلت.سلم لي على التيوبلس وبس حتى لو جيت ترقعه ماياخذ وقت لكن اللستك يبيلك تجلس عند البنشري تعمر براد الشاهي وتصور الرايح والجاي.

[عاشق z71]

شف يالغالي الشنابر ماتصلح ابد

الحلو شكلها فقط

حتى بالشكل ماتصلح الا على مويدلات معينه مثل الكلاسكيات وموديلاات 2000 الى 2006

بالنسبه للعرض البعض يركب تبريزه وهذي مضره وشكلها موب حلو .

لانك لو تلاحض ومشيت ورى جمس مركبها مثلا . تلاقيك طرف الهوب طالع من جوا وتشوف الكفر عريض ونصه برى السياره .

اظف ان ثقل الكفر يصير على طرف المسمار بدال مايكون على منتصف المسمار وهذا الوظع الطبيعي .

يعني بعد فتره تلاقي الكفرات مفوحجه < مايله على برا >


والرجه بعد 90 بالميه من الي مركبينها ترج معهم

والسبب لان الشنبر الي مبرز . يجي مقلوب !!
يعني يقومون بقص الجزء الداخلي من الجنط وتبريزه للخارج عشان يصير بروز الجنط على برا وتعطي الشكل المطلوب .
بس طبعا القص واللحام هذا يتم يدويا عشان كذا الرجه تطلع ولكنها بعد الترصيص والموزانه تظل الرجه خفيفه << لكن للناس لي تدقق تصير مزعجه


عشان كذا اذا بتركب ركب شي بدون تبريزه وخذ واحد مبرز على برا وبكذا تكون استغنيت عن قطعة التبريز


احسن كفرات عليها هي الشاهين

ولكن تراك بتفقد التوازن وقوة الفرامل وبتحصل على الخطوره بالخط اذا انفقع كفر لاسمح الله
شغله اخيره انه مايركب عليه الا لستك اما تيوبلس مافي


وترى الللستك زين لاهل البر <<< تقدر تبدل الكفر بالبر بنفسك بعكس التيوبلس

ولكنه يظل متعب بوقتنا الحاضر



وفي عندك موضوع لطيب الذكر بليهان

يتكلم عن البوالين

لعلك تجد ضالتك فيه

http://www.gmctruckclub.com/vb/showthread.php?t=128
تحياتي

[علاوي]

شكراً ياأخ عاشق z71 كفيت ووفيت .

وكثر الله من أمثالك.

[الحسام79]

في مخرطه بجدة تسويلك نفس الشنبر ويركب عليه بوالين او شاهين تيبولس ومقاس 15 و 16
واسعارهم
1300 لل 15
و1400 لل16
واعتقد فيه بالرياض بس ما اعرف مكانهم