الفزعه ياهل الجموس

[بهباني]

السلام عليكم ورحمة الله وبركاته
مساكم الله بالخير جميعا
يالربع انا عضو جديد وبصراحة اعجبني منتداكم واللي اعجبني تفاعل الاعضاء مع المشاكل اللي تطرح
انا عندي مشكله هي حرارة عند السرعة يعني اذا اسرعت وجريت على الموتر تروح الحرارة فوق النص بكثير واذا هديت وبديت امشي على مهلي ترجع لين فوق الربع بشوي وتثبت
علما بان الاديتر نظيف ومافيه مشاكل وتماتيك المروحه امس مغيره امريكي ماهو اصلي وكاله
المشكله الثانيه المكنيه ترجف ماهي صافيه والرجه قويه شوي وفيه زي الكتمه وعزمه بارد شوي
طبعا موتري اربعه وثمانين 350 بس غيرت المكينه الى 454
علبة الدرقسون هي نفسها حقت الثلاث ميه والكربريتر نفسه حق الثلاث ميه ماغيرناها
اتمنى القى عندكم الحل

[ابو شكمانين]

سلام عليكم ياخوي ان شاء الله مرتاح... تقول المكينه 454 والرديتر 350 والكبريتر 350 اكيد بترتفع الحراره رديتر 454 يختلف عن 350 والكبريتر 454 غير 350 و الرديتر يجيك كبير حق 454 و الكبريتر كبير والغلط على الي بدل المكينه والمفروض يقول ان الرديتر 454 يختلف وثاني شي رديت ر350 ميتحمل مكينته 454 واذا الرديتر 350 هو الكبريتر نصيح بدله حط رديتر 454 هو والكبريتر وشغل ثانيه الكبريتر 350 4 حلبات و 454 8 حلبات وديربالك وان شاء الله اتكون معلومات زين وشكران

[chevy c10 85]

بدل الراديتر مثل ماقال ابو شكمانين والكابريتر

[ابوعقل]

الأخوان ماقصرو بطرح الحلول

بس انت غيرت المروحه حقت المكينه ولا ركبت نفس مروحة الـ 350 ؟ ؟

لان الشباب معنا هنا يقولون انها تختلف

[بهباني]

يالربع مساكم الله بالخير
انتم ماقصرتوا بيض الله وجيهكم
بس الاديتر حق 454 اربع رصات
اللي ماغيرته هو حاجتين بس الكربريتر وعلبة الدركسون

[ابو شكمانين]

تقول الرديتر 454 زين بس كبريتر 350 4 فتحات و454 8فتحات لزم تحط كبريتر 454 والدركسون حق السكان بدله خله 454 عشان يصير خفيف بس شوف اذا سويت كل هذولي والمكينه ترتفع حرارته ماكول اله راس المكينه جيك عليه واسف اذا ازعجتك ويسلمو

[بهباني]

ماقصرت اخوي ابو شكمانين على ردك
بس والله خوفتني من سالفة الراس
الله يستر
انا ان شاء الله يوم السبت بصلح فيه الاشياء اللي اتوقع انه منها وباغير كلبريتر وعلبة الدركسون
اقل شي لو تضبط المكينة وتروح الرجه

[chevy c10 85]

يمكن تكون الحراره من الترمستات هذا اذا كانت الترموستات غير ملغيه او يكون غطا الراديتر غير اصلي والغطا نفسه يجي ارقام مسجله عليه ولاتستبعد الامور الصغيره مرات تكون هي المسببه للحراره والناس تغفل عنها

[شفر 454]

[QUOTE=بهباني;19539]السلام عليكم ورحمة الله وبركاته
مساكم الله بالخير جميعا

وعليكم السلام ورحمة الله وبركاته
يالربع انا عضو جديد وبصراحة اعجبني منتداكم واللي اعجبني تفاعل الاعضاء مع المشاكل اللي تطرح


الله يحييك بين أخوانــك

انا عندي مشكله هي حرارة عند السرعة


راجــع هالموضوع

http://www.gmctruckclub.com/vb/showthread.php?t=1045 (http://www.gmctruckclub.com/vb/showthread.php?t=1045)




يعني اذا اسرعت وجريت على الموتر تروح الحرارة فوق النص بكثير واذا هديت وبديت امشي على مهلي ترجع لين فوق الربع بشوي وتثبت
علما بان الاديتر نظيف ومافيه مشاكل وتماتيك المروحه امس مغيره امريكي ماهو اصلي وكاله
المشكله الثانيه المكنيه ترجف ماهي صافيه والرجه قويه شوي وفيه زي الكتمه وعزمه بارد شوي
طبعا موتري اربعه وثمانين 350 بس غيرت المكينه الى 454
علبة الدرقسون هي نفسها حقت الثلاث ميه والكربريتر

ياشبــاب الكبليتر ماله دخـل بالحراره نهائيآ



نفسه حق الثلاث ميه ماغيرناها
اتمنى القى عندكم الحل

[ابو شكمانين]

ياخوي بهباني والله انه هذي معرفتي واذا قصرتت بشي سماحني بس راس المكينه مله دخال وسمحني على لاقصور ويمكن كلام اخوي chevy c10 85ويمكن كلامه هو صح

[كبسولة 2]

شيك على وزنية الديلكو !!

إذا سليم شيك على رأس المحرك !!

[بهباني]

مبارك عليكم الشهر جميعا وبيض الله وجيهكم وطول الله عماركم على الطاعة
والله يالربع انها مشكلة المشاكل
بس عندي سؤال هل تماتيك المروحه اذا كان امريكي (يعني مو اصلي وكاله) ممكن يسبب حرارة
لان واحد قال الجمس 454 مايمشي معه الا تماتيك مروحه وكاله ويالله بعد
سؤالي الثاني
وش لون اعرف ان المشكله من راس المكينه يعني هل فيه طريقة اتاكد من خلالها ان الراس سليم او فيه شي
لان بصراحه اذا الخراب من الراس مالها داعي اتطبب في السيارة وخساير على قل فايده
اما اذا الراس سليم كل شي يهون
تكفون يالربع اللي يعرف طريقة او ينصح بورشة ممتازه في الرياض لا يقصر معنا

تقبلو تحياتي

[مطلق السلمان]

أخوي العزيز أتمنى أنك تجد الحل الأسرع لسيارتك وتقبل الأجتهادات الشخصية مني حسب ما ذكرت ولكن في البداية لا بد الكشف على السيارة عند ميكانيكي مختص ولكن بعطيك بعض الملاحظات :ـ

بالنسبة لعلبة الدركسون كلها واحد 350 + 454 الأختلاف في علبة الباور فقط ولا أعتقد أن العلبة تسبب في زيارة حرارة السيارة.

الكبرتير 454 يختلف عن 350 ولكن لا يعد السبب الرئيسي في الحرارة.

كراسي المكينة 454 تختلف عن 350 هل تأكدت من تركيب تلك الكراسي !!!

بالنسبة لكلتش المروحة إذا كان خربان والسيارة واقفة ترتفع الحرارة وإذا مشيت تنخفض إذا كان خربان هاذي الأعراض.

مشكلتك تدور في المكينة نفسها شيك على روس المكينة + المكينة نفسها يمكن فيها مشكلة وتحتاج تصفية أو بلوف السيارة تعبانة وهي دايم اللي تسبب تفتفه والله يوفقك يا الغالي.

[بهباني]

اخوي مطلق ماقصرت بيض الله وجهك
يالربع الحرارة في السيارة على هالطريقة
اذا كنت امشي اقل من 80 طبعا بدون مكيف الحرارة ماتتعدى الثلث
اذا اسرعت فوق الميه تطلع فوق النص يعني الثلثين واذا هديت او ورجعت للمشى 80 فاقل ترجع لين تحت النص
المكينة فيها رجة اشبهها لما يكون واحد من اسلاك الهواء حق الكربريتر مفكوك (مفصول)
الله يكتب اللي فيه خير

[chevy c10 85]

اخوي بهبهاني افتح الراديتر وشوف العيون اللي داخل هل الماي يمشي فيها كلها اذا واحد من العيون مايمشي الماي معاه تاكد انه من اسباب الحراره
ووزن الديلكو

ا فحص طرمبه الماي وفي شغله مهمه وهي البلاستك اللي بين المروحه والراديتر

قطعتين تحصر الهواء الخارج من المروحه الي الراديتر

افحص تماتيك المروحه

وتاكد من المروحه في مراوح تجي سبع وفي خمس

غير اهواز الراديتر وديربالك من اللي بداخلها سيم او سيلك خذ الاصلي

سو عيارات للصباب والبلوف وهذي شغلها بسيط ولا يتعدي صيانتها الميه ريال

وان شاء الله تكون المشكله بسيطه وهذي اجتهادات مني قد اخطئ وقد اصيب

موفق خير

[بهباني]

بيض الله وجهك اخو chevy وماقصرت طال عمرك بس عندي سؤال هل المروحه تدفع هواء للاديتر ام تسحب هواء من الاديتر للمكينه

بعدين انا لاحظت حاجه شككتني في الموضوع
امس شغلت الموتر الصباح بدري وفتحت غطى الاديتر والموتر شغال عادي يعني بدون دوس بنزين لاحظت ان الماء في الاديتر مايتحرك كانه راكد
اللهم تشوف بس اهتزازات فيه خفيفه لان المكينة ترج
واليوم ان شاء الله بغير طرمبة الماء وان شاء الله يضبط

[chevy c10 85]

ووجهك ابيض بهبهاني

المروحه تدفع هواء للراديتر وليس العكس تاكد من عدد الاضلع فيها كل مازاد عدد الاضلع بالمروحه كان افضل


قبل لاتشتري طرمبه الماي تاكد من عيون الراديتر وتنظيفه او تغييره