مع الحراره يطيح العزم!!

[FAPIoO]

السلام عليكم

يا أخوان موتري فيه عله مدري وش هي

وهي اذا مشيت على الموتر وهو بارد يصير عزم يفحط بالثالث فحححطه تطرب الراس

واذا احتر يااااله يقوم من مكانه عزمه راااايح فيها

تهقون وش علته

مع العلم انه قير عادي 1500 موديل 2002 دفرنسين

[عاشق z71]

عادي جدا وطبيعي

وعشان تتاكد تلاحظ ان وقت العصر الى المغرب يطيح عزمه بزوووووود .


اظف ان الي عندك مروحه ميكانيكيه . يعني هذي تطيح بعد

لايظيق صدرك موترك مافيه الا العافيه

بس حاول ماتشب عليه بوقت الظهر

عشان الصوف ماتجاوب


معلومه محد يعرفها كثير : الجمس 8100 اذا ارتفعت حرارته لاي سبب كان . عظل او حراره عاليه او سحب زايد عن اللزوم

اوتوماتيك يقوم الكمبيوتر باغلاق اربع سلندرات عن العمل .

يعني يصير الموتر يشتغل اربعه سلندر بس !!
ويطفي المكيف اجباري << اذا كنت مشغله

وهذي الجركه عشان مايجي المكينه اي ظرر اظافه لامكانية انها توصل لاقرب مركز فحص وتشييك

تحياتي

[GMC454]

و انا اقول وشلون رحت علي الارمادا بسرعه ا اجل الدعوه كذا خلاص لحد يقاوم الا في اخر الليل

[(( ذيب وراط ))]

(( طبيعي ))

الحرآرة ما ترتفع إلا ويرتفع معها حرارة زيت القير ..
وأنا مجرب وفررررق علي الموتر اذا ارتفعت حرارة القير ..
يعني اذا بغيت تقاوم خذ لك شوطين ووقف برد على القير ..

اذا ارتفعت حرارة القير ما يفحط و يالله يشد .. << مقارنه بإذا كان بآرد ..

أتمنى أكون أفدتك

[FAPIoO]

عادي جدا وطبيعي

وعشان تتاكد تلاحظ ان وقت العصر الى المغرب يطيح عزمه بزوووووود .


اظف ان الي عندك مروحه ميكانيكيه . يعني هذي تطيح بعد

لايظيق صدرك موترك مافيه الا العافيه

بس حاول ماتشب عليه بوقت الظهر

عشان الصوف ماتجاوب


معلومه محد يعرفها كثير : الجمس 8100 اذا ارتفعت حرارته لاي سبب كان . عظل او حراره عاليه او سحب زايد عن اللزوم

اوتوماتيك يقوم الكمبيوتر باغلاق اربع سلندرات عن العمل .

يعني يصير الموتر يشتغل اربعه سلندر بس !!
ويطفي المكيف اجباري << اذا كنت مشغله

وهذي الجركه عشان مايجي المكينه اي ظرر اظافه لامكانية انها توصل لاقرب مركز فحص وتشييك

تحياتي


كلامك صحيح يا ابو غازي بس مو لهاذي الدرجه يطيح عزمه

والله اكسنت شطفني وهو يضحك وانا جالس احفر في مكاني ابيه يمشي ورابض مافيه عزم

طيب يا ابو غازي هقوتك مبرد القير له دخل يعني لو اغيره بيفرق العزم ولا كيف

[FAPIoO]

(( طبيعي ))

الحرآرة ما ترتفع إلا ويرتفع معها حرارة زيت القير ..
وأنا مجرب وفررررق علي الموتر اذا ارتفعت حرارة القير ..
يعني اذا بغيت تقاوم خذ لك شوطين ووقف برد على القير ..

اذا ارتفعت حرارة القير ما يفحط و يالله يشد .. << مقارنه بإذا كان بآرد ..

أتمنى أكون أفدتك

صدقت والله بس الموتر حرارته طبيعيه جداً تحت النص بشرطه ماتتعداها مشاء الله

بس اذا جرت عليه القير مايشد معي ابد يااااااااله يمشي الموتر والله الاكسنت والهايلكس والمواتر الزلابه ذي ترووح علي بواجد

يعني من الاخر موتري طايح من عييني ابي ازود عزمه على الاقل ابيه عزم وكاله

[(( ذيب وراط ))]

أنا أعاني من نفس مشكلتك .. لكن مآهوب لهالدرجه ..

أفكر أركب مبرد زيت قير .. لأن قيري 4 نمر :( .. ما يجي معه مبرد

[FAPIoO]

أنا أعاني من نفس مشكلتك .. لكن مآهوب لهالدرجه ..

أفكر أركب مبرد زيت قير .. لأن قيري 4 نمر :( .. ما يجي معه مبرد

والله حالة انا مدري موتري فيه مبرد ولا لا

وشلون اعرف.؟؟

[(( ذيب وراط ))]

شف قدام الرديتر فيه زي الرديتر صغير في النص تحت .. يعني فالواجهه ورى الشبك ع طول ..

هذا بالنسبة للـ 2007 وطالع .. يمكن 2006 وتحت نفس الشي ..

[FAPIoO]

طيب اذا ركبته لازم تمديد وشغل جامد ولا ممد وجاهز بس اركب القطعه

[(( ذيب وراط ))]

شغلها سهل .. لكن بالضبط ما أدري ..

يفيدونك الإخوان عن الطريقه بالضبط ..

[FAPIoO]

شغلها سهل .. لكن بالضبط ما أدري ..

يفيدونك الإخوان عن الطريقه بالضبط ..

الله يعطيك العافيه يابعدي

موتري طلع فيه مبرد زيت بس اذا كانت الحراره تطيح العزم معناته ان المبرد عطلان او كيف

يعني لازم اغير المبرد واركب واحد جديد ولا فيه نوع معروف

[عاشق z71]

الله يعطيك العافيه يابعدي

موتري طلع فيه مبرد زيت بس اذا كانت الحراره تطيح العزم معناته ان المبرد عطلان او كيف

يعني لازم اغير المبرد واركب واحد جديد ولا فيه نوع معروف


يالغالي موترك 2002 فيه مبرد زيت اكيد

وتغييرك للمبرد ماراح يفيدك ابد ابد خصوصا اذا موترك ماعليه تعديل

المبرد ماله دخل بطيحة العزم
وتغييرك للمبرد لواحد اكبر
راح يحافظ على القير فقط


الشغله عندك اذا مهي تصفيه .

يعني اذا بواجيك زينه والاسلاك والثروتل نظيف و و الخ .

معانته الوظع طبيعي الجموس بالصيف كذا صدقني خصوصا مع الماروح الكرنك

اذا ناوي تظبط اقلبها كهرب وارتاح



اذا تبي تتطمن : خلاص ماعاد باقي شي على مايزين الجو ويبرد

انتظر شهر رمضان خله وعقب رمضان يكون برد الجو . اذا راحت المشكله معناته الوظع طبيعي


يصير لي اقبل الصيف السنه الجايه على خير تاذخ موترك وتسويله تنظيف مجاري رديتر ومكينه وتصييخ رديتر وتنظيف بخاخات وتحط مويه اصلي


عشان تظمن نظافة دروة التبريد ومايسخن الموتر بسهوله
وباذن الله امورك طيبه

[FAPIoO]

يالغالي موترك 2002 فيه مبرد زيت اكيد

وتغييرك للمبرد ماراح يفيدك ابد ابد خصوصا اذا موترك ماعليه تعديل

المبرد ماله دخل بطيحة العزم
وتغييرك للمبرد لواحد اكبر
راح يحافظ على القير فقط


الشغله عندك اذا مهي تصفيه .

يعني اذا بواجيك زينه والاسلاك والثروتل نظيف و و الخ .

معانته الوظع طبيعي الجموس بالصيف كذا صدقني خصوصا مع الماروح الكرنك

اذا ناوي تظبط اقلبها كهرب وارتاح



اذا تبي تتطمن : خلاص ماعاد باقي شي على مايزين الجو ويبرد

انتظر شهر رمضان خله وعقب رمضان يكون برد الجو . اذا راحت المشكله معناته الوظع طبيعي


يصير لي اقبل الصيف السنه الجايه على خير تاذخ موترك وتسويله تنظيف مجاري رديتر ومكينه وتصييخ رديتر وتنظيف بخاخات وتحط مويه اصلي


عشان تظمن نظافة دروة التبريد ومايسخن الموتر بسهوله
وباذن الله امورك طيبه


الله يعطيك العافيه يا ابو غازي
ماقصرت يالغالي

[كبسولة 2]

الجمساات والشفرات فيها كمبيوتر إذا أحتمى زيت القير الأتماتيك يبدأ يطيح عزمه وتختلف تعشيقاته

وأحياناً لا يمشي الا 40 أو 60 وأنت ضاغط على البنزين لللأخير

وأحياناً لا يتحرك أبداً وتخرج لك رساله في مركز الرسائل

يسار الطبلون (سيستم بروتكت ترانسمشن) نظام حماية القير

الحل السليم تركيب مبرد قير إذا السيارة لا يوجد بها مبرد من بلادها سعره مع التركيب لا يتعدى 400 ريال جديد

أو شراءه من التشليح بـ 100 ريال وتركيبه بــ 150 ريال

[فيصل الخالدي]

غلطان يابو غازي (عاشقz71) اصلا ال8100 مافيها نظام 4 سلندر

[عاشق z71]

غلطان يابو غازي (عاشقz71) اصلا ال8100 مافيها نظام 4 سلندر


موب النظام الي ببالك .!!

هذا نظام طواري بس اذا ارتفعت حرارة الموتر لاي سبب >> يعني اذا قربت على الاحمر او وصلته


يطفى المكيف وتشتغل باربع سلندرات بس << هذي متاكد منها موجوده

[الجمرة]

هلا بكم جميع

والله يا شباب اناقريت اشياء اول مره اشوفها بحياتي عجايب....

من ربي خلقني ما شفت جمس تدعس اخر الدعسه ولا يمشي الا 40-60
شوف شيك على صفايه البنزين و البخاخات و ضغط طرمبه البنزين...

و احساسي يقول لي ان موترك الكلتش من الوكاله....

واللي يقول الجموس يطيح عزمها بالقيض كلامك يمكن يكون صحيح (يمكن) يعني فرق بسيط لكن اخونا يقول

الموتر تروح عليه اكسنت قولي بعد من القيض والله انتحر يابوي انت ثمانيه سرندل فورتك قير عادي مو معقول

و اذا تقول موترك طاح من عينك ..احب ابشرك انت كذا طبيعي لكن لو للحين ما طاح من عينك انت مو طبيعي

شف لك حل بسرعه ...
ولا تدري رح عند هشام و اطلب له ستروكر و روس zo6 وبرمج مافلس و امسح العار <<< مقهور

[كبسولة 2]

هلا بكم جميع

والله يا شباب اناقريت اشياء اول مره اشوفها بحياتي عجايب....

من ربي خلقني ما شفت جمس تدعس اخر الدعسه ولا يمشي الا 40-60
شوف شيك على صفايه البنزين و البخاخات و ضغط طرمبه البنزين...

و احساسي يقول لي ان موترك الكلتش من الوكاله....

واللي يقول الجموس يطيح عزمها بالقيض كلامك يمكن يكون صحيح (يمكن) يعني فرق بسيط لكن اخونا يقول

الموتر تروح عليه اكسنت قولي بعد من القيض والله انتحر يابوي انت ثمانيه سرندل فورتك قير عادي مو معقول

و اذا تقول موترك طاح من عينك ..احب ابشرك انت كذا طبيعي لكن لو للحين ما طاح من عينك انت مو طبيعي

شف لك حل بسرعه ...
ولا تدري رح عند هشام و اطلب له ستروكر و روس zo6 وبرمج مافلس و امسح العار <<< مقهور


أرجع لكتيب السيارة وثقف نفسك شويه

بدال ماتقول من ربي خلقني ماشفت كذا وكذا

نحن لا نعلم سنك بالتحديد حتى نعرف متى خلقت للدنيا

يقول المثل

الي أكبر منك بيوم أعلم منك بسنة

[حمرين]

والله شف ياصاحبي انا موتري جديد من اشتد القيض وهو متغير وعزمه طايح

وخذ قاعده الامريكي كذا فلاتقارن الامريكي في الحر مع الياباني ابداً

[الجمرة]

هلا بكم جميع

لا صار الكتاب بيعلمني وش بلا موتري الله يرحم الميكانيكا و اهلها

الله و اكبر صرنا نعرف سيارتنا من الكتب وين الخبره ؟؟؟ ولا الواحد يقرا في الكتب و يجينا متحمس ...

اخر الدعسه 40-60 مستحيل تكون من حراره الزيت اما انه القير مولي ولا منظم .. اذا احتر الزيت يطيح عزمه

مهو يوقف عند 40-60

الي اكبر منك بيوم اعلم منك بسنه <<< والله مايفيد العمر بدون تجربه << لا تخاف مانيب بعيد منك يا اخ

في النهايه بعلمك شي يا كبير ليس كل من اختلف معك يعرفك ولا يكرهك انا عارضت معلومتك ولم اعارض شخصك << افهمها زين ولا تتعصب لرأيك ولا صرت واثق من نفسك وشوله العصبيه << لا ترد وانت صايم



تحياتي و لاهنت على الرد

[عاشق z71]

شكلكم نسيتوا تربطون شياطينكم برمضان خخخ

استهدوا بالله

واختلاف الراي لايفسد للود قظيه


يالله بوسو شوارب بعضكوون <<< ونا شكلين مابحكي !!<< متاثر

[FAPIoO]

شكلكم نسيتوا تربطون شياطينكم برمضان خخخ

استهدوا بالله

واختلاف الراي لايفسد للود قظيه


يالله بوسو شوارب بعضكوون <<< ونا شكلين مابحكي !!<< متاثر


هههههههه ابو غازي

والله انك منتهي يا ابو شهاب<<خخخخخخ

يا اخوان تعوذو من الشيطان وكل واحد يكتسب خبرته بطريقه معينه سواء من كتاب او من صاحب جنرال موتورز

اخوي الجمره كبسوله يقصد شي وانت فهمت شي ثاني

كبسوله يقصد انه لما يحتر الموتر او القير الكمبيوتر حق السياره مايسمح لك تسرع وتلقاك تدعس الدعسه كلها ولا يمشي الا60
يعني الكمبيوتر مسوي لك حد ماتقدر تتعداه ابد لانه يبغى الحراره تنزل

ان شاء الله فهمت مقصد اخوي كبسوله

[FAPIoO]

الجمساات والشفرات فيها كمبيوتر إذا أحتمى زيت القير الأتماتيك يبدأ يطيح عزمه وتختلف تعشيقاته

وأحياناً لا يمشي الا 40 أو 60 وأنت ضاغط على البنزين لللأخير

وأحياناً لا يتحرك أبداً وتخرج لك رساله في مركز الرسائل

يسار الطبلون (سيستم بروتكت ترانسمشن) نظام حماية القير

الحل السليم تركيب مبرد قير إذا السيارة لا يوجد بها مبرد من بلادها سعره مع التركيب لا يتعدى 400 ريال جديد

أو شراءه من التشليح بـ 100 ريال وتركيبه بــ 150 ريال


اخوي كبسوله السياره فيها مبرد قير

وش السواة هل اغيره بواحد جديد

مع اني سألت وقيل لي انه ماينفع تغيره بس يخليك تحافظ على القير ومايتغير شي بالعزم

[كبسولة 2]

اخوي كبسوله السياره فيها مبرد قير

وش السواة هل اغيره بواحد جديد

مع اني سألت وقيل لي انه ماينفع تغيره بس يخليك تحافظ على القير ومايتغير شي بالعزم

هلا بك أخوي

ليه تغيره هل فيه مشكلة ؟؟؟؟

إذا فيه مشكلة تهريب زيت أو منشق غيره

أما إذا تمام فخليه زي ماهو بس غسله بالماء أثناء غسيل السيارة

حتى تزيل الحشرات والغبار من عليه لضمان عمله بكفاءه

[بندر]

==> متى يجي الشتااا

[FAPIoO]

هلا بك أخوي

ليه تغيره هل فيه مشكلة ؟؟؟؟

إذا فيه مشكلة تهريب زيت أو منشق غيره

أما إذا تمام فخليه زي ماهو بس غسله بالماء أثناء غسيل السيارة

حتى تزيل الحشرات والغبار من عليه لضمان عمله بكفاءه


لالا مافيه مشكله تهريب ولا شي

وانا نضفته والله ياطلع منه بلاوي سوداء

لاهنت يابعدي ماقصرررت يالغالي

[FAPIoO]

==> متى يجي الشتااا

تقريباً شهرين يعني على عيد الاضحى انشاء الله تضحي وانت بالمخيم هههه

[MZAJE]

اخوي ارسلت لك الحل على الخاص

[الجمس فتنه]

و انا اقول وشلون رحت علي الارمادا بسرعه ا اجل الدعوه كذا خلاص لحد يقاوم الا في اخر الليل

هههههه كلامك سليم والشاهد عليه اسمع قصايد في الجمس كلها عن ممشا اليل اذكر قصيده ( يا زين الجميحي لاسرى والعباد خفوت ) وغيرها كثير النهار مهب لك لا تحارش احد :)

[mzmz]

انا كان عندي مشكله في الحراره ما بقى شي ما غيرته

اخر شي اشار على رجال جزاه الله خير بالتششيك على تماتيك المروحه

وتركيب مراوح مكسيما سرعتين والحراره مثل العسل

[bader787]

اذا عزمة يطيح بقوه اقرب ماله تماتيك المروحه اذا شبك يصير حنه مزعجه ويطيح عزمه

ولاتستهين بالهايلكس يراعي الموضوع :43697.imgcache[1]:

[bader787]

معلومه محد يعرفها كثير : الجمس 8100 اذا ارتفعت حرارته لاي سبب كان . عظل او حراره عاليه او سحب زايد عن اللزوم

اوتوماتيك يقوم الكمبيوتر باغلاق اربع سلندرات عن العمل .

يعني يصير الموتر يشتغل اربعه سلندر بس !!
ويطفي المكيف اجباري << اذا كنت مشغله

وهذي الجركه عشان مايجي المكينه اي ظرر اظافه لامكانية انها توصل لاقرب مركز فحص وتشييك

تحياتي


متاكد ؟؟

الي اعرفه هذي الحركه في الفورد او اذا انشق اديترها تمشيك حول 80 كيلو باربع سرندل بدون ماء في الديتر بدون اظرار باذن الله :43370.imgcache[1]:

ترا منب متاكد من المسافه

[White z71]

السلام عليكم ..

أول مشاركه لي بالمنتدى وأتمنى اني افيد ..

المشكله حلها عندي ويختلف حسب القير إذا القير تماتيك فهذا من مبرد القير .. وإذا قير عايدي فهو من وجه الثلاجه ..

وخذ نصيحة مجرب قعدت أحوس على هالمشكله حول الشهرين لين طلعت العله ..

والسلام ,,

[شيخ الخليج]

يا اخوان المبرد خاص بالقيور الاوتوماتيك
بعدين يا صاحب المشكله انت عندك عيب.. موضوعك موب طبيعي ابد
انا كان معي2500 اتش دي 2001 ماشالله تبارك الله بعز الظهر بهالقايله تقل غزال ما ناقصه الا جناح ويطير
تحياتي