مشكلة بالقير العادي ,, ارجو المساعدة

[تيتشر]

بسم الله الرحمن الرحيم

قبل كم يوم كرشت الموتر بالخط واذا زادت السرعه عند 140 واكثر يبدأ يطقطق القير كأنه فيه مسمار ما انربط
وغير كذا يوم هديت وبغيت ارده نمره عيا يلقم

ومن يومها صار اذا شغلت الموتر وهو بارد ما يلقم القير الا بعد شيل وحط
وايضا صرت اذا مسكت خط ووصلت لـ 140 او اكثر ووقفت عند اشاره وفضيت الموتر ما يلقم بالاول او اي نمره واتوهق عند الاشاره كلن يضرب بواري علي وانا مغير ادربي راسي بالغماره

ايه صح نسيت اقول
من يوم كرشت للموتر ذاك اليوم صار فيه ترشيح بالقير وعايرت القير والكلتش كلهم زيوتهم زينه

[فيصل الخالدي]

علب الكلتش...وشد عالكلتش

علب = جمع علبه يعني شيك عليهن جميع

[شقران]

شف الزيوت والفلتر وحساس القير غالباً هي مشكلة كهرب وممكن يكون القير عندك يحتر ويحتاج مبرد ..

[عاشق z71]

اتوقع نحاسات القير يمكن المشكله فيها

وترى احيانا طول مدة تغيير الزيت وفلتره يسبب مشاكل مختلفه


يعني شف تاكد كم لك ماغيرته

اخيرا عشان نتاكد من القير ونتطمن

وجه يوم للصناعيه وشب على الموتر بشكل متوسط

يعني زود السرعه عليه وانت متجه للصناعيه << لاتكرفه زوود ولا تحن عليه بزووود


وعلى طول وجهك على جيركو حق القيرات في واحد فيذاك اسمه عاصم

قله شفلي حرارة القير كيف ؟

على طول يشبك جهاز ويعيطك العلم

اذا تمام كان بها

واذا مو تمام ومرتفعه الحراره .خل بالمستقبل احدد خططك تركيب مبرد زيت اكبر للقير



طبعا هذا عاصم ماعليك منه لو يقول ايش مايقول انت بس قله شفلي الحراراه وبس ولايقعد يتفلسف


لانه على طول مجرد فحصه للقير بيقولك فيه كذا وكذا وكذا

بالعربي نصابين بتشخيص الاعطال . بس شغل يدهم لايعلى عليه

[تيتشر]

هل القير العادي له فلتر وحساس ؟؟
على كلام الاخ سييرا يقول شيك عليهن
وبعدين ماعرف الا علبه وحده للكلتش


ابو غازي الورشه اللي تقولها وينها فيه بالضبط والا كم رقمهم

[ابو نايف]

السلام عليكم
اخوي تيتشر اول شي بده في السهل يعني شف (اصلاح) زيت الكلتش مثال طف الموتر اذ كان تعشيقه سهل 60%اصلاح
والله ولي التوفيق :43483.imgcache[1]:

[شفر 454]

هـــلا بك ياتيتشــر


المشكلــه هـذه لها تشخيص وهو /

- هلالات القــير
أو
- رمــانــات داخليــه

وكلهــا لابــد من فــك القيــر لمعرفــة الضرر أين يكمــن ..


أخوك / القــصــــير

[تيتشر]

السلام عليكم
اخوي تيتشر اول شي بده في السهل يعني شف (اصلاح) زيت الكلتش مثال طف الموتر اذ كان تعشيقه سهل 60%اصلاح
والله ولي التوفيق :43483.imgcache[1]:

واذا كان مو سهل ؟؟ وش معناته ؟؟

[تيتشر]

هـــلا بك ياتيتشــر


المشكلــه هـذه لها تشخيص وهو /

- هلالات القــير
أو
- رمــانــات داخليــه

وكلهــا لابــد من فــك القيــر لمعرفــة الضرر أين يكمــن ..


أخوك / القــصــــير


هلا شورت

طيب بحكم ان قير موترك عادي فيه ورشه معينه تنصحني اروح لها ؟؟

[abduallah]

اتوقع المشكله من علبة زيت الكلتش اللي تحت

ولكن عشان تتأكد رح لمركز المطارد بالصناعيه القديمه بالرياض وبيعطيك العلم

انا توني مصلح موتري عندهم والله شغلهم ابدااااع ومضمون واسعارهم حليوه وكل اللي عندهم جموس

اللي فيه اسمه عدنان وهذا رقمه 0501562287

وصف الورشه:
اذا طلعت مخرج 17 واتجهت غرب .. اول اشاره بعد النفق (لاحظ بعد النفق) لف يسار ورح الى ان يجيك حرف تي بعدين رح يمين وبعدها بيجيك حرف تي لف يسار وبعدها بيجيك اجباري يمين .. بعدها.. الورشه بتجيك على اليسار بعد ثاني تقاطع او ثالث تقاطع

للمعلوميه انا وظبت القير عندهم بـ 1300 طبعا غيرت نحاسات ومدري وش بعد شغله ثانيه بس نسيتها


اتمنى اني افدتك واسف على الاطاله واي استفسار انا حاظر

[تيتشر]

مشكور يبو عابد

وشكلي بمرهم وان شاء الله تصير من الكلتش