المساعد الشخصي الرقمي

مشاهدة النسخة كاملة : تجديد شفروانيت سولفارادو موديل 1958


يزيد الخزام
12-06-2011, 02:52 PM
http://www.gmctruckclub.com/up/files/1823.jpg (http://www.gmctruckclub.com/up/index.php?action=viewfile&id=1823)




السلام عليكم ورحمه الله وبركاتهِ

اعضاء نادي عشاق وملاك جمس وشفروليت

وزواره الكرام

بعد التحيه عندي موضوع واتمنئ من الجميع مساعدتي في هذا الموضوع

عندي شفر موديل 58 واتمنئ تجديده واعادته الئ سابق عهده

فكيف اقوم بذالك.........انا تمنيت ان تساعدوني بوجود ورشه تعيده الئ ذالك او يتكرم الكابتن امين مقداد ويقبل تعديله والشغل به

علماً باني وفرت جميع القطع اللازمه :

بدايه من الشاصي بال شاصيه الاول.....علماَ بان شاصيه الاول من الامام والخلف سست

اما الشاصي الجديد فهو ياي قدام والخلفي سست,, حاله حال اي شاصي ثاني

ووفرت له مكينه 350 قير توماتيك ودفرنس خلفي ودنقل امامي كامل بلمقصات والهوبات والقماشات

السياره لاتحتاج الئ جهد كبير لاعادتها لكن لايوجد ورشه تقبل العمل بها لعدم مهارتهم الكافيه

علماً انني قمت بتركيب الماكينه والقير وجميع اجزاء التي تخص الشاصي والسياره جاهزه للعمل علئ الغماره والحوض فقط

اي المطلوب من الاخوه حل المشكله التي اواجهها وهي تجليس الغماره علئ الشاصي الجديد علماً انه شاصي جمس برازيلي وتجليس الحوض مع السمكره والرش



اسف للاطاله ودمتم من الشاكرين

اخوكم الجديد يزيد الخزام
عبدالعزيز454
12-06-2011, 03:02 PM
​موفق خير اخوي ونشاء الله يجيك الكابتن امين مقداد ويفيدك اكثر
خطّاف
12-06-2011, 03:04 PM
حياك الله
الله يوفقك في مرادك
ننتظر إفادة إالمهندس/ أمين مقداد
وننتظر مشاركت الخبراء والأعضاء
أحييك مره آخرى متمنياً لك التوفيق
يزيد الخزام
12-06-2011, 04:01 PM
​موفق خير اخوي ونشاء الله يجيك الكابتن امين مقداد ويفيدك اكثر
ياليت والله اتمنى
يزيد الخزام
12-06-2011, 04:03 PM
حياك الله
الله يوفقك في مرادك
ننتظر إفادة إالمهندس/ أمين مقداد
وننتظر مشاركت الخبراء والأعضاء
أحييك مره آخرى متمنياً لك التوفيق





الله يخليك ويوفقك ويوفقنا والجميع ان شأالله في نيل مابتغاهم
ذيبان 78
12-06-2011, 05:18 PM
الله يسر لك امرك ولاتنسى التقرير..
مهووس بالجموس
12-06-2011, 05:33 PM
ماشاء الله تبارك الله

بس قهرتني ياخي خله دبل
راعي الادهم
12-06-2011, 05:49 PM
الله يوفقك في مطلبك وراسل اخوي امين ابو محمد وان شاء الله يفيدك ويوجهك
Shqra
12-25-2011, 10:28 AM
توكل على الله ثمن شوف المهندس المقداد ماشاء الله عليه
نواف78
12-27-2011, 02:11 PM
عندي وجه نظر اتمني قبولها بس بتعبك وتعيدك من الاول

البرازيلي مدري عن شاصيه

برائي الشخصي جيب شاص ونيت قطع 10 حق 81 الي 86

اوفر قطع للغيار اولا

وسعر اقل لتوفرها

وتركب بدون تعب لاني فكرت بمشروع قبل سنتين وكذا هذا الي بيصير وكنسلته لاني ماعاد فيني شده متابعه للورش

وشواص الي بدون دبل متوفره بكثر بالاحساء وتلقاها سليمه اكثر عكس دبل تلقاها مشعوره بحكم انها حقت مطامر

تري الشاصي مايعدي الف ريال الي 1400

والاكسسوارات الخارجي وبعض الداخليه موجوده في ال ام سي وجه كامل سعره بدون شحن بحدود 2800 ولاني متاكد

ويبيلك طبلون بزيقه الكروم مع مسكه يد القير ودواسات بنزين بريك كلتش وفرشه ارضيه وقماش لسيت ومرايات خارجيه الي تجي فوق الباب الصغيره

والي بيتعبك الطيس وعلامات حق الكبوت شكثرها في الاي بي اغلها وانظف وحده 100دولار

اهم شي دعم الدرج الداخلي الي يطلعك للغماره من تحت بحديد المشكله هذي دايم موجوده

وصلى الله وبارك

الوقت اذا شاد حيلك سنه وكم شهر بيمديك توفر القطع ومبلغ خذها بيجابيه وتمنيات لك بتوفيق واسمحلي طولنا عليك لتوضيح
احمد بن عبدالله
12-27-2011, 02:35 PM
ليه ما تخليه على شاصيه الاول ؟؟؟ قصدي انت مجدد مجدد ليه ما تجدده على شاصيه ؟
VTC 3333
02-23-2012, 03:45 PM
وش باقي صار على مشروعك
أمين مقداد
02-25-2012, 08:20 PM
مساك الله بالخير أخ يزيد
وعساك على القوه

يشرفني أشارك برأي في موضوع تجديد الونيت

الشاسي اللي إخترته غير موفق ولسبب ؟؟؟؟

لو حبيت تجدد أو تسوي صيانه ؟ مارح تلاقي له قطع وفي رأي هذا الآهم في التجديد

شاسي الونيت قطع 10 ممتاز وتجديد الشاسي بالكامل من العضلات والقماشات والفرامل وأهواز الفرامل
والكراسي والصوف
وكراسي الماكينه وكراسي الجير وجلد المقصات الخلفيه تقريبا تكلفة القطع تقريبا
ثلاث الآف ريال وأذكرك بكلمة تقريبا
في مشكله في شاسي الونيت من الخلف سست وفي المطبات غير مريح....

شوف لك شاسي كابرس بكس من الأمام والخلف يايات ومريح جداً ونفس التكلفه

وأختلف مع الأخ نواف لما قال إنه يركب من غير تعب

وهذا غير صحيح لإن الغماره ماتركب على الشاسي والقواعد مختلفه ولازم ينقص البرشام الموجود في القواعد وعمل قواعد جديده

تناسب قواعد الغماره

أما بالنسبه للقطع والإكسسوارات الخارجيه والداخليه ماأقدر أعطيك سعر محدد بدون ماأشوف الونيت

وحسب نظافة الونيت وهل القطع القديمه تصلح للترميم أو لأ

بس أتوقع إذا بتسوي تجديد على أصوله تكلفة القطع أكثر من 25000 ريال


وإذا الونيت في الشرقيه ممكن أقرر عليه ويشرفني خدمتك

علما في الوقت الحالي ولمده لاتقل عن أربع شهور مشغول ولقلة العمال وكثرة المشاريع

مع خالص تحياتي