لمبة البطاريه تولع مع السرعه

[صقرالعارض]

السلام عليكم اخواني عندي جمس شفر م2000 اذا دعست وسرعت حول 100 تولع لمبة البطاريه الي بالطبلون وكذلك تجي رساله تقول غير زيت المكينه مع العلم اني غيرته ومع ذلك جت الرساله ماادري وش رايكم وش تنصحون اخوكم لاني توي شاري الموتروهل فيه ورشه تنصحوني فيها وتكون بالرياض وترى اول مره استعمل الجمس فزعتكم لخوكم الله يجزاكم الجنه.

[هدار]

السلام عليك
اخوي لمبة الزيت تولع حتى اذا كان الزيت جديد
الحل ان لازم تبرمج بعد كل تبديل زيت وهي بسيطة جدا (بعد تبديل الزيت )
1- تفتح السلف من غير تشغيل
2- تضغط الدعسة (البنص) ثلاث مرات المرة الاخير (الثالثة) تخليك ماسكها لاتهدها
3- راح تولع عندك الشاشة الصغير اللي على اليسار اسمها (message center) وراح تولع ثلاث مرات الاخيرة لونها اصفر مخصص للزيت
يعني تعلم كمبيوتر السيارة انك غيرت الزيت

اما بخصوص لمبة الكهرباء اذا كانت سيارتك كهربتها طيبة
1- شيك على التوصيلات وتاكد من الاصابع مشدودة بأحكام و حالت الوايرات جيدة *
2-شيك على الدينمو وفحص الشحن لازم يكزن 14 فولت (رقم فوق او رقم تحت مايضر)
3- اذا كان الدينمو تجاري راح يسوي معاك هالمشكلة ( حصلت معي وبدلت الدينمو بأصلي غير مجدد)
تقبل مروري واتمنى اني ساعتدك
اخوك هدار الشمري
تحياتي

[صقرالعارض]

مشكور وبيض الله وجهك يالبناخي عزالله اهل فزعات

[هدار]

السلام عليك
ماسويت شي
بشر عسى المشكلة انحلت

[صقرالعارض]

ابشرك لمبة الزيت طفت لكن لمبة البطاريه مازالت وامبير البطاريه يوصل حول 14 وتعبيته كويسه وشيكت اصابع البطاريه ممتازه الله اعلم انه مثل ماقلت يمكن يكون الدينمو مجدد اوتجاري بس هل منها ضرر وممكن تعطلبي لاني راعي طلعات بر رايك اغير الدينمو اوسعره غالي ومشكور وماقصرت .

[هدار]

الحمدلله اللمبة طفت
الدينمو الاصلي حول الاف
شف الدينمو اذا مكتوب علية دلفي Delphi هذا الاصلي (ممكن تلقاه عن باقادر) بشارع الجمعية صناعية الرياض
اذا انت راعي مشاوير وطلعات عليك بالاصلي وخل اللي معك احتياط
تحياتي