أستفسار عن سوبربان 91-90 دفرنشين ... ارجو المساعدة

[AL.5YAL]

السلام عليكم ورحمة الله وبركاته
الأعضاء الأعزاء أسعد الله اوقاتكم بالمسرات
لدي أستفسار بسيط اتمنى أجد لديكم الأجابة التي تثلج الصدر
أمتلك سوبربان 1500 دبل موديل 2007ولكن الصدام الأمامي طاح بسبب حكة بسيطة من ددسن
والباب الايمن من دقة بسيطة دخل والصدام الخلفي محكوك علي في مواقف وخرج نصه
يعني بالعربي السياره مافيها بدي نهائيا
واذا نزلت فيها بر الصراحه ماتطمن كلها كهرب ومشاكلها متعبه
....
زبدة الكلام ... أبي مشورتكم علي
أستخدامي للموتر في الغالب للعائله وللسفر وبدرجة كبيرة لكشتات البر
فهل أجد من يؤيدني بأقتناء صالون سوبربان موديل 91-90 دفرنسين
واقوم بتجديده من والى وأخلي المظاهر لأهلها
....
وماهو الفرق بين 3500 و 2500 في الدفرنسات بخلاف الشاص لأني وجدت أعلان قديم عن سياره من هذا النوع معروضه للبيع
وهل من الممكن أن أجد دفرنشين 454 لأني فريت المعارض ومالقيت الا 350
آسف على الأطاله واشكركم على تقبلكم لأستفساراتي

[مقهوي الذيب]

والله كانكـ ودكـ بهالموديلات دورلك قير عادي واقلب مكينته 8100 أو 6 لتر حقت الــ 2500 ( عشان الصرفية )
وجدده بدي وداخليه
واطرب :n2006108[1]:

[AL.5YAL]

شكرا على ردك اخوي مقهوي
والصراحه هذا اللي بخاطري لكن لااحبذ القير العايدي نهائيا
واللي براسي يدور اركب عليه مكينة 6 لتر بقيرها ودبلها من التشليح

[AL.5YAL]

في انتظار بقية الأخوان .... أتمنى ان أجد لديهم مايسددني بعد الله

[أبـو تـركـي]

شوف اخوي دامك راعي بر وسفر وخطوط يصلحلك الـ 91 الدفرنسين عز الله انها مواتر وبعدين فيه 350 او 454 انت وحظك وماتحتاج تجديد فيه مواتر انا وقفت عليها 91 - 90 نظيفه وممشاها قليل وشفت قبل فتره موتر في موقع حراج اظن انه 91 دفرنسين نظيف ماشاء الله بدوره وبرسلك الرابط .. وريح راسك من الكهرباء والحساسات ,

وبالنسبة لاستفسارك عن 3500 و 2500 يفيدونك الشباب اهل الخبره ان شاء الله

بالتوفيق

[راعي العشرة]

السلام عليكم ورحمة الله وبركاتة .
الموديل الي تسأل عنة 91مايجي 454دفرنسين من بلدة الا إذا المكينة مغيرة .
بالنسبة 3500 الدفرنسات ضخمة 8 مسامير تتحمل واعطالها قليلة جداً
2500 الدفرنسات 6 مسامير صغير وكثيرة الاعطال جدا وانتبة تاخذة
وانصحك لاتغير مكاين لانه قوي جداً ولايحتاج أي تعديل خصوصاً أنة موتر للعائلة .
وبالتوفيق .

[ابو جماس]

حياك الله يــــا al.5yal اول شي اضرب لك تحيه عشان ذا الكلمه ( اخلي المظاهر لاهلها )

اولا مرحبا بك ومسهلا وبالنسبه للسوابر في واحد من الاعضاء يقول والعهده على الراوي

انه عين في معارض الرياض في احدى المعارض سوبر ماذكر موديله لكن تدري كم ماشي .... 6 الاف .... فقط

وان كان لك خاطر فيه ابدور له في النادي وانشالله احصله واعطيك الرابط

بعدين من حسب خبرتي موديل الـــ 90 91 كاااايف وعزالله بتعين موتر خفيف نفس ومظبوط

بس الله يرزقك ... في القريب العاجل ...

ملاحظه : انا بادور لك وان عينت نظيف مالك الارقمه وانت وحظك

[VTC 3333]

2500 الدفرنسات 6 مسامير صغير وكثيرة الاعطال جدا وانتبة تاخذة
.

هل تقصد 2500 او 1500

[مهووس بالجموس]

بالنسبه للدفرنسات فهي 1500 ست مسامير
و2500 ثمان مسامير
3500 ما اتوقع ان فيه سوبر بالمقاس هذا جا على الونيتات فقط والعلم عند الله

بالنسبه للمكينه 454 طرب وان حصلتها فهي تكفيك وزياده اذا الموتر للعايله
وما انصحك تركب سته لتر ولا غيره
...
..
.
طيب سؤال ليه ماتاخذ لك ونيت تخليه للبر والمكشات وتخلي موتر العايله للقار فقط والسفريات

[GmcSierraZ71]

انا عندي جمس 90 مكينته 454

اخوي ابو جماس والله انك صادق من ناحية خفة النفس و لو انه بدون دبل
عاد الحين يوم شريت السييرا بنبيعه :( :(

الموتر ماشي 223 الف اذا راعي الموضوع يبيه .

:( والله ما ودي ببيعته بس الوالد
و من ناحية المكينة ليه تغيرها ؟؟؟

7400 سي سي !! صح انها قديمة بس 454 انش

[بشير حمد شنان]

مشاءالله والله فكرتك حلوة وما ازيد على كلام الخبراء
تحياتي لك وبلتوفيق اخوي