تفضلو واعطونا ارائكم بخصوص تجديد ونيت gmc 78 - 454

[ابوحمد78]

بسم الله الرحمن الرحيم
الاخوة الكرام اعضاء نادي عشاق الجمس والشفر الحوض المحترميــن
السلام عليكم ورحمة الله وبركاته
وبعد
مسيتم بالخير جميعا
انا عضو جديد في الموقع ومحب للكلاسيك ارجو ان تقبلوني لديكم في هذا الموقع المتميز

يشرفني ان اخذ ارائكم حول تجديد سيارتي نوع جمس 454 موديل 78
علما بان السيارة بحالتها الاولى كانت ملك لشايب توفى من سنة تقريما رحمة الله رحمة واسعة واسكنة فسيح جناتة
وهي معاه من الوكالة كانت مكينتها زرقاء وخبطت مع الشايب وبدلها وعطوه الوكالة مكينة جديدة بصندوقها بس طلعت المكينة سوداء نفس الحجم 454

ومن ثم قمت بشراء السيارة
وحان وقت تجديدها بالكامل
اتتركم مع الصور و
واتمنى ان لا تبخلو علينا بارئكم
علما بانني من سكان مدينة الرياض
ارجو الافادة من جميع النواحي
ونترككم مع الصور
http://www10.0zz0.com/2009/08/04/19/804645914.jpg

http://www5.0zz0.com/2009/08/13/10/446106766.jpg

http://www5.0zz0.com/2009/08/13/10/794114054.jpg

http://www5.0zz0.com/2009/08/13/10/301764022.jpg

http://www5.0zz0.com/2009/08/13/10/289348469.jpg

http://www5.0zz0.com/2009/08/13/10/993052263.jpg

http://www5.0zz0.com/2009/08/13/10/789422403.jpg

http://www5.0zz0.com/2009/08/13/10/970767424.jpg

http://www5.0zz0.com/2009/08/13/10/934365288.jpg

http://www5.0zz0.com/2009/08/13/10/972736324.jpg

http://www5.0zz0.com/2009/08/13/10/467253692.jpg

هذا وتقبــــلو فائق تحياتي وتقديري
ابو حمــــــد

[ولد البوعينين]

الله يوفقك ويعينك على المصاريف

[ابوحمد78]

الله يجزاك خير ويوفقنا وإياك

[تيتشر]

أولاً : مبروك عليك الموتر

ثانياً : بالنسبه لي حلاة الموتر خصوصا الكلاسيك انك تخليه شد بلد , يعني لو انا بمكانك أجدده بس بدون زبرقه أخليه شد بلد وحتى الكفرات اخليها عاديه وحتى طياسه اركب له طياس شد بلد .

هذي وجهة نظري

[ابوحمد78]

الله يبارك فيك ويجزاك خير

وبكل صراحة رايك في محلة وهذا الي يبي يتم انش الله

بس نحتاج بعض النصائح مثل البوية وين اسويها وكم رقمها وخلافة

وبعض القطع الاصلية وين احصلها

والتنجيد وش احسن محل ينجد المرتبة شد بلد
ومثلك عارف ما نستغني عن رأي اهل الخبره

شاكر لمرورك وتشريفك للموضوع
وتقبلو فائق تحياتي وتقديري للجميع

[النايف]

الله يعينك

شوووف هو على حسب وش تبي وعلى حسب الميزانيه

لازم الوااحد يشتغل صح أنا أقول أهم شي انك تشتغل في المكانيك والكهرباء اول شي

إذا انتهيت منها تشتفل في السياره من تحت الهيئه من والى وبعدها تشتغل في الصبغ (( اشوف البويه صبغة موديل 73 ) هذا رأي واخر شي في الداخليه

وأنا ماعندي خبره بورش الرياض يفيدونك الشباب ان شاء الله خبرتي في الشرقية

أتمنى أني افدتك

أخوك مبــــــارك

[FAPIoO]

الله يعينك

شوووف هو على حسب وش تبي وعلى حسب الميزانيه

لازم الوااحد يشتغل صح أنا أقول أهم شي انك تشتغل في المكانيك والكهرباء اول شي

إذا انتهيت منها تشتفل في السياره من تحت الهيئه من والى وبعدها تشتغل في الصبغ (( اشوف البويه صبغة موديل 73 ) هذا رأي واخر شي في الداخليه

وأنا ماعندي خبره بورش الرياض يفيدونك الشباب ان شاء الله خبرتي في الشرقية

أتمنى أني افدتك

أخوك مبــــــارك


انا رأي من رأي اخوي مبارك

يعني اول شي شف وضع المكينه وش محتاجه اكيد فيه قطع لااااازم تغيرها
وبعدين شيك على الكهرب واسلاكه
واذا تبي شوري جب ورقه وقلم وقلب بالموتر وش الي خربان وسجله حتى لو فيه مسمار ناقص سجله
وبعدين أسأل عن القطع قبل تبداء بأي شي واشترها وبعدين ابد اشتغل على الميكانيكه والكهرب فقططط
واذا خلصت شف القطع الداخليه الديكورات وكل شي ناقص وحتى برا دور القطع الي ناقصه
واشترها وركبها واذا خلصت من كل هذا رشه بويه وبعدين تنجيد وبعدين تلميع للمكينه والداخليه والسياره من تحت ويسوون لك رش ضد الصداء وبويه لونها اسود

وبيطلع الموتر كأنك توك مطلعه من ابو جميح:43664.imgcache[1]:

[ابوحمد78]

الاخ مبارك والاخ faplo0 المحترمين
الله يجزاكم خير وشاكر ومقدرلمجهودكم وارائكم
وسوف تؤخذ بعين الاعتبار
ورحلة الالف ميل تبدأ بخطوه

شاكر ومقدر لمروكم وأرائكم وتقبلو فائق تحياتي وتقديري

ابوحمد

[راعي شامان]

مرحبابك يازيد تراحيب الحيا


عسى الله يبارك لك فيه ويعطيك من خيره

الله يعينك على الزين

بخصوص البويه حاول قد ماتقدر يبقى شد بلد ماعدا بعض الاماكن اللي يجب تلقيطها

ومبين ان البدي يحتاج تلمييييع واحد فنان عشان يطلع زقرت وفيه ورش عندنا بالدمام بصراحه انصحك فيها

وإذا بغيتها آمرني امر بس ولا يهمك شي

والله يعينك على الداخلية هي اللي بتتعب فيها لوهي بيج كان سهل لكن الأحمر نااااادر تلقاها

لكن الزين يستاهل واللي تبيه على خشمي ورقمي عندك


ولكم التحيّه

[مطلق السلمان]

أخوي العزيز

السلام عليكم ورحمه الله وبركاته ،،،

الله يوفقك في مشروعك ولكن تحتاج في بداية المشروع إلى مبلغ جاهز ويكون في حدود ( 30 ألف ريال ) عشان تبتدي صح ويطلع الموتر بصورة مرضية لأن الموتر ميت إلى أخر حد ولكن الله نفعك في بدي الموتر شد بلادة.

في البداية أقترح عليك بأنك تبتدأ في تجهيز الموتر ميكانيكياً وتقوم بعمل مايلي :ـ

1- عمل تصفية للمكينة وتغير ما يلزم بها للعمل على أكمل وجه + تغيير بواجي + وايرات بواجي.
2- عمل إصلاح للكبرتير.
3- تركيب طرمبة ماء جديدة.
4- تركيب طرمبة بنزين.
5- تركيب رديتر جديد إذا لزم الأمر + أهواز رديتر جديدة ضروري + قفيز رديتر.
6- طقم سيور جديدة.
7- فك توانكي البنزين وعمل تنظيف كامل وتركيب أهواز بنزين جديدة اللي بين التانكي الأول والثاني والقسام عشان أتفادى التهريب وكذلك التشييك على قسام التوانكي شغال أو لا.
8- تركيب سلف جديد + واير سلف جديد هذا يركب من البطارية إلى السلف.
9- تركيب دينمة جديدة.
10- تركيب أقمشة أمامية وخلفية وخرط الهوبات إذا لزم الأمر.
11- تغيير جلد كليبر أمامي مع عمل تنظيف للكليبر.
12- تركيب طقم أذرعة + ركب + أهواز بريك أمام.
13- تركيب صليبات جديدة.
14- تركيب إسطوانة فرامل خلفية.
15- تركيب صوف هوبات أمامية وخلفية.
16- إصلاح التكييف إذا لزم الأمر.
17- التشييك على الكهرباء من الصدام إلى الصدام.

أخوي هاذي الحاجات الميكانيكية المهمة بوجة عام واللي أنت بحاجة إلى تغييرها عشان الموتر ما يعطلك على (( خط )) وهي كثيرة ولكن لا تخاف لأنها ماراح تتعدى مبلغ ( 5000 ألاف ريال ) ، أما الأكسسوارات الله يعينك تروح التشاليح وتستعين بالأشخاص ذوي الخبرة كالأخ العزيز راعي شامان وبعض المحلات التجارية وفيه حاجات ميكانيكية ما ذكرتها يمكن موترك محتاج أتغيرها أول حاجة أبتدي بتغيير الشي الخربان وهاكذا لين الموتر يصير جاهز ، ولكن موترك بحاجة إلى ديكورات داخلية وخارجية بشكل كامل وسعرها بالسوق غالي وراح أتكلف واجد.

أخوي أنت من سكان منطقة الرياض فيه عندكم تشاليح مثل تشليح الحاير + تشليح النظيم يمكن أتحصل بعض الديكورات وتكون نظيفة.
فيه عندك صناعية شارع الجمعية + دويرة الخرج فيها بعض قطع الغيار في منطقة الرياض.
عندك بالمنطقة الشرقية محل كرستال بالثقبة ( شارع مكة المكرمة ) متخصص في بيع قطع غيار الجموس القديمة.
عندك بعد بالمنطقة الشرقية متجر السهالة بالدمام ( شارع الملك سعود ) متخصص في بيع قطع غيار الجموس القديمة.

بالنسبة للتنجيد في شخص أسمه ( عادل مد الله ) فنان في التنجيد الموقع في المنطقة الشرقية.

بالنسبة للصبغ والسمكرة لن تجد أحسن من ( ناصر اليماني ) ورشة الأنوار الموقع ( عنك ) تبعد عن الدمام 15 كيلو بإتجاه الشمال فنان بدرجة امتياز ولكن السعر غالي ولكن بيطلع الموتر مسكت.


أرجو أن تنال فكرتي على إستحسانك وأتمنى لك التوفيق وإذا شفت أن الموضوع راح يكلفك واجد ترا توك ما بديت تقدر أتغير رايك.

[ابوحمد78]

هلا وغلا ومرحبا كبار
وهلا غلا بك يا راعي شامان
الله يجزاك خير ويفقنا واياك
وجعلك سالم وغانم
وبيض الله وجهك
منت مقصر
مانستغني عن هل الخبرة
وبحاول قدر المستطاع اني اخلي البدي شد بلد مع بعض التلقيطات
وعسى الله يعين

وهلا وغلا باخوي مطلق السلمان
وشاكر ومقدر لتشريفك هذا الموضوع وبكل صراحة كفيت ووفيت
وبيض الله وجهك معلومات قيمة وتدل على خبرة وتميز وابشرك من ناحية التجديد فأنا راعي بال طويل
بما ان النتيجة النهائية سوف تثلج الصدر وتطير كل التعب (((( هاوي كلاسيك )))

اكرر شكري لجميع الاخوان بدون استثناء
وتقبلو فائق تحياتي وتقديري
ابوحمد

[اسد 8100]

ماشاءالله اخوي مطلق كفا ووفا واتمنى انه افادك
تقبل مروري

[بن دريويش]

مااا قصرو معك الشباب ابد ابد

[zZzZzIDAaAaAN]

ما ازيد على كلام الشباب
بس انا عندي جمس و سالفته نفس سالفتك بالضبط
بس انا شاريه من خالي و توفى الله يرحمة...
عموما انا لقيت ورشه متخصصة بالشغلة هذي و لو حبيت ادلك عليها ما عندي مشكلة
و احسن ما فيه يعطيك ضمان صح و لا قد اشتكيت منه و لله الحمد...
نصيحتي لك خله وكاااالة ما عدا الكفرات صراحة اشوف ان الشنبر احلى عليه
و الباقي وكالة حلو
و ترا السيارة تعبر عن شخصية اللي يسوقها
ان كان براسك فكرة و لقيت معارضة ما عليك من احد هذا بالبدي و الاكسسوارات اما ماكينيكا و كهرباء لا خليك عاقل و اسمع الكلام هع

[ابوحمد78]

هلا وغلا فيكم جميعا وما قصرتو وبيض الله وجيهكم جميع
شاكر ومقدر لتفاعلكم مع الموضوع وابشركم بديت بالمشورع واول شي غيرت البطارية وصبيت بنزبن بالتناكي مع كم دعسة على الابنص
وماشــــــــــــــــاء الله تبارك الله اشتغل على طول واخذت علية لفه بغبارة هههههههههههه
وثاني يوم سرحت به الصبح للبستم وغسلته ومن ثم على الورشة وبديت ببعض الصيانة الميكانيكية وبعدها البوية انش الله

وعسى الله يطرح فيه البركة انش الله

اخوي زيدان شاكر لتفاعلك وارجو ان يكون بينا تواصل ابي ارسل لك رقمي على الخاص

وارجو من الجميع تقبل تحياتي
والوعد انش الله التجمع القادم في شهر رمضان انش الله تقبل الله منا ومنكم صالح الاعمال

ابوحمد

[ابوعقل]

ماشاء الله تبارك الله

والله اني فرحت من كل قلبي ان الموتر اشتغل

والله الله بالصور

اخوي ابو حمد

إن شاء الله يكتبونه كذا

ولا تحرمنا من التفاصيل أول بأول

الله يوفقك إن شاء الله

[البهبهاني المغترب]

مبروك الله يتطعمك من خيره ويكفيك شره وما ازود على كلام اخوي مطلق السلمان عزالله قام بالواجب وعطاك العلم الله يعافيه ودايم اول ماتسوي الميكانيكيا كامله وبعدين تبدا في البدي ومن ثم التنجيد واخر شي تشيك الكهرب كامل 0

[متعب المعاميل]

بالتوفيق

واخوي مطلق السلمان

ماقصر

ولوني محلك

كان عدلت الصدمات بدون معجون ولا بويه

اذا كان الموتر شد بلد

مع كل دقشه .. يطلع الحديد الاصلي يالبيه

الله يوفقك الوفق المباااارك ان شاء الله

[بن ضويحي]

الله يطعمك من خيره ويكفيك شره
الشباب ماقصرو كفو ووفو

[ابوليل]

أولاً : مبروك عليك الموتر

ثانياً : بالنسبه لي حلاة الموتر خصوصا الكلاسيك انك تخليه شد بلد , يعني لو انا بمكانك أجدده بس بدون زبرقه أخليه شد بلد وحتى الكفرات اخليها عاديه وحتى طياسه اركب له طياس شد بلد .

هذي وجهة نظري

نفس اللي ببالي واضيف انك تطبق لون الكلاسك الاصلى ولا ترا ماراح يكون نظرته حلوه