سست الجمس سؤال ارجو الدخول

[عزاه يالجمس]

السلام عليكم

كيف حالكم ياشباب

الله لايهينكم انا عندي جمس 2008 ونااازل من ورى وجهيته مرتفعه

ودي اعرف كم يجي سسته من الوكاله اصلا لان انا عندي سستتين والظاهر انه ثلاث سست من الوكاله

وودي اعرف من افضل ورشه بالرياض لسست ابي يزود لي وحده

الله لايهينكم

[وطن العزة]

يفيدونك أهل الرياض ان شاء الله


لكن اذا موترك بدون دبل >> يجي له 3 سست

لأن اللي عندي بدون دبل 2006 >> 3 سست


بالتوفيق

[ا ب ب]

انا في موتري 4 سست موديل 2002 قطع عشره , بس على ماظن على كلام راعيه الاول انه زايد وحده

[عزاه يالجمس]

والله انا كلمت واحد من الشباب موتره 2011 وكاله يقول ثلاث سست ووقفة موتررره معجبتني

وش رايكم اززووده سسته وياليت اهل الرياااض يدلوني على افضل ورشه لسست

[VTC 3333]

وش لك بزيادة السست

بيقسى الموتر عليك وبيكسر ظهرك

بدلك على ورشه وقوله ارفعه لي من ورى


كنت اعاني من نفس مشكلتك

بس لاني رافع الوجه

وزود لي جلده صغيره بين السست وارتفع الموتر مضبوط

وتخصصهم جموس

اذا تبي وصف الورشه ورقمهم عطني خبر عالخاص

[فيصل الخالدي]

رجع سسته البلد ولا زيه تلقاها فالتشليح بلاش

مطب الموتر بلد جدا مريح

[ابو جماس]

شوف فيه طريقه ترفعه وهو ثلاث اريش اللي هي

التقبيب يعني يعوجون لك السستات ويرتفع الموتر على عدد السانتيات اللي تبغي

[عزاه يالجمس]

بيض الله وجيهكم

يعني وش رايكم مازود سسته

[madczar]

ركب سسته وجرب

[أبو عذاب]

نصيحه مني لك انا عندي 2011 عايدي من دون دبل 3 سست فقط

لكن عندي اصوات فيها خليتها زي ماهيه اللهم حطيت ربلات بين السسته

الاولى والثانيه وطلع الموتر ميه بالميه فمر التشاليح خذلك سسته وركبها

وبالتوفيق انشاء الله