المساعد الشخصي الرقمي

مشاهدة النسخة كاملة : مشاكل القير العادي للموديل الجديد


MTC_959
08-07-2009, 04:17 PM
السلام عليكم ورحمة الله وبركاته

احب اهنئكم على المنتدى الناجح

والله يوفقنا ويفقكم

يطويلين الاعمار كان عندي جمس 2002 غماره دبل قطع 10 مصفح مشالله عليه
مشاء معي سنه وعليها وطق القير

وبعدها القير عيا يضبط

وضبطت القيير وبعته على الطول


وشريت ليه واحد نفسه نضيف

في بعض المشاكله مثل التفتفه والكتمه

هذي تهون

المشكله القير اذا الموتر بارد القير يغربلك على مايتعشق علما اني غيرت الزيت حق القير وحطيت زيت الوكاله

ومايضبط القير اذا اذا خذيته مشوار احدود الخمسة كيلو

يصير سلام السلام

فا افيدونا مأجورين
abduallah
08-07-2009, 05:25 PM
كانت عندي نفس المشكله بالظبط اضافة الى ان القير عندي كان يقر بالثاني

وصلحته ولله الحمد غيرت له نحاسات ورمان والحمد لله من احسن ما يكون الان
كلفني 1600

ولكن نصيحه لا تصلحه عند اي واحد لانه بياخذ فتره (تقريبا شهر) وبيخرب ولا بينفرط

اذا بتصلح صلحه عند واحد اسمه نبيل في الصناعيه القديمه بالرياض هذا مافي احد اشتكى منه .. وغذا بغيت وصفه علمني واوصفه لك

اتمنى اني افدتك
بن دريويش
08-07-2009, 06:44 PM
شكرا على الطرح الجميل
MTC_959
08-09-2009, 07:14 AM
اخوي عبدالله بيض الله وجهك وماتقصر لكن السؤال اني ابي اصلحه بنفسي مابي ورشه بعدين الرياض قد رحت هناك القطع متوفره لكن ماتحصل اللي شغله ذمه
الجمرة
08-09-2009, 09:05 AM
هلا بكم جميع
بالنسبه للقيور الألمنيوم هذي مشاكلها كثير لاني استخدمتها وما زلت استخدمها على ونيت اخو ونيتك ونفس الموديل و المواصفات....
اذا الموتر بارد هذي طبيعي فيه و لا تتعب نفسك ولا تغير زيت لان صناعه القير فاشله
لكن عندك ثلاث حلول على حسب دراهمك:
1- صلح القير في ورشه بالرياض فالصناعيه القديمه اسمها مركز المطارد فيها سوري فنان انا جربته اسمه محمد 0507541658 هذا رقمه
2-في الكويت في الشويخ شركه اسمها شركه الربيعه تصمم قيور معدله يعني مش وكاله و قطعها تجميع و جربوها الشباب و يمدحونها و اكثر من يستخدمها اللي مزودين مواترهم و تنفع للأستاندر وراح يكلفك القير 6500
3-زياره بسيطه الله لا يهينك لهشام الملا لانه عنده الآن توكيل لشركه كلها تخصص truck كلها فور باي فور و عطاني المجله وشفتها و بغى يغمى علي من اللي شفته قيور richmond وكل ما يتعلق بالونيتات اي شيييييي يطري في بالك .
وفي الختام انت و دراهمك وسامحنا على القصور
تقبل تحياتي الجمـــــــــــــــــــــــرة
MTC_959
08-09-2009, 10:38 AM
طيب ماتقصر مع اني كان ودي اني افك القير بنفسي واقرى عليه يمكن انه يركد اشوي

لكن الاستفسار وش تقصد بـقيور richmond هذي اول مره اسمعها
والسؤال كيف اوصل لهشام الملا يعني وين محله ولا رقم تلفونه لو سمحت

وشكرا لتواصلك في الموضوع
الجمرة
08-09-2009, 10:54 AM
السلام عليكم

قيور (ريشموند) هذي شركه تصنع قطع تزويد -كوارين -قيور -هيدروليك -المهم انت جرب رح الورشه و استفسر عنها لاني انا ما استفسرت هل القيور للساند كار (لسيارات الرالي)- ولا دراق كار (سيارات قومات)- ولا ديلي يوز (استخدام يومي)

افااااااااا بس في الشرقيه ولا تعرف ورشه هشام
في رحيمه (راس تنوره) اخر الصناعيه ورشه الآداء العالي
ورقمهم 6680571
اسأل ولا انت بضايع
MTC_959
08-09-2009, 11:58 AM
انشالله اقرب فرصه افضى ارووح له واستفسر
واردلك هنا في المنتدى علشان غيرنا يعرف صح ولالا(-;
FAPIoO
08-09-2009, 02:43 PM
ايه تكفى أسأله ورد لنا
لأني اعاني من نفس المشكله
abduallah
08-10-2009, 02:32 AM
فيه شغله نسيت اقولها

شيك على الكلتش لان بعض الاحيان يكون منه

<<<< صلح القير وطلعت المشكله من الكلتش

تحياتي
MTC_959
08-10-2009, 04:58 AM
اشكرك ياعبدالله

والله انك بتحل ازمه

(-: