الجمس ومشكله القير الازلية...!!

[جمس 91]

السلام عليكم ورحمة الله وبركاته

انا عضو جديد وسالفتي سالفة

عند الوالد جمس 91 سوبر بان

واخذته لي بعد استغناء الوالد عنه

والموتر مريحني ماشاء الله الين قبل كذا يوم صار في القير حاجة غريبة

مايبدل للتعشيقه الاولى الى اذا مشى تقريبا 40 كلم...وحنه قوية مره ...

علما ان الوالد قال لي انه قبل كذا سنه موظب القير...

وللمعلومية الماكينه 350..وماشاء الله حالتها ممتازة

واحد من الشباب قلته عن الموضوع وقال يبيله توظيب وانصحك انك تركب قير جديد...

وقال فكره غريبة وابي رايكم فيها..

الفكره : يقول اني اركب قير عادي وارهم الموتر واركب فيه دفرنس قدام ( دبل)....

والله مبدئيا الفكره عجبتني خصوصا في ظل اسعار الجموس القديمة...

ابي مشورتكم وانا احب المغامره عطوني نصايحكم الله لا يهينكم...

[البهبهاني المغترب]

واحد من الشباب قلته عن الموضوع وقال يبيله توظيب وانصحك انك تركب قير جديد...

وقال فكره غريبة وابي رايكم فيها..

الفكره : يقول اني اركب قير عادي وارهم الموتر واركب فيه دفرنس قدام ( دبل)....









اخوي الغالي 0

نصحيه ميكانيكي اذ سويت هذا شي الله يعينك على المشاكل
1- حرة في القير والسبب الكرسي لانه معدل الى قير عايدي وهو كان تمتيك0
2- الله يعينك على تغيير عمود كردان ومدري تزبط والاما تزبط 0
3- عدم اتزان السياره في الا تجاه لانك بتركب دفرنس قدام وصعب يصير زي شد البلد0
4- رايح يثقل عندك الدركسيون ويصير غير ثابت0
5- احتمال ينشعر عندك الشاص من الجهه اليسار من قدام وكثير تصير لانه معدل 0
لذا0
فك نفسك من المشاكل خل السياره شد بلد وصلح قيرك نفسه لا تبدله بقير ثاني لان القيور المستبدله احتمال تلقى في الجرم شعر ومصلح يعني ملفق ويعوطنك عليه ضمان (6) اشهر
احسن لك صلح القير تلقاء عطله بسيط كلتشات وما ادراك يـا زين شداا لبلد وخلك من وجع الراس0
تقبل تحياتي 0

[جمس 91]

يعطيك العافية ياخوي وبصراحة اقنعتني.....

لكن هل تتوقع ان مشكلة بسيطة ( قصدي ما يحتاج توظيب)

واذا في طريقة دلني عليها الله يحييك ....

وونتظر افكار الاخوان..

[البهبهاني المغترب]

بسم الله الرحمن الرحيم
ان شاءلله بسيطه0
1- اكشف على حسسات القير رقم 1،2،3،4 اذا كانت سليمه ولافيه واحد منهن عطلان ترى لها دور في نقل حركة القير وتغيراته 0
2- القيام بتغيير فلتر القير اصلي جي ام حبذا تخذه من الوكاله والحرص على اخذ زيت تماتيك اصلي العلبه السوداء وليست العلبه الحمراء وان شاء الله يزبط 0
3- اذا مافاد فالمعنى عطل كلتشات وبستطاعتك اختبار الكلتشات بطريقه التاليه 0
القيام بتعشيق القير على دي (1) يعني تنزيل عصا القير للا اخر ومن ثم وضع رجلك اليمين على الابنص ورجلك اليسار على الفرامل وفي هذا الحاله سوف يتضح لك ،
اذ ارتفع وجه السياره الى الاعلى وانت تلاحظ هذا الشي بقوة عزم السياره 0 اما اذا لاحظت ان عزم السياره بارد والسياره تميل للضعف واحياناً تطفاء فهاذا معناة ان الكلتشات رايحه وانتبه زين :icon30[2]: ترى بعض الورش لعابين خلك ذيب لايزرفون:43246.imgcache[1]: قيرك شدالبلد تراه غالي وما تلقى زيه واذا جيت تصلح عندهم شي حط علامه في القير لايعرفها الى انت 0
تحياتي لك وردعلي وان شالله افيدك

[أمير المصفحات]

أخوي خذ العلم الاكيد


القير عندك سليم جدا وبالنسبة للمشكلة قبل كل شي حاول أنك تعدل الميزانية حق الكلتش وشوف لك ميكانيكي ممتاز وخله يوزن الكلتش وبيضبط

وإذا ما ضبط شف الكلتش يمكن كوووون تعبان وغيره وأرتاح من الحنه

وإذا كان عندك مشكلة من حنة الموتر ركب طاره وبنيون مقاس 14/45 وأرتااااااح وخذ ممشى محترم يوصل 190 كم/ساعة

تحيااااااااااااااتي لك يالذيب ولا توضب القير



أخوووووك أبو صالح

[البهبهاني المغترب]

القير عندك سليم جدا وبالنسبة للمشكلة قبل كل شي حاول أنك تعدل الميزانية حق الكلتش وشوف لك ميكانيكي ممتاز وخله يوزن الكلتش وبيضبط

اخوي امير المصفحات مع احترامي لك ؟؟؟ الرجال يتكلم عن القير الاتمتيك وليس القير العايدى


وإذا ما ضبط شف الكلتش يمكن كوووون تعبان وغيره وأرتاح من الحنه
صحيح كلامك هذا اذا صار قير عايدي لكن الرجال مابعد ركب القير العايدي الي فيه قير تمتيك وارجع لراس الموضوع وتعرف ذلك0

وإذا كان عندك مشكلة من حنة الموتر ركب طاره وبنيون مقاس 14/45 وأرتااااااح وخذ ممشى محترم يوصل 190 كم/ساعة
والاازودعلى كلامك كرونه (14/45) خفيفه وتمد في الخط والاحسن اذا كان قير عايدي ورقمه (17) او (19) يمشي (210)الى(220) اذا كان صافي
وعلى العموم للمعلوميه كل الصوالين الاتماتيك 454 يجي مقاس الكرونه 15/45 الى حد موديل 91 تحياتي لك اخوي وهذا زود معلومات لكي تسفيد منها 0

[بحر القصيد]

ياخواني بعض المرات القير يشكل والسبب يكون تافه لأبعد حد

يعني حرارة الزيت تخليه يشكل + اتساخ الحساسات

يعني بدال تكلف نفسك وتوضب عط الموتر واحد آخر نمره تحت فالقير وادعس له ان كان فزته قويه كلتشات موترك تمام

فك الكرتير اللي تحت القير وافحص الحساسات اذا سليمه (إحرص على تبديل زيت +فلتر اصلي)

ولاااااااااااااااااااازم تفحص (الكولر) مبرد القير لأنه اذا مايبرد زيت القير يحتر الزيت ويشكل القير

والله يوفقك

[ahmedmaz]

مرحبا يالربع وشحالكم.
والله اانا عندي هذا الجمس يطلعلي طلعات عندي الجير يشكل على 2 احس كيف اشيك على الحساسات او على مبرد الجير .ياخي عندنا بنغالية مايفهمون والي يفهم ينصب الا من رحم الله واين هم..
اذا حد يقدر يفيدني الله لا هانه ,

[جمس 91]

الله يجزاكم خير ويبارك لكم في اعماركم...

انا اخذته لورشه مشهورة عندنا في امر الكهرب والميكانيكا البسيطة.. وقد قبل صفيت البخاخ عندها.. قلت لهم عن المشكله قالوا لي ( القير ناصلح ) قلت لهم على الاقل تشييك قالوا طيب

واخذ الموتر العامل وخذ دورتين وقال احتمال طرمبة القير

النت كان عندي عطلان واول ماقرأت الردود والله كان الساعه 12 بالليل ورحت لم الورشه وهي بعيده عن البيت وطبقت

كلامكم على السيارة.....

هذي اجوبتي وردي على اسئلة الغالي ( البــهــبــانــي) وبقية الاعضاء

1 ـ كشفت على جميع النمرات والحمدلله كلها سليمة.

2ـ ان شاء الله راح اغير الفلتر ـ والزيت العلبة السوداء.

3ـ جربت الطريقه اللي خبرتني عليها ونزلت القير للنمره الاخيره ودست على الابنص وعلى الفرامل

وما شاء الله الموتر فز لقدام وشوي ويبدا يحفر = يدور في مكانه...

4ـ كرونه ( 14 /45) وش هذي صراحة مافـهمـتها ( قد سمعت عنها اعتقد اللي تركب في الدفرنس)

لاكن اذا هي تزيد سرعة الموتر هذه شي طيب.

5ـ انا راح اغير الرديتر للسيارة وش تنصحوني ( نــحـاس او المنيوم) ...

وبوجه عام انا الحين وش اسوي بخصوص القير...

والله انا محرج منكم وتفاعلكم معي...

وقفتوا معي وساعدتوني ...

الله يرزقكم على قدر نياتكم وينعم عليكم بالرزق الحلال...

[البهبهاني المغترب]

ـ انا راح اغير الرديتر للسيارة وش تنصحوني ( نــحـاس او المنيوم) ...









اذا تبغى السياره تثلج لازم تسوي الحاجات التاليه :


1- غير رديتر الامنيوم
2-تماتيك مروحه اصلي0
3- على فكره ترى المراوح تختلف ولها تأثير على دفع الهواء للمكينه احسن مروحه الى تجي فارشه وكل ريشه منها يجي فيها وصله ثانيه مبرشمه تدفع الهوا على المكينه هذي احسن مروحة بالنسبه للجموس طبعاً الحرارة مستحيل تتعدى الربع تلقاها دايم نصف الربع والموتر واقف اويمشي مع المكيف اسأل مجرب وانا ما اركب الاهاذي والحمدلله وكما يتضح لك من الصور التاليه:ـــــ




http://www.gmrup.com/out.php/i148521_16341632163216411632164016331638.jpg





http://www.gmrup.com/out.php/i148524_163416321632164116321640163316381632163216 36.jpg





http://www.gmrup.com/out.php/i148525_163416321632164116321640163316381632163216 37.jpg



ملاحظه :ــــ انتبه تركب نحاس اذا ركبته الله يعينك على الحراره لان معاد يجي نحاس اصلي وعلى العموم الالمنيوم افضل من جميع النحاس

[جمس 91]

الله يرحم والديك المراوح هذي حق اي موتر...ولها رقم محدد...

لان الموتر اللي عندي له مروحه وحده ضخمه حديد...( يعني المكيف ماله مروحه خاصة)...

والرديتر كم صفه اركب...