الحقوني ياشباب بموت من كفرات البلون ؟؟

[راعـ2009ـي(Albhbhani)]

ياشباب الحقووني اليوم ركبت كفرات بلوون900 ماكسس على جنط الوكاله وصارت تحك في الصاجات هل الي قد ركب على جمس سسيرا 2009بلون وحصلت معه
يعلمني الحل ..ساعددددوووني يا الوجيه الطيبه
__________________________________________________ _____________

المشكله الثانيه حست ام الغرابي محل محل مالقيت جنوط تركب على الجمس الي بعضها يحك في الهوب والي بعضها ماتدخل المسامير ..والله انجنيت ..ابي احد يفيدني يا النشاما

اتمنا الحل من اهل الخبره ؟؟؟

[عاشق z71]

شف مشكله ااحتكاك الكفر مالك الا ان ترفع السياره

موترك فيه مسمار من تحت اسمه مسمار الالتواء او القظيب اللتوائي تشده ويرتفع الموتر وزينها بالبيت بعد

اما الجنوط فالسليماني عنده جنوط كثيره لموترك انا شايفها

واي خدمه حاظرين

[بـلـيـهـان 1]

السلام عليكم ، بالنسبه لموترك الحل هو أنك ترفعه من قدام و طريقه رفعه هو بإضافه كعكات على اليايات لأن النظام الأمامي يايات و ليس مسمار الإلتواء ، أو أنك تروح تغير اليايات تركب يايات أكبر أو أطول .

أبو غازي على حسب اعتقادي 2008 و طالع كلها يايات ش مسمار التواء .. صحيح ولا لا ؟

--

تحياتي

[راعـ2009ـي(Albhbhani)]

تسلموون يا الوجيه الطيبه ( طيب اخووي البوالين زينه ولا... هي الي تركب في الياي قدام ..) ونت خابر ونا اخووك الموتر 2009 ما ابغا العب فيه من ناحيه تركيب كعكات وشياء مكانيكيه غير الوكاله ...)
************************************************** ************
(اما السليماني هو عنده جنوط بس مهب جنوووط اووكيه من ناحيه الشكل وبمرهم وبشوف مره ثانيه )
++++++++++++++++++++++++++++++++++++++++++++++++++ ++++++++
(اخووي انا لقيت غطاء على الصندوق يحميه اثناء التحميل من التمخش عند السليماني 730 ريال زين ولا)
/////////////////////////////////////////////////////////////////////////////////////////////////////////////////////////////////////
اخوووي هل كفرات البلون 900 تخرب المووتر ..ولا... انا ركبتها وخفت من ذا الكلام ..
&&&&&&&&&&&&&&&&&&&&&&&&&&&&&&&&&&&&&&&&&
اســـــــــــــــــف (على الاطاله وتعبتكم معي) اســـــــــــــــــــف

[عاشق z71]

معليش يالغالي ابو عبدالله نبهني لشغله مره مهمه وهي ان الجديد مافي مسمار

وبصراحه مدري باظبط عن الجديد


وبالنسببه لكعكات ترا مافيها شي ميكانيكي مامنهها خوف

ولاكن اذا عزمت تشتري وتركب علمنا في كم نقطه نعلمك عنها

[تناهيت]

البالون ما فيه ضرر على السيارة لاكنه يختلف التحكم فيه خاصة في المطر واذا كان الطريق في موية لذا لازم تحذر من هالشيء عدا عن ذلك بتختلف معك الرساوة بعض الشيء ،،وبالنسبة للحل ما فيه حل الا انك ترفع السيارة واسأل العارض لأنه مسوي نفس الطريقة ولا انصحك تغير جنوطة لأن جنوطة على الماكسس بتطلع حلوة وحاول بقدر الأمكان تبعد عن جنوط السليماني لنها موب اصلية وتسبب رجه للسيارة ..

تحياتي الخالصة

[شقران]

كلام اخوي تناهيت صحيح 100%

[بـلـيـهـان 1]

البالون يعطي مظهر رائع و شكل ، و مع الخط تزيد السرعه نوعا ما بسبب دوران الكفر يكون اكبر

البالون لا يبدع ابدا ً إلا في البر

ولكن في الطين .. في الشارع .. في المطر .. لا ينفع ابدا ً و أسأل مجرب ولا تسأل طبيب

البالون فقط ميزته أنه اذا نسمت يفرش و ياخذ راحته بين النفود

و البوالين .. تتمسح بسرعه خلال سنه يكن تتمسح و أخص الماكسس

وايضا على حسب الاستخدام


--

تحياتي

[بندر]

كلام الشباب 100%

[راعي وشيقر]

الظاهر في طريقه بس مدري عن الجديد .. اناا كنت مجربها على موتري .. وكان يحك ..

الصدام من داخل له حديده طويله .. جهه منهاا مركبه في الصدام وجهه في حديده الظاهر انهاا طالعه من الشاص ..

اذا ارخيت مساميرهاا بيميل الصدام مع الجوانب ويصير طرفه من جهه الكفر مبعد عن البدي او عن اللي تحت الاصطب ..

اذا نزلته شووي جرب ولف بالكفر .. إلين يصير ماعاد يحك ثم شد المسامير ..

ترا والله مدر عن هالطريقه في موترك .. لكنهاا كانت مسويه على موتري وضابطه .. لكن تحس ان الصدام مرتخي مع الجوانب وانه ماركب زين ..

[راعـ2009ـي(Albhbhani)]

مشكووور ...الله يعطيكم العافيه ...يعني ارفع الموتر ...بس هل هو اكيد ما يخرب الموتر ......طيب هل البوالين الي تركب في الياي تركب على 2009 ولا ..(والله يا شباب كرهت موتري من هاذي المشكله لنها تحك حك قووووي) ..والله يشهد انكم ماقصرتم معي ...بس ابي حل ................................. طيب وين اخووي العارض ابي اسئله عن حاجات الي يعرفه وينه يناديه ...

[الـ ع ـارض]

خالي ...صباح الخير

خذ العلم اللي يجمد على الشارب

اذا موترك 1500 وتبي تركب عليه كفرات بالون لاااااااااازم ترفع الموتر بكعكات من الامام وتزيد سسته من ورى

واذا تبي تغيير الجنط مالك الا تركب جنوط gt مقاس 16 وعرضها 8 انش وتركب عليها بالون 900 من نوع سيام

اما البالون اللي يركب بالياي ... ما يجي عندك ... لان قدام عندك المساعد بوسط الياي وبالخلف سست ...


(اخووي انا لقيت غطاء على الصندوق يحميه اثناء التحميل من التمخش عند السليماني 730 ريال زين ولا)


ركبه هذا سعره وتراه عملي جدا

[راعـ2009ـي(Albhbhani)]

مشكووور يا النشمي ..اشهد انك وافي ..بس تعرفلي ورشه كويسه ..وكم يكلف $$$ ..طيب لو ارفعه من قدام بس ينفع ...
ومشكووور الى ماله نهايه ...

[فيصل الخالدي]

موترك 1500 ولا 2500 يفرق التعليق الامامي

[فيصل الخالدي]

مايحتاج تزود سسته ورا

تحط لفتنج بلوكس وخلصنا

ابوريكم قطعه ممتازه جدب تعطيك رفع ممتازه لكفرا 33 وتتحمل البوالين واصليه

فيه قطعه بكعكة تنزيل الدفرنس وذراع علوي وبلكه خلفيه

http://www.3tt3.net/up/upfiles/mNy41401.jpg (http://www.3tt3.net/up/)

ةهذا شكله بعد الرفعه

http://www.3tt3.net/up/upfiles/FiH41401.jpg (http://www.3tt3.net/up/)


وهذا الرابط

http://www.roughcountry.com/chevy_2wd_07-08_3.html

وفيه رفعه ثانيه بدون بلكات خلفيه كعكات طبعا

http://store.summitracing.com/egnsearch.asp?N=700+4294755933+4294908171+42949074 34+4294925130+115+4294843846


انت والي تبي من الرفعات والسعر

[الفريشه]

اذا موترك 1500 نفس كلام الـ ع ـارض

واذا موترك 2500 انا سويت شد للمسامير اللي تحت السائق والراكب
وارتفع 6سم

والخلف قطع ربل بين السست

بالتوفيق

[الفريشه]

مايحتاج تزود سسته ورا

تحط لفتنج بلوكس وخلصنا

ابوريكم قطعه ممتازه جدب تعطيك رفع ممتازه لكفرا 33 وتتحمل البوالين واصليه

فيه قطعه بكعكة تنزيل الدفرنس وذراع علوي وبلكه خلفيه

http://www.3tt3.net/up/upfiles/mny41401.jpg (http://www.3tt3.net/up/)

ةهذا شكله بعد الرفعه

http://www.3tt3.net/up/upfiles/fih41401.jpg (http://www.3tt3.net/up/)


وهذا الرابط

http://www.roughcountry.com/chevy_2wd_07-08_3.html

وفيه رفعه ثانيه بدون بلكات خلفيه كعكات طبعا

http://store.summitracing.com/egnsearch.asp?n=700+4294755933+4294908171+42949074 34+4294925130+115+4294843846


انت والي تبي من الرفعات والسعر



وفقك الله يالخالدي
زدنا من كنز معلوماتك
زادك الله من فضله

في انتظاركم

تحياتي

[الـ ع ـارض]

مشكووور يا النشمي ..اشهد انك وافي ..بس تعرفلي ورشه كويسه ..وكم يكلف $$$ ..طيب لو ارفعه من قدام بس ينفع ...
ومشكووور الى ماله نهايه ...


اذا انت انت بالرياض الورشة موجودة والشباب كلهم اشتغلوا فيها ترفيع مواترهم

الفريشه وراعي صمله وعاشق

ارسل لي على الخاص اذا انت بالرياض واعطيك عنوان الورشة ورقم تلفونهم

[الـ ع ـارض]

اذا موترك 1500 نفس كلام الـ ع ـارض

واذا موترك 2500 انا سويت شد للمسامير اللي تحت السائق والراكب
وارتفع 6سم

والخلف قطع ربل بين السست

بالتوفيق

انتبه يا بو عبدالله .... الربل يطلع من بين السست وخاصه اذا كنت راعي مطامر جروف ... وانت متخصص بالامور هذي ... والدليل ... لحية الموتر اللي كل شوي طايحه :d

[تناهيت]

اذا موترك 1500 نفس كلام الـ ع ـارض

واذا موترك 2500 انا سويت شد للمسامير اللي تحت السائق والراكب
وارتفع 6سم

والخلف قطع ربل بين السست

بالتوفيق

ابو عبداللة ...........> هل الربلات تتحمل القــش والمطامر بمعنى انها مع الوقت ما تتآآآآآآآآآآآآآآآكل وتطيح جهه وجهه لا ويصير الموتر يعرج ولاعاد تقدر توزنه في الخط :)

تحياتي اخوك الصغير :(

[راعـ2009ـي(Albhbhani)]

اخووي العارض انا في الرياض

[الـ ع ـارض]

خالي اسف على التاخير
الورشة بالرياض بالصناعيه القديمة شارع الجمعيه مقابل باقادر لقطع غيار الجمس

اسم الرجال ... ابو عبدالله
وهذا جواله : 0503441862

وقل له جايك من طرف ابوفيصل راعي الونيت الجمس والتاهو الاسود

وان شاء الله مهوب مقصر معك

[ابو خطاب]

بالنسبة لبحثك عن جنوط مناسبة للجمس راجع قسم البيع والشراء تجد جنوط 17 مخصصة للجمس و ماركة

[راعـ2009ـي(Albhbhani)]

مشكووور اخووي .الـ ع ـارض. وماقصرت الله يطول في عمرك .
معلييش تعبنااااااااااااااااااااااااااك

[بندر]

لأشكر على واجب =========>>> داخل عرض

[بن دريويش]

اتوقع ما على كلام الشباب كلام
بوفيصل بعظم شأنه دخل يعطيكـ النصايح

اتمنى لك التوفيق

[رفرـف سديرـر]

السلام عليكم

اخوي راعي اللـ 2009 .. اذا انت شايل هم الرفعه والقروشه .. ورى ماتركب كفرات مياجر للي قدام ؟؟ واللي ورى بالون ..

والشكل ماعليه خلاف :)

بالتوفيق

[عبدالرحمن النعمي]

السلام عليكم يا الشباب كلام جميل و مفيد من الجميع الله يكون فى العون و توكل على الله و ما خاب من استشار و تقبلو مروري اخوكم النعمي من ليبيا ملاحظة هذة اول مشاركةلي وانشاء اللة فاتحة خير وتقبلوني عضو جديد اخوكم صاحب دودج رام 1500 موديل 2001 سابقا اما الان العودة للب ما غنى عنه بلايزر 79 وسلام